اخت زوجي ...؟

**المؤمنة بالله** · 2007-08-14, 10:07

حبيبتي اذا ريلج درى بالموضوع ما بيدققون هي خبرت منو على طول بيفكرون في حل تأديبي لها

واذا ريلج درى انج على علم بموضوع علاقاتها مع الشباب قوليله الآتي

انتي كنتي مترددة انج اتخبرينه ... بس يوم عرفتي انه خواتها وحريم اخوانها على علم خلاص هم أولى انهم يخبرونك

لأنك بتتقبل منهم وبتصدقهم ويمكن ما تصدقني وتذبحني ...

المفروض خواتها يخبرون الاخوان وانتي غريبة ما يخصج فيهم وما عليج الا من ريلج

ونفس الوقت انتي خايفة على الأم من الصدمة

**Um Amna** · 2007-08-14, 10:29

انا اقول اتخبر ريلها بس بطريقه صح ما في اخو يرضا يشوف اخته جيه بس لو ضربها و ذبحها ما شي فايده بالعكس يمكن تتدمر البنت اكثر انا اقول بالاسلوب الطيب و ان شاءالله .. الله بيهديها

**...(مريّة)...** · 2007-08-14, 10:41

لا إختي ، الأسلم إنها تخبر زوجها ،
والبنت خلها تتربى ، مالها ذنب صديقتج الصراحة تستر عليها وتروح هي فيها ؟؟؟
لا .. خلها تخبر ريلها وهو يتصرف

**O*o أم سهاليO*o** · 2007-08-14, 11:20

مرحبا خواتي

مشكورات يالغاليات علي الردود وماقصرتن

وربي يستر كم ويحفضكم انشالله

هي ماتقدر اتقول حق ريلهااا لانها عارفتنه وايد عصبي ومن النوع الي مايشوف جدامه اذا عصب يعني
يعني بمعني من يعصب الكل يختفي من جدامه حتي امه يشاتمهم ويعصب عليهااا وين عيل اخته ؟؟؟

الموبايل هب مالها مال امها والمصيبه اذا امها ماعطتها اتروح عند تلفون الخدامة وهي دايمن اتقول حق ربيعتي انه الخدامة دايمن تسمعها اتروس واحد يعني كلهن نفس الطينه واذا ارمست ربيعتي وقالت انتبهو علي البنت عصبوعليهااا وزعلوو يعني هي احتارت وياهم وهب عارفه شوه اتسوي
وبعدين البنت من النوع المطيور يعني تمشي وترمس راعيه خراريف يعني اي حد يجاريها خبرته بالسالفه وكم كم نصحتها مامن فايده اتقول انه يحبني ومايقدر يصبر عنهااا
المهم ربيعتي خبرت اخت ريلها الكبيره بسالفه وراحت الاخت وشاتمتها وخذت رقمه واتصلت عليه قالها انه هي الي تتصل وترسل مسجات هب انا وانه هو مايباها هي الي تتلزق فيه وواجهتها اختها وقالت لا هو الي يرسل لي مسجات ويقولها اذا ماتبيني عرفيني علي بنت

والله السالفه مختبصه والبنت شكلها مابتووب وربيعتي نفسيتها زفت وخايفه وتقول ليتها ماقالت لي عن شي ولا اريد اعرف شي
يعني عادي باجر اذا كشفها اتقوله حرمت اتعرف بسالفه

والله احنا راحمينها بس هي هب راحمه نفسهااا

والله يستر ....

**أم خلفان** · 2007-08-14, 11:37

خليها تريح ظميرها،، وتخبر خواتها وتبري ذمتها جدام الله و جدام زوجها.. ولا تنسى تعطيها شريط ديني مب شرط يتكلم في موضوع المعاكسات بس ممكن مواضيع دينيه ثانيه... لأنه من تقوي وازعها الديني بتردع نفسها من نفسها.. وبتنتبه حق عبادتها ورصيدها للآخره...
والله يستر على بناتنا ونسائنا ورجالنا ويهديهم...

**ثمرة حبنا** · 2007-08-14, 11:43

الله يهدي بناتنا جميعا ويستر عليهم يارب

**عواااشه** · 2007-08-16, 03:10

شوفي الغاليه دام انها مشكلة ربيعتج وانتي تحاولين تساعديها ....سوي عمرج وحده تعرف الولد اللي يرمسها وانج عرفتي عنها كل شي وتعرفين اخوها واتصلي لها وهدديها انها لو كلمته انج تخبرين اخوها وهدديها بطريقه انج عارفه كل شي وانج متابه كل تصرفاتها او انج محتفظه بشي من مسجاتها له او مسجله صوتها او اي شي المهم اتهديها وبعد يكون افضل انج مثلا تتابعين تحركاتها بالمدرسه عن طريق وحده من خواتج مثلا وتحسسسيها انها مراقبه ...............بتخاف صدقيني

**خريشة** · 2007-08-16, 07:57

غيرو رقمها باسرع وقت وهدديها اذا ما تابت انج بتخبرين ريلج

**منى بدوي** · 2007-08-16, 10:59

المشاركة الأصلية كتبت بواسطة أم سلطان-1

شوفي الغالية نحن تعلمنا في الاسلام إنه "من ستر على مسلم ستره الله في الدنيا و الآخرة" يعني المفروض تستر على البنت و ماتخبر عليها حد و ذلك من باب الستر. إذا تقدر تاخذ عنها الموبايل (بالطيب أو بالغصب) و البنت أكيد حاسة بفراغ و خصوصاً إنها تمر بمرحلة المراهقة و هذي أصعب مرحلة و البنت أكيد بنت ناس طيبين و أصيلين و لكن تبا اسلوب معاملة غير مثلاً:
1- حاولوا تقربونها من دينها أكثر يعني المواظبة على الصلاة و قراءة القرآن
2- حاولوا تشغلونها بما هو نافع (هوايات نافعه) أو سجلوها في معهد أو أي شي من هذا القبيل لشغل فراغها
3- كونوا اصدقاءها
4- كافؤوها على التصرفات الزينه
5- حاولوا تبعدون عنها صديقات السوء
6- و أول ماتكون في سن زواج زوجوها عشان تطفي غرائزها في زوجها و الله الزواج علاج في مثل هالحالات

الله يهديها

**أنــ هيامي ــا** · 2007-08-16, 11:57

شكلها ما بتتأدب هالبنت وما بتيووووز عن سوالفها وباين ان الكلام ماينفع وياها ابدا ....

الله يهديييييييييييييييييييها ويهدي كل وحده تمشي بنفس الطريج ...

الخوف انها تتمادى اكثر .. وماتكون بس مجرد مكالمات ومسجات ...

محد يدري شو ممكن تسوي في المدرسه ..

يبالها تأدييييييب ...

**HGLO** · 2007-08-17, 05:29

كف ع ويها خلها تتأدب شوي .. صح هالاسلوب من زين لكن والله الضرب ينفع أيام لان هالبنات ما يتوبن الا بالضرب ..

لكن اول شي أختي النصيحه وخليها تفتح قلبها لج وحاولي تاخذين وتعطين وياها في الكلام لأن بتحس براحه في رمستها وياج ويمكن سلوكها لهدرب اكيد له سبب يمكن في نقص في العاطفة من قبل أهلها صح انتي قلتي يعطونها بيزات وجي لكن عمرها البيزات ما حسست انسان بالعاطفه ..

الله كريم .. والله يستر على كل فتاة مسلمة يارب

**أم سلطان-1** · 2007-08-22, 13:56

أنا في رايي إذا بهدلتوها و عطيتوها كف و ضربتوها هذا بالعكس بيقربها أكثر من هذا الشاب اللي تكلمه لأنه بتلاقي فيه ملاذ منكم و يمكن حتى يغريها بأمور إنها تشرد مثلاً و الا شي من هذا القبيل. أنا أفضل تتقربولها من باب الدين و الحب و الطيبه و إنه تشغلون وقت فراغها تراه الفراغ مصيبة والله... أما الخدامه اطردوها من البيت إذا كانت تحثها على المنكر. شوفوا منوا صديقاتها و حالولوا إنهن يكونن صديقات زينات (اعرف المرء من خليله) و ادعولها دايماً بالهداية و استروا عليها عشان الله يستر عليكم دنيا و آخرة... هذي البنت ضحية مب مجرمه.. ادعولها دوم

**عيون ح** · 2007-08-22, 14:34

معاج ام سلطان ف الراي لان البنت ف مرحلة مراهقه وهاي اصعب مرحله والبيت محتاج حد ايلس وياها ويخبرها شو الصح والغلط وصدقين بالهدوء والطيب تقدرون تسيطرون عليه مش بالضرب مش لازم تعطون البنت من الحين موبايل واكيد البنت عندها وقت فراغ وااااااايد علشان جذيه لقت كيف تغظي وقت ف هذا الطريق واختي انتي خليلج معاها وعطيها الثقه وقريبه منج .
الله يهديها ان شاء الله

الموضوع: اخت زوجي ...؟

أدوات الموضوع

عرض

رد

المواضيع المتشابهه

زوجي غريب الطبايع(حد عندها زوج مثل زوجي)

زوجي وآآآآآآآآآآآآآآآآآآآآآآآآآآه من زوجي

اخت زوجي

.. زوجي أنا .. أنا زوجي ..!!!