خادمة للتنازل

**حلمي الصغير** · 2012-04-09, 18:22

انا عندي اندونيسية معايا من زمان حول 5 سنوات يتني سنتين وسافرت ورجعت بعد سنة وسافرت ورجعت دقيتلها ووردتلي والحين بتكمل السنتين وهي مربية 3 من اعيالي شهاتي مجروحه فيها من ناحية الاهتمام بالاطفال تعتني فيهم عنايه وتهتم فيهم حتى اكثر مني من ناحية الاكل والملبس حتى اذا مرض تلاحظ تفهم انه مريض تقولي تعبان محموم او اسهال وكل شي

وتعرف تغسل وتكوي وتنظف

واهم شي تعرف تطبخ

تعرف تسوي المجبوس والبرياني والصالونات والفطاير والبيتزا والبسبوسة والمعكرونات العادية والبشميل والمحلا والشعيرية وقروص والقهوة والشاي ووتتعلم الطبيخ بسرعه

طبعا سبب التنازل وهاي المشكله انها هي اشوي كبيره بالسن تقريبا 38 عمرها وهي تبا تشتغل وما تروم على كل شغل بيتي اعيال وطبخ وتنظيف وانا ما اقدر ايب اكثر من خدامة في البيت كانت عندي خدامات وروحن والحين ما اقدر ايب خدامة وهي مب قادرة على كل شغل بيتي لانه عندي فلا طابقين غير الغسيل والكوي وولدي الصغير

يعني الي يباها الافضل تكون للاطفال بس او اذا للطبيخ بس يعني ما تمسك شغلتين ما تروم

ومعاشها 1000 ولتنازل عنها 12 الف انا يايبتنها من المكتب بس 9000 والله على ما اقول شهيد غير الجوازات والفحوصات والهوية وهي عندي من زمان واعرفها زين

وهي شهر 5 بتخلص ووالي يباها بجددلها على كفالته بعد اسبوعين بالضبط مب الحين بس الي ياخذها يراعيها يعني ولا ياخذها لعيال بس او طبيخ بس لانها ما تروم اكثر من شغله ( على فكرة تراها يده )

المزيد من آخر المواضيع من نفس القسم:

***الثريا*** · 2012-04-09, 18:53

الحين هي بتخلص شهر ٥
وانت ليش تبين ال ١٢ الف؟
وماشاء الله لستة شروط

اسمحيلي بس المبلغ وايد صراحه ومبالغ فيه

الله يوفقج ويوفق اللي بتاخذها

**عيون الصقر** · 2012-04-09, 19:21

اختي انا حابه اخذ الشغاله بس السعر وااااااااااااااااااااايد وأنا اباها للوالدة الله يحفظها
يعني اذا بتتنازلين عنها بسعر أقل حابة تتواصلين وياي عالخاص

**عيون الصقر** · 2012-04-09, 19:24

اختي انا حابه اخذ الشغاله بس السعر وااااااااااااااااااااايد وأنا اباها للوالدة الله يحفظها
يعني اذا بتتنازلين عنها بسعر أقل حابة تتواصلين وياي عالخاص

**ام زايد21** · 2012-04-09, 19:45

وين الاندونيسيات من 5 سنين ب 9000 احينه ما وصلوا 9000 وتقولين 12000 حشا موب خدامة هاى غير انها مخلصة مدتها يعنى اذا محد خذاها بتتكلفين تذكرتها بعد يعنى المفروض التنازل بسعر رمزى او مجرد نقل كفالة الصراحه ادور واحدة حق الطباخ بس هاى الصراحة وايد مطلوب فيها اذا بتتنازلين عنها بمبلغ معقول خبرينى غير ان راتبها 1000 وايد بعد هى ما بتشل بيت كامل يعنى لها شروط يا تيود مطبخ او عيال عمتى عندها اندونيسية وحرمة عودة ميودة بيت 3 طوابق وتطبخ وتغسل وتكوى وتسقى الزراعة وراتبها 700

**مونتاج** · 2012-04-09, 19:49

موفقه

**حلمي الصغير** · 2012-04-09, 20:40

انا فعلا خسرت عليها 9 الاف غير المعاملات وبعدين يا خواتي العزيزات الي يعجبها اهلا وسهلا والي ما يعجبها كلمة طيبه وبعدين انا معلمتنها كل شي يعني جاهزة ما بتعبون في تعليمها وايد وعشان الي محتجه في مجال تنزيل السعر في حدود المعقول الي حابه تتواصل تقولي جم قادرة تتدفع والسموحه من الجميع وانا يوم قتلكم انها لا حق اعيال او طبخ هذا مو تشريط هاي امانه حبيت اقولها لكم عشان ما اغش حد بامكاني اقول انها تسوي كل شي وتتوهقون فيها بس انا اقول الصراحه انها ما تروم تسوي كل الشغل ولا لعيال او طبخ والسموحه

**ام الدانة** · 2012-04-13, 23:57

بنات سوري على التاخير بس في اول وحده طلبتها بس ما ترد على. الخاص بشوفها اذا ماردت بشوف حد ثاني

**ام ميثاني..** · 2012-04-09, 20:53

فديتج اذا انتي يايبتنهى من خمس سنين.... موجوده عندج كيف تقولين انجيايبتنهى ب9000

الحين في المكتتتب ب8000 وشي مكااتب 8500 وشي 9000توه هالكلااام ومن 5 سنواات الخداامت ب5000 كوني واضحه في كلاامج وشي اللي ماترضينه لنفسج لاترضينه لغيرج لةانتي صدق تبينهى مابتعرضينهى

**حلمي الصغير** · 2012-04-09, 22:05

المشاركة الأصلية كتبت بواسطة ام ميثاني..

فديتج اذا انتي يايبتنهى من خمس سنين.... موجوده عندج كيف تقولين انجيايبتنهى ب9000

الحين في المكتتتب ب8000 وشي مكااتب 8500 وشي 9000توه هالكلااام ومن 5 سنواات الخداامت ب5000 كوني واضحه في كلاامج وشي اللي ماترضينه لنفسج لاترضينه لغيرج لةانتي صدق تبينهى مابتعرضينهى

عزيزتي ـانا يبتها من 5 سنين بـ 6500 وقعدت سنتين وراحت ورجعت يبتها عن طريج نفس المكتب بعد سنه باكثر من 6 الاف ويلست معاي سنه ورجعت سافرت لانه عندها ظروف وبعدين يبت آخر ولد عندي ولاني ما اضمن غيرها كلمت طباخه هلي وقالتلي انها تشتغل عند ناس في ابوظبي وكلمتها عشان اتي عندي وكلمت كفيلتها ووعطتني اياها للمره الثالثة ترجع عندي ودفعت 9 ألاف واظن اني موضحه اني يبتها 3 مرات في الموضوع والحين بتكمل سنتين والي اقصده اني اعرفها من 5 سنين اشتغلت عندي فهمتو وبعدين ماله داعي هالكلام ترضين وما ترضين انا لو كاذبه عليكم جان مشت امورها يا عزيزتي انا مب نصابه او غشاشه او ناويه اغش حد فعلا هي مب قادرى على بيتي كامل واذا في خدامات يقدرن ترى الله ما خلق الناس واحد اما امركم عجيب ( فل تقل خيرا او لتصمت ) (اسغفر الله العظيم )

**ليندااااا** · 2012-04-10, 01:15

رررررفع

**أم شيخوو123** · 2012-04-09, 21:00

هل تريد راحة البال"وانشراح الصدر وسكينة النفس وطمأنينة القلب والمتاع الحسن ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً }

**ام حميد 2012** · 2012-04-10, 02:27

موقفه حبيبتي والله يعينج

**ام علاوي2007** · 2012-04-12, 13:50

وايد رافعه السعر
اكثر عن 7000 وايد

**ليندااااا** · 2012-04-13, 12:18

المشاركة الأصلية كتبت بواسطة ام علاوي2007

وايد رافعه السعر
اكثر عن 7000 وايد

اشووو 7000 ؟؟؟؟؟؟؟
الخدامة مخلصة مدتها تقول

الموضوع: خادمة للتنازل

أدوات الموضوع

عرض

العرض المتطور