جامعه زايد بوظبي

**استرووبري** · 2012-04-06, 01:23

السلام عليكم ورحمه الله وبركاته
شحالكم بنات عساكم بخير
فديتكم بغيت اسفيد منكم انا اول سمستر لي في الجامعه وداشه لفل 2 شو الاشياء الي لازم اسويها خارج الكلاس وتفيدني وابى اخذ الايلس قبل اخلص اللفلات بشو تنصحووني وكيف اقوي لغتي الانجليزيه ومتى اقدم على الايلس احسن بلييز فيدوني لاني صدق داشه الجامعه ومتحمسه وابى اركز في الدراسه وبس ومشكوورين

المزيد من آخر المواضيع من نفس القسم:

**عزة نفس** · 2012-04-06, 01:25

ربي يوفقج

وان شاء البنات اللي دشو هالجامعه يفيدونج

**ترانيم المحبه** · 2012-04-07, 14:03

اهم شي تقوين لغتج وتحفضين الكلمات اليديدة الي تمر عليج وتحاولين تستخدمينها فجمل وايد عشان ماتنسيي

وسيري المكتبه وخذي قصص واي كلمة يديدة ترجميها في قصص تكون مع اللسننغ هالشي وايد بيساعدج وبيسهل عليج

وبعد حاولي تكتبين فمواضيع مختلفة وسيري الرايتنغ سنتر بيساعدونج فهالشي

المهم لا تعتمدين ع اللي تاخذينه فالكلاس وبس لانه ماراح يكفيج بعدين

ولا تفكرين فالأيلس من الحين دام توج لفل 2 كملي للفل 6 وجربي تمتحنين بعدها

لان لو نجحتي بالصدفة مثلا راح تتبهدلين فالجنرال والميجر واللفات وايد راح تساعدج تقوين الرايتنغ والسبيكنغ عندج

ونفس الوقت ماشي ضغط فهاذي فرصتج تقوين عمرج فالانغلش عشان تكون الامور اسهل لج بعدين .. وربي يوفقج

**Romanove** · 2012-04-10, 21:11

**USA Online** · 2012-04-10, 21:48

بالتوفيق اختي بارك الله لكي
بادن الله البنات يفيدونك
وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا
قال الله تعالى { إِنَّ السَّمْعَ وَ الْبَصَرَ وَ الْفُؤَادَ كُلُّ أُولَـٰئِكَ كَانَ عَنْهُ مَسْئُولًا }الإسراء36

الموضوع: جامعه زايد بوظبي

أدوات الموضوع

عرض