رجيم و دوام

**قلب الذيب** · 2012-03-20, 11:20

مرحبا يا الرشيقات

خواتي في الله ..

ابغي استفسر منكن ...

انا موظفة واداوم 8 ساعات باليوم

وخاطري اضعف لاني زدت اثناء حملي

وكل ما قلت ببدا رجيم ...

اخبص ...لان في الدوام اكلنا يا معجنات يا سندويجات وطبعا ما اكل شي عقب ما ارد لين ثاني يوم دوام

وارد البيت الساعه 2 تعبانة ارقد وانش ايلس ويا ريلي ولا اهتم بالبيبي

احس ما شي وقت لا للرياضة

حبيت اسال ...

كيف ممكن انظم يومي ؟

شو ممكن اكل في الدوام اكل صحي ؟

والرياضة؟؟

ويعل كل من ترد علي ان ربي يعطيها لين يرضيها

لا اله الا انت سبحانك ربي اني كنت من الظاالمين

المزيد من آخر المواضيع من نفس القسم:

**صغيره بس خطير** · 2012-03-20, 12:02

فديتج تريقي فالبيت بشي صحي عقب الغدا شلي وياج سلطه او طلبي مشاوي العصر خذي نص ساعه مشي سريع عالسير

**lala n** · 2012-03-20, 13:06

شوفي حبيبتي افطري مع زميلاتك قطعه او قطعتين معجنات مع كاسه شاي
لا تاكلين حتى تشبعين كليهم ببطى بتشبعي
بعدين لازم تاكلي شي لما ترجعي البيت مثلا صحن سلطه مع قطعه دجاج مشويه
وحاولي تشربي زنجبيل وقرفه كثير بيفيدك وبعدين يسد النفس
انتي عم تسمني لانك عمتاكلي بس مره في اليوم جسمك عمبخزن الاكل لانو محروم
بعدين حاولي قبل ما تنامي تعملي كم حركه رياضه عشر دقايق بعدين بتزيديها
بتعرفي لو اني موظفه والله العظيم كان جسمي تمام
انشالله كون فدتك حبيبتي

**uae13122** · 2012-03-20, 17:05

**قمـــــاري** · 2012-03-20, 17:16

انا قريت انه اللي يشتغلون لهم قابلية يضعفون اسررررررررع...

بامكانج تتريقين اللي تبينه لانه عندج طول اليوم عسب تحرقين اللي اكلتيه.. بس حاولي لاتكثرين من المعجنات يعني جم خبة صغيرة تكفي وسويلج شاي اخضر فالدوام..

وخلي دبة ماي حذالج طول الوقت خلصي وردي عبيها...

واتحركي فالدوام لو مثلا تطبعين والا تودين ملفات والا توصلين غرض ... والغدا اطلبيلج اشيا مشوية.. والا شوربة او سلطة..

مب شرط تسوين رياضة يكفي حركتج فالبيت روحها رياضة يعني لعبج مع اليهال.. والا سيرتج المطبخ والا البيبي تمشينه فالحوي والا الصالة ترتبين المكان اللي انتي يالسة فيه مثلااا

بس اهم شي تاكلين اشيا مب مرتفعة السعرات... وبالمقابل تسوين اي حركة عسب تحرقينهم..

وان شالله توصلين للوزن اللي تبينه

**lollypop.84** · 2012-03-20, 18:50

منو قال الموظفات ما يمتنون ويضعفون بسرعه ؟؟؟
بالعكس
الوقت جدا جدا ضيق بالنسبة لنا
علشان نلبي احتياجات اهلنا و نفسنا
وغير هذا
اليلسه فالمكاتب هذا روة يربي كرش ومؤخرة ><"

انا نفس مشكلتج
بس الحمدلله شبه متوفقة من هالناحية

اول شي حبيبتي لازم تنظمين وقتج زين ما زين
انا ادري ان صعب نتريق فالبيت
علشان جي
خذي لج ريوقج وياج
او تريقي عادي من المعجنات ولا تكثرين
مثلا اذا تاكلين سندويجتين كلي وحدة بس
واذا فطيرة اولي تاكلين نصها مع الشاي او الكوفي ..الخ
والضحى او الظهر خذي لج عصير من الدكان
او فريش طلبيه وقت الريوق وخليه فالثلاجة لين وقت الضحى او صلاة الظهر
او بسكويت دايجستف / او فواكه مشكله من الكافتيريا
ويوم ترجعين البيت كلي شي خفيف ..مثلا شوربة او سلطة او سندويجة خفيفخخ مع عصير فريش او سلطة فواكه وارقدي
العصرية مثلا يلسي مع اهلج او خصصي لج وقت للرياضة حتى لو نص ساعه فالبيت
نط وبطن وخصر والدري
وعقب كل صلاة سوي ترين بطن مال30 مرة
وقبل الرقاد بعد
يعني رياضتج بتكون طول وقت النهار
اذا عندكم دري فالبيت استخدميه بدال الاصانصير
وعشاج قبل الساعه 7 ونص ويكون اخفشي ترومين عليه
مثلا عصير او فواكه او روب او مشاوي والغدا كذلك

انا هذا جدولي تقريبا
وتقدرين اتابعين يومياتي وتستفيدين منها ان شاء الله ^^

الموضوع: رجيم و دوام

أدوات الموضوع

عرض

رجيم و دوام

المزيد من آخر المواضيع من نفس القسم:

المواضيع المتشابهه

أبي أسؤؤي رجيم ساعدؤؤني منؤؤ بتسؤؤي رجيم وياي من باجر

.... نحفت ولله الحمد ,,,بدون اي رجيم ,,,,, (مع اني مابقى رجيم وسويته ,) باركولي

يبت لكم رجيم يديد عجبني..رجيم خاص جدا لتخليصك من الكرش والدهون حول دوران الخصر