تعبت من الصياح

**كلي دلع و خقة** · 2012-03-22, 07:28

اكتبلكم و دموعي على خدي من الليل و انا نفس الحالة لدرجة اختنقت بمووت من جرح قلبي اااه بخبركم شو صار حبيت شخص خمس سنوااات تخيلوا يعني من فترة مراهقتي لين الحين و انا عمري 24 و بكل سهوله باعني تدرون بكل سهوله قالي ابا انهي كل شي امبينا لني ابا اعيش حياتي.. طيب انا شو اسوي وين اروح و عمري و حياتي اللي ضيعتهم كيف اردهم كيف ارجع انا مثل اوول ,,اااه والله قلبي يعورني على حااالي اصيح دموع قهر ندم صدمة ..والله من القهر تفكيري مشوش لدرجة فكرت ادور خطيبته من باطن الارض و اخبرها عن حقيقته او ااتصل في اخته و اقولها انصحي اخوج يخاف ربه و بنات الناس مب لعبة بايده ,,شو تنصحووني يا خواااتي بلييييييييز سااعدوووني و لاتلوووومني اترجاااكم تساعدوني شو الحل ؟؟اتم مصدموومه و اصيييح و اصبر و هو عاايش حياته و لا يدري وو لا يحس و لا انتقم ؟؟؟؟والله احس عمري ميته بلا روووووح ..

استتغفر ربي و ارد اصيح و على كل استغفاارة اصيييييييح ,,حسبي الله و نعم الوكيل..حسبي الله عليه وصلني لهالحاله ..كييييف كنت و كييييف انا الحين ميته من داااخلي

المزيد من آخر المواضيع من نفس القسم:

**om_ahmed** · 2012-03-22, 07:33

على كثر القصص اللي نسمعها المفروض تعرفين انه هذا مصيرج اخر شي حبوبه الريال ما ياخذ وحده يكلمها بس للعب هيه ماعنده مشكله عيشي حياتج انتي بعد واللي باعج بيعيه لا ترخصين نفسج وصدقيني حتى لو خذج ما بترتاحين وياه لانه بيتم يشك فيج طول الوقت

**ليتك تفهمني** · 2012-03-22, 07:34

حق شو كل هذا؟؟؟ دام اتقولين باعج انتي بعد بيعيه يعني معقوله مافكرتي انه بيوم من الايام بيقولج هالرمسه؟؟؟
نادر ما اتشوفين واحد يحب وحده وياخذها ولا 99% ينهون علاقتهم ويا البنات ويزوجون غيرهن صدقيني انتي مب اول وحده اتمر بهالموقف
ومع هذا الدنيا ما تنتهي بالعكس حاولي تنسينه مع الايام واشغلي نفسج واهم شيء اتوبين من هالدرب صدقيني لا تقولين بتعرف على غيره وبنساه
لا ارجعي الى ربج وتوبي وان شاء الله الله بيرزقج احسن منه

الله يخفف عنج ويوفقج ان شاء الله

**مويز** · 2012-03-22, 07:36

حبيبتي الله يكون في عونج ولا تصحين وتسوين في عمرج كذا صدقيني أنه ما يستاهلج والله بيعوضج باللي أحسن منه وهذا أنسان ما فيه خير بس أهم شي انتي صلى واستغفري ربج وصدقيني انه بيه يوم وبيندم وانصحج انج ما تتصلين لا في اخته ولا في خطيبته وانتي الله يسر أمورج ويرزقج ولد الحلال اللي يعوضج

**دُرر :-)** · 2012-03-22, 07:51

حبيبتي
ها حال كل وحده تكلم واحد بالتيلفون
تأكدي انه اذا تزوجج
ما رح تكون بينكم ثقه
رح يخاف لعياله فالمستقبل من أمهم اللي كلمت ريال و سوت علاقه مع ريال ما تعرفه
رح يخاف يامنج على بيته و رح يشك فيج 100/100

**كلي دلع و خقة** · 2012-03-22, 08:03

حسبي الله و نعم الوكيل فيه
والله اني غيرته كل هالسنين للاحسن كنت احب الخير له و اذكره بصلاته و اخليه يقرا قراان و اوعيه لصلاة الفير و كان يتضاايق بس انا من كل قلبي حبيته وكل ليله اصلي قيام الليل و ادعي ربي يجمعني فيه بالحلال هوو اللي حبني مب اناا هو اللي بدا و انا مثل اي بنت بادلته الحب بس الحين خلاااااااااص دمررر حياااتي دمر تفكيرررررررررررررري انا انتهيييييت قلبي ماااااات مااا توقعت اني بكتب مشكلتي و اصيح عشااانه ,,, فكرت اطرش له مسج و اقوله ما بساامحك الا اذا مت اعتبر اني سامحتك بس دامني حيه مستحيل اسااامحك و بقوله يا فلان كل ما تسمع الاذان حط ف بالك انه وحدة ظلمتها قاعدة تدعي عليك بعد كل اذان و صلاة..حط ف بالك وحدة بريئة و مظلومة تصيح و تتحسب عليك كل يوم .
لا حول و لا قوة الا بالله ,, طااقتي نفذت اكتب لكم و انا ارتجف لا حول و لا قوة الا بالله (

**نور ايمان** · 2012-03-22, 08:17

يا اختي من البدايه حرام

عصيتي ربج

الريال الله يوفقه

وانت الله يستر عليج

ويوفقج

تمي استغفري ربج

النظر للرجال حرام الله امر بغض البصر

و الحديث للضروره دونن خضوع بالقول

فما بالج علاقه خمس سنين و ع اي اساس

المذهب ذهب

**حلوة واموره** · 2012-03-22, 08:30

استغفري الله عن اللي صار

**اروى الهاشمية** · 2012-03-22, 09:17

الله يعينج حاسة فيج لان لي ربيعة مرت بنفس اللي مريتي فية وكانت نصيحتي لها نفس نصيحتي لج
اشغلي عمرج لا اتمين فاضية موووووووووول لان لو فضيتي بتمين اتفكرين فية وتمسجينة وادقين وتحرقين اعصابج
واهو كل ماشافج بهالحالة بيطنش اكثر واكثر
انتي طرشيلة اخر مسج انة اهو الخسران والايام راح تثبت لة وانج ماراح تسامحينة على الالم والجرح اللي تركة فقلبج من دون اي سبب وان ربي راح ينتقم منة في اهلة وعرضة ،،، وبس
وعقبها اسكتي ولاكأنج تعرفتي علية ولاكانة موجود حتى لو مسجج او دق علية لاتردين الهي عمرج بالتقرب لربج وبأي هواية تحبينها لاتخلين عمرج فاضية ابدااااااااااااااا
اهو لو شافج جي بيرجع يبوس الارض بس ترضين عنة وان كان تركج عشان وحدة ثانية خطبها خلاص الله يسهلة وبينتقم منة بعد لانة اخذج لعبة يتسلى بها والا اذا حبج من جد كان يوم فكر يعرس بيتقدملج انتي !

المهم انتي ابد لا ادمرين عمرج عشانة خلي في بالج وعلى لسانج كلمة مايستاهل يا ..... لاتصيحين لاتفكرين لاتنقهرين اهو الخسران اهو الخسران
ونسيحة لاتحاولين تنسينة بحب يديد بس بالتقرب لله وتكوين اصدقاء والانشغال باي شي تحبينة وابعدي عن الافلام والمسلسات العاطفية
والاغاني وهالامور لانها اهي اللي بتقلب عليج المواجع وبتخليج اتمين تفكرين وتصيحين
انسيييييييييييييييييييييية وحبي عمرج وصدقيني ربي بيعوضج خير باللي احسن منة والوقت والايام كفيلة انها تنسي الوحدة
ربيعتي احينة نسيتة تماما وبعد فترة طويلة اهو رجع لها بس اهي خلاص نسيتة وحبة وكل شي يخصة وربي حولها اللي احسن منة

**فنون الحب** · 2012-03-22, 09:18

استغفري ربج
واستغلي اوقات فراغج بشي تحبينه اطلعي مع ربيعاتج غيري جو
اشتركي في اي نادي او خذي دورات
اشغلي وقتج عسب ماتذكرينه
صدقيني النسيان نعمة وبي اليوم الي بتنسينه
ولاتضايقين ولاتزعلين روحج لو صدق حبج ماكان تخلى عنج !
فكرري عدل وتقربي من الله واطلبي انه يغفرلج ويسامحج
والحياة مستمرة ومحد بيموت ورا حد !

والله يوفقج ويحفظج ..

**صمت القصايد1** · 2012-03-22, 09:44

اللهم لا تجعل لها ذنباً إلا غفرته ، ولا هماً إلا فرجته

**الأحلام الملونة** · 2012-03-22, 10:10

لسه جرحك فرش وموجوعة من اللي صار

نصيحة لا ترسلي شيء ولا تحاولي تنتقمي ( الصمت ) أفضل رد وهو سوف يستغرب من صمتك

وبالجهة الثانية قومي تسبحي وصلي ركعتين لله وبعدها أقرأ سورة الملك وطلبي من الله العفوا والعافية والمغفرة

ولملمي جراحك بالثقة بالله فهو خير حافظ وهو أرحم الرحمين وقولي لنفسك الحمدلله اللي أنتهت بدون خسائر أكثر هناك بنات فقدوا عفافهم

بسبب الحب وما حصلوا غير الغدر أحمدي ربك كثيرا ----

وتذكري الله فوق الجميع من يضحك على بنات الناس لا يوفق الا اذا تاب وستقام

وتذكري المؤمن القوي خير من المؤمن الضعيف فلا تكوني ضعيفة مقابلة غدر أصلحي من شأنك مع الله وعرفي أنك أخطأت بحق ربك وأهلك ونفسك

وجتهدي لأصلاح ذلك هذا يكون شغلك الشاغل مش بالتذكر والبكاء والتفكير بلآنتقام هنا لن تطلعي من هذة المسئلة أبدا الشيطان سوف يستغلك

حتى يحطمك من جديد ولن ينفعك غير النسيان أما الأنتقام سوف يذكرك دوم بمشكلتك ----

توكلي على الحي الذي لا يموت

**كتكوتا** · 2012-03-22, 11:27

اختـي..
خلـآص هذـآ قضـآء وقدر من رب العـآلمين...
يمكن خيرهـ من رب العـآلمين انج مـآ خذتيه...
وبعدين لـآ تخربين بيته...
خلـآص دـآمنه تخلى عنج تخلي عنه.
بس لـآ تدمرين بيته و تخبرين خطيبته حرـآآم والله هي شوو ذنبهـآ...

عليج بـآلـآستغفـآر ترآآهـ يهدي النفووس ..
وخلـآص امسحيه من بـآلج...وافتحي صفحة ايديده..

حيـآة ايديدة..حيـآتج انتي اللي ضـآعت يوم كنتي ويـآهـ...عيشي حيـآتج..

ترآ صدقيني مـآ حد بيفيدج عقب..

و السمووحه منج...

**فراشة دبي** · 2012-03-22, 11:34

لا اله الا الله

**مشاعر مبعثره** · 2012-03-22, 13:01

في ردود كثيره استغربت منها

حبيبتي

اربيعتي نفس حالتج لاسف الشديد معانه هذا الشخص دخل بيتها فوق الخمس مرات وخطبها وكل ما تتيسر الامور امه ترفض

او ابوه

واخرتها بعد ست سنوات تزوج وحده من الاهل وما خبرها بس طبعا ما فيه شي يدوام اكيد بتعرف لما عرفت انصدمت وصار فيها انهيار عصبي كل هذا علشان شخص

دمر كل حياتها

شوفي غلااتي

افكري فيها اشوي اذا اهو عايش حياته عيشي انتي حياتج وتقربي من ربج ترى تتيسر امور وايد

واذا اهو هذا الشخص مكتوب لج راح تاخذينه واذا مب من نصيبج ترى كل واحد ياخذ نصيبه

انا ما راح اقول لج غلط الي سويته وكلتيه وثقه ما ثقه
الحين حتى الريال لو تزوج وحده ما كلمها ما يثق فيها فما بالج بالي يكلمها

حبيبتي ذكري الله عايش من دونج وياكل ويشرب ويروح ويرد انتي بعد من داخلج ايه انا بعيش مب علشان حد علشاني اهو قادر انا قادره بعد

كل ما يا على بالج استغفر وتعوذي من الشيطان

الله بيسر لج امرج ويحفظج وانسي ترى النسيان نعمه مب مجرد كلام فعل

الموضوع: تعبت من الصياح

أدوات الموضوع

عرض

تعبت من الصياح

المزيد من آخر المواضيع من نفس القسم:

المواضيع المتشابهه

الصياح بنتي

بتمووووووووووووت من الصياح

مللني ولدي من كثر الصياح :(

شو رايكم في الرجال الصياح !!!

ولدي تعب من الصياح... متى تخف الغازات؟؟؟؟