معاناتي ويا بنتي

**كركر** · 2012-03-26, 23:51

مرحباً بنات ياليت تساعدوني أنا بجر وبنتي كملت شهر واسبوعين بس مشكلتها نومها قليل وتصارخ اغلب الوقت وخصوصا وقت الرضاعة اول ما تبدا ترضع تبدا تصارخ ولا تكمل حتا 5دقايق وكله اطلع لسانها واحسها يوعانة لانها ما تشرب زين وديتها الطبيب قالي غازات بس ليش اول ما بحطيها ترضع أتم تصارخ ولما تشوف صدري او انها تنام وقت الرضاعة ولا اقدر عليها عطيتها دوا الغازات وسويتلها زيت بس ما يفيداحترت معها وكل اللي في البيت متاذي منها وامي ما تقدر تسكتها وانا بضر اخليها معها لاني بداوم بعد كم اسبوع ولا ترضا تاخذ المرضعة أنا ابغي اشفطلها واعطيها احترت معها واحيانا اذا شربت زين تبدا ترجع 3او 4 مرات ساعدوني ربي يوفقكم

المزيد من آخر المواضيع من نفس القسم:

**ميثووه** · 2012-03-26, 23:54

امممممممم معارف والله بس ان شاء الله البنات يساعدونك

**dxbaii** · 2012-03-26, 23:57

اغلب الاطفال جي

**فروله2020** · 2012-03-27, 01:08

حاولي ادسعينها يبعون في الصيدليه مال الغازات impress خاص منذالولاده

**ليندااااا** · 2012-03-27, 07:48

بعد في هملايا تحصلينه بالصيدلية وايد ممتاز للرضع
الله يحفظها لج
هذي الفترة طبيعي يتم الطفل يعاني من الغازات

**كركر** · 2012-03-27, 08:18

مشكورين خواتي بالنسبة لهملايا أعطيها منه احيانا وعطيتها كم مرة انفاكول والشاي امس خطيته بحاول اجربه بس شو بالنسبة للمرضعة

**سما بغداد** · 2012-03-27, 10:04

حبيبتي بنتج يصير عندها مغص مسكينة اعطيها انفاكول واهم شي بعد الرضاعة تكرعيلها مده ربع ساعة الى ان يطلع الصوت
عليها العافيه كنت امر بنفس المعاناة ....

**FFF** · 2012-03-27, 12:46

الحمدالله عل السلامة

كل اليهال جي في هاي المرحله

**الدانــة** · 2012-03-27, 15:56

يمكن مزجمة وخشمها بيكون متصكر وتتنفس من حلجها ووقت تبا ترضع تضايج ما تقدر تتنفس فتصيح..
قطري خشمها قطرة ماي وملح قبل الرضعه ونظفيه باعواد القطن ولو فيه سائل بالشفاط..
والغازات وايد اتعبهم.. امسحي بطنها بزيت زينون وخليها ترقد ع بطنها شوي..

الموضوع: معاناتي ويا بنتي

أدوات الموضوع

عرض