خبيرات النمسا واستراليا

**روح الشذى** · 2012-03-19, 10:40

السلام عليكم

ممكن اتفيدوني بس بغيت اعرف الميزانيه حق شخصين لانا محتارين النمسا ولا استراليا الي سافرت ممكن اتخبرني كم الميزانيه حق النمسا وكم الميزانيه حق استراليا للعلم معانا طفل شو لازم اشيل ويايه ولا ممنوع اشل اغراض من البلاد

اتمنى انكم اتفيدوني خواتي واكون شاكره لكم

المزيد من آخر المواضيع من نفس القسم:

**الغر الحشيم** · 2012-03-19, 20:06

يعتمد على الجو شهر كم بتسافرين ؟

استراليا شهر 6 و 7 عندهم شتا واايد برررد موت .. اما في اوروبا الجو حلو و معتدل يعني براد و اوقات يكون شمس واحياناً غيوم وامطار

استرالياً طبعاً اغلى بوايد لانها بعيده و تذاكرها غالية

و السياحة في استراليا متنوعه اكثر شي بحر و حدايق ملاهي و مدن راقية ومولات و بعض الاماكن الطبيعية

اما في النمسا اكثر شي طبيعة و اللون الاخضر في كل مكان و القرى الريفية الصغيرة و الاجواء روعة

في النمسا ممكن تحصلين شقق حلوة و رخييصه وايد في الريف مثلاً اليوم على 300 درهم او اقل بعد ^^

اما استراليا اعتقد بتكلفج اكثر

**روح الشذى** · 2012-03-20, 10:42

مشكوره الغاليه

**عسولة1** · 2012-03-23, 15:58

هلا اختي
السياحه حلوه ف أستـراليا بس مكلفه شوي ,, واذا بتسافرين أستراليا ممنوع تاخذين معـاج أكل من البلاد ! فالمطـار يشلون الأكل عنج!

أما النمـسا حلوه وااايد وفـيها مناطق وااايد حلوه وبتستانسون فيها .. والميزانيه تعتمـد عليكم كم الفتره اللي بتقضونها هناك

موفقه ان شاء الله ^^

**سيلا2222** · 2012-03-23, 21:33

هلا اختي
يعتمد على مصاريفكم
نحن سافرناا النمسا
(فينا) 11يوم كلفنا
20000درهم شامل
الاكل بس الفطور فالفندق
ومن غير الشوبنق واالهدايا
والنمسا حلوووه ان شاءالله
تستانسون فيهااااااااااا

**بنت الفلاني** · 2012-03-23, 22:38

استراليا اغلى بوايد
والنمسا على حسب الموسوم

بس النمسا مب غالية

**ro0ro0** · 2012-03-24, 01:18

انا سرت استراليا و النمسا
و ماشوف وايد فرق بينهم في الاسعار .. ماعرف كم كلفنا بالظبط بس حسيت ان الاسعار متشابهه ماشي وااايد فرق
و علي حسب المنطقه الي بتسيريلها في استراليا .. سيدني واااااايد ابرد من جولد كوست
بس موول ما انصحج تسيرين سيدني.. سيري جولد كوست وااايد احلي .. و علي فكره شتاهم نفس شتانا
البرد الي عندنا في الشتا نفسه عندهم،، يعني برد و لاز تشلون جاكيتات بس مب الثجااال واايد ،، جاكيتات عاديه

و النمسا بعد حلوه و جوهم يعد تقريبن نفس بردنا

**ms.goldy** · 2012-03-24, 22:39

الفرق مب وايد وايد في الاسعار ،، لان بعد في استراليا اذا بتسكنين برع المدينة اكيد اقل
نفس ما قالوا في الريف في النمسا ،،

بس عموما تذاكر استراليا اغلى لانه المدة اطول واذا بغيتوا ممكن تنزلون ترانزيت ،، سنغافوره او ماليزيا ،،

في الصيف اوروبا تغلا لانه موسم السياحه ،، لو تعطينا التواريخ والمناطق بنقدر نشوف الأسعار بالضبط

**هندالمنصوري** · 2013-07-30, 15:54

النمسا في الشهر عشرة كيف تكون هل ضباب او حر هل طبيعية في ها الشهر 10 ما تنشاف من كثرة برودة هل برد او كيف أجواء عندهم اريد أسير في شهر العشرة خواتي ممكن حد يخبرني اذا يعرف أجواء هناك كيف

**The-Princess** · 2013-07-31, 13:30

هلا فديتج / انا من رايي تسيرين استراليا صدق راح تستانسون من الرحلات الي فيها

شهر 7 و 8 و 9 وايد برد اما شهر 10 و 11 و 12 يكون الجو مقبول نوعا ما اما الاشهر الباقيه حر

اذا بتسيرون انا انصحكم ( سيدني و جولد كوست )
جولد كوست صج روووعه من جميع النواحي بس الميزانية شوي لج عليها للأمانه هب رخيصه

عندج مالبورن / انا مول ماحبيتها وايد هاديه حدها يومين وايد عليها

عندج نيوزلاندا / حلوة بعد طبيعتها خبااال

اي استفسار حبوبة انا بالمخدمة

الموضوع: خبيرات النمسا واستراليا

أدوات الموضوع

عرض

خبيرات النمسا واستراليا

المزيد من آخر المواضيع من نفس القسم:

رد: خبيرات النمسا واستراليا

رد: خبيرات النمسا واستراليا

المواضيع المتشابهه

خبيرات النمسا مرحبا الساع

خبيرات النمسا ساعدوني

خبيرات النمسا

خبيرات النمسا و سويسرا يتفضلن

خبيرات النمسا