ميزانيه المولود اليديد

**افناان** · 2012-04-03, 00:20

بنوتات ... رشيقات .. مساكم الله بالخير
حبيت استفسر كم الميزانيه اللي احتاجها لتجهيز البيبي + اغراض النفاس من جلابيات و بجاايم لي
و اشكركم

المزيد من آخر المواضيع من نفس القسم:

**dxbaii** · 2012-04-03, 00:24

حسب المستوى الي تبينه مثلا سرير البيبي في من 200درهم لين 8000درهم وجلاليب النفاس في من60درهم لين 500درهم الى اخره مافي ميزانيه معينه

**بنت A.D** · 2012-04-03, 00:59

اختي مافي ميزانية محددة , لانه كل شي و سعره .,

و يعتمد انتي من وين حاطه فبالج تاخذين افرولات و اغراض البيبي , يعني اذا بتاخذين ماركات غير عن اذا بتاخذين من بيبي شوب و مذركير و آدمز .,

و السرير انتي و الي يعيبيج , انا خذت سلة للبيبي من ماماز آند باباز بـ 600 و شي من غير الستاند و امس حصلت نفسها فـ مذركير اظن بـ 200 وشي بعد التنزيلات

.,

الجلابيات في من الخان بـ 200 و رووعة و شغل نظيف ، و في من المحلات العادية بـ 500 و الجلابية ما تسوى .,

انتي رتبي انه كل شهر تاخذين شيء احسن ، يعني مثلاً ابدي بأغراض البيبي شهر خذي داخلية و افرولات و الشهر الي عقبه خذي السرير و الملابس كل ما بتروحين بتاخذين صدقيني

و ربي يوفقج و يسهل عليج يارب

.,

**افناان** · 2012-04-03, 01:13

اعرف انه ما في ميزانيه محددة
بس اريد اعرف المتوسط اذا باخذ كل شي من بيبي شوب

**بنت A.D** · 2012-04-03, 01:22

الصراحة ما اقدر افيدج لاني ما خذت من محل معين .,

بس إذا من بيبي شوب ما توقع يكلفج وايد ، واستغلي فترة التنزيلات اتوقع آخر هالشهر عندهم تنزيلات روحي وجوفي .,

**افناان** · 2012-04-03, 08:13

للرفع

**أم جويسم** · 2012-04-03, 08:33

اناا بعد فديتج ما اقدر افيدج لان اغراض البيبي اخده من مكان معين
اكثر من مكان و كل ما اروح و يعجبني شي اخذه ما اخلي شي ف خاطري

**عيناوية مررة** · 2012-04-05, 00:00

حلو السؤال هاذا يبالنا كلنا نعرف كام الميزانية حق النونو

**حنين أحمد** · 2012-04-03, 08:38

اتوقع بحدود 2000

**love rak** · 2012-04-03, 12:18

حطيلج كل شهر تقريبا 300 درهم
اول شهر خذيلج الملابس الداخلية للبيبي وقماطات
الشهر الي بعده خذيله ملابس نيبورن بس لا اتكثرين لان البيبي يكبر بسرعه وقفازات لايده ودلاغات على حسب الفصل الي بتربين فيه وبطانيات لانج بتحتاينهم بتحطينهم لسرير وشبك لسرير اغطون فيه الياهل افضل انا استفديت
منه ايببعونه بكارفور اييج بكيس صغير
الشهر الي بعده خذيله سرير على حسب اذا تبغينه لما يكبر او لما اكون صغير بس ..لو تبغين كبير بتكون ميزانيتج اكثر من 600لو صغير بيكون اقل بحدود 200 او 300 ومب لازم من مكان معروف عاد في امكان عاديه اتكون فيها اسرة حلوة والافضل اتكون خشبيه
الشهر الي بعده خذيلج مثلا كريم لتشقق الصدر والبطن وقطن لصدرج و مراضع لعمره ومقياس حرارة وبامبرز اصغر حجم نيوبورن و زيوت وكريمات وصابون وفوطة للبيبي
ومثلا فوط نسائيه لج .
الشهر الي بعد خذي من مكان عادي وياكثر الامكان الي فيها جلابيات دانتيلل أو مب لازم دانتيل اتكون حلوة ورخيصه مثلا السوق الجديم أو اذا كنت من راك الشارع لكويتي او معيريض
في اشياء حلوة وي شيلهم ..ولا تنسين تاخذين قمصان نوم وبجايم لا اتكثرين عشان تكشخين لريلج
واخر شي حطي ميزانيه لصالون يعني حف لويهج وتشقير حوايبج ويهج وجسمج واستشوار او صبغ لشعرج ووبديكير ومنكير وحنه وشوفي الصالونات ما شاء الله في الرخيص والغالي

**حصّه** · 2012-04-03, 12:26

ماشالله البنات كفن و وفن ...
على حسبج انتي شو تفضلين من اي محلات وكم حاطه فبالج كم لبس للبيبي ولج وشو اللي تحتاجينه ^_^

**افناان** · 2012-04-03, 12:29

المشاركة الأصلية كتبت بواسطة حصّه

ماشالله البنات كفن و وفن ...
على حسبج انتي شو تفضلين من اي محلات وكم حاطه فبالج كم لبس للبيبي ولج وشو اللي تحتاجينه ^_^

ترى هذا اللي ما اعرفه كم جلابيه و كم بجامة بحتاج للاربعين ؟؟
و بالنسبه لبيبي عرفت قالوا لي من كل شي ٦ ... يعني ٦ قماطات و ٦ بدل و ٦ بجايم
بس لي انا ما اعرف

**حصّه** · 2012-04-03, 12:46

المشاركة الأصلية كتبت بواسطة افناان

ترى هذا اللي ما اعرفه كم جلابيه و كم بجامة بحتاج للاربعين ؟؟
و بالنسبه لبيبي عرفت قالوا لي من كل شي ٦ ... يعني ٦ قماطات و ٦ بدل و ٦ بجايم
بس لي انا ما اعرف

اهاا اوكي ... تقريبا لفترة الاربعين خذيلج 4 جلابيات عشان يوم حد يزورج لو تكون الجلابيه على 200 ومثلا للبيت خذيلج جلابيات خفيفه او بجامات عشان ترتاحين فيهن وبس

**(خيماويه)** · 2012-04-03, 13:46

للرفع

**[..دانــة..]** · 2012-04-03, 14:45

شرات ما قالن البنات ،، ع حسب وين بتتشرين ،،،
ولا تاخذين كل شي مره وحده بالعكس أهم نصيحة استفدت منها في تجهيز حملي
اني اشتريت الأغراض على مدى الشهور ،، بمعنى ما ضغطت ع نفسي خلال شهر واحد بالعكس
وزعت الاشياء اللي احتاجها عسب الميزانية ما تكون مضغوطة،،،
ابدي بالأساسيات،، وحطي لسته بالأغراض اللي تبينها،، وقبل لا تشترين اي شي خذيلج لفه فالسوق بين محلات الأطفال
لا تعتمدين ع محل واحد! ترا السعر المناسب تحصلينه في كذا مكان ،، مب شرط من مكان واحد بس يبالج تدرسين السوق وتجوفين الاغراض المتوفرة!

وبالتوفيج

الموضوع: ميزانيه المولود اليديد

أدوات الموضوع

عرض

العرض المتطور

ميزانيه المولود اليديد

المزيد من آخر المواضيع من نفس القسم:

المواضيع المتشابهه

شعر عن المولود اليديد

احتياجات المولود اليديد بالصور