مستشفى لطيفة

**خواطر2000** · 2012-03-27, 16:46

سؤالي عن فتح ملف في مستشفى لطيفة.. رحت لهم ورفضوا

طلبوا اني اروح مركز القصيص وهم يحولوني على مستشفى لطيفة، ليش كل هذا التعقيد

ولاتي الاولى رحت للمستشفى وقت الولادة وربيت عندهم بس الحين حابة اراجع عندهم فترة الحمل فأتمنى اللي عندها خبرة أو تعرف أي معلومة تقولي

شو الأوراق المطلوبة لمركز القصيص وهل بيحولوني بنفس اليوم أو أكمل عندهم لمرحلة معينة من الحمل؟

أنتظر ردكم وأعرف ما بتقصرون

المزيد من آخر المواضيع من نفس القسم:

**2012_Alreem** · 2012-03-27, 16:48

عادي سيري القصيص وبيعطوونج تحويله

**راعية الدار.** · 2012-03-27, 16:52

ان شاءالله يفيدوونج الغاليه

**BinKhadim** · 2012-03-27, 16:54

لازم تراجعين القصيص قبل وتاخذين ورقة التحويل ...
وعقب عندج خيارين يا اتابعين فترة الحمل في القصيص او في لطيفة ...
اذا قررتي تتابعين في القصيص تاخذين مواعيدج عندهم بس الشهور الاخيرة او اذا عندج اي مشكلة بروحهم يحولونج لطيفة ...
أنا راجعت عندهم في القصيص في حملي الثاني وماشالله كان كل شي اوك ولانه كان قريب من سكني ... وحملي الثالث تابعت في الوصل لانه قريب من دوامي ...

**خواطر2000** · 2012-03-27, 17:58

أشكر كل خواتي اللي ردوا على..الله يسهل عليكم دنيا وآخره

بس استفسار 1-شو احتاج أخذ معاي من اروح لمركز القصيص

2-أقدر أخذ ورقة التحويل في نفس اليوم؟

3-من أبدأ المراجعة في مستشفى لطيفة.. هل أختار دكتورة او هم من نفسهم يعطوني أي وحدة؟ ويا ريت تقولون لي من الآفضل

**CALA_LILY** · 2012-03-27, 20:08

الله يسهل عليج ان شاء الله

**Miss.N** · 2012-03-27, 20:16

لا تاخذين موعد عند دكتوره عامه وهي تكتبلج رسالة تحويل عطول بس تعطيج موعد في الوصل متي يكون مواعيد الوصل فاضيه وهم يحولونج علىالتيم بروحهم

**Miss.N** · 2012-03-27, 20:17

لا تاخذين موعد عند دكتوره عامه وهي تكتبلج رسالة تحويل عطول بس تعطيج موعد في الوصل متي يكون مواعيد الوصل فاضيه وهم يحولونج على التيم بروحهم

**خواطر2000** · 2012-03-28, 16:14

شكرا على الرد وجزاكم الله كل خير..

ان شاءالله بروح المركز بأقرب وقت وبشوف شو يصير وياي

**Mįşš●Ċlaśŝįč** · 2012-03-29, 12:36

صح انا رحت عيادة القصيص وهم حولوني لمستشفى دبي بعد ما خيرتني الدكتورة ما بين لطيفة ودبي.
وعادي اخذت مواعيد لكل شي السونار والتحاليل الي قبل الولادة ..وموعد دكتورة..وجي ..
اساليهم دقي تلفون للعيادة وقولي ليهم شو الاوراق المطلوبة لآني انا ما اعرف ريلي رتب لي كل الاوراق وانا عطيتهم بس

**حتى حين** · 2012-03-29, 12:56

تروحين القصيص و تقولين لهم عن حمالج و عقب هم بروحهم يحولون و عقب يطرشوون لج موعد الوصل و يقولون لج متي تفحصين دم عندهم و توماتيكلي تتحول النتيجه الوصل

**ليندااااا** · 2012-03-30, 09:13

الله يسهل عليج اختي

الموضوع: مستشفى لطيفة

أدوات الموضوع

عرض