ابغي جدول الزهبة

**بنت رااكـ** · 2012-03-19, 01:01

مرحبا

اشحااالكم

منو عندها جدول الزهبة ؟؟

مهري وزهبتي 80 الف يكفي ولالا ؟

وكيف اوزع؟؟
واي وحدة بتساعدني اقسم 80 الف يزاها الله الف خير والله يسعدها في حياتها

المزيد من آخر المواضيع من نفس القسم:

**خوخه المهيري** · 2012-03-19, 08:44

مرحبتين حبيبتي..

بتكفيج وزود بعد بس حاولي تمسكين مبلغ لنفسج يا تحطينه وديعه للاوقات الصعبه ^^ لو كانت 10 مابتاثر في مهرج

ولاتكثرين من الاشياء لان بعدين بتطلعين ويا ريلج وبتتشرين.. وغير هذا احتمال تحملين يعني جسمج بيتغير..

اذا كنتي بتسكنين ويا اهله في البيت فصليلج مخاوير وخذيلج جلابيات ولا تكثرين بحدود المعقول يعني 20 قطعه.. وشيل للبيت.. أما اذا روحج خذيلج الدريسات القصيره والطويله والليقنزات مع تيشرتات كيوت..

بس اول شي تسوينه ترتبين احتياجاتج في جدول وعقب تيبين اظرف مال السيلانيات

تراهم بيفيدونج..

تحطين ظرف ليوم العرس وتكتبين من برع للعرس.. مثلا 15 الفستان، 5 المكياج، 1500 او 2000 الشعر..
وظرف ثاني تكتبين عليه للمخاوير والجلابيات.. مثلا 5
وظرف ثالث للشيل والعبي..على حسب بكم تفصلين عبيج ولاتكثرين منهم لان المديلات تتغير يعني فصليلج عباتين ساده، عباه مال الاعراس والعزايم، عبي للطلعات ( يعني كله على حسب انتي شو تحسين تحتاجين)
وظرف رابع للملابس الداخليه وقمصان النوم والبجامات..
وظرف للبس الصباحيه..
وظرف للنعله والجواتي-وانتي بكرامه- والشنط..
وظرف للذهب والسوع والخواتم.. وبعد لاتكثرين واذا تبين نصيحتي سيري الحين اشتري ذهب ترى الذهب سعره نازل هالايام..
وظرف للمكياج والعطور واللوشنات..

وكله يعتمد على احتياجاتج وترتيباتج انتي.. سويلج جدول وشوفي شو تبغين وشو الاهم وخذيه اول..
والاظرف وايد بتفيدج ومن تاخذين شي حطي فاتورته فالظرف واكتبي برع باقي هالمبلغ للشي الفلاني.. وحطي اظرفج في مكان امن ترى البشاكير ما منهم امان..

وماعرف بعد حاولت اتذكر .. بس لاتكثرين حبيبتي ويوديلج بيزات بتنفعج في يوم..

الله يوفقج ان شاء الله ويسرلج امورج..

اتمنى اني فدتج بشي..اذا احتجتي شي او بغيتي تعرفين اي شي .. راسليني على الخاص

وادعيلي بس

**بنت رااكـ** · 2012-03-19, 08:50

مشكووووورة حبيبتي والله يوفقج ويسعدج يارب

انا بسكن ويا اهله

اللي عندها الجدول لا تبخل علي

**الجنة طموحي** · 2012-03-19, 09:38

موفقة ان شاء الله

**تراثنا الغالي** · 2012-03-19, 09:45

قسمي حسب متطلباتج ووقج يا عروس ومبروك عرسج يا عروس ..

شوفي الذهب حطيله 40 ألف ..
الملابس 20 ألف شامله مغربيات مخاوير قمصان نوم ملابس داخلية ..
10 آلاف اكسسوارات وشنط ونعل ..

10 آلاف وزعيها على الأهل فرحة وتفريح ..

حاولي ما تاخين وااايد لنج بتردي تاخذين بس خي أغراض عروووس شي راقي يوم يشوفونج يحسون انج يديده بقراطيسج .ز
الله يوفقج ويبارك لج بمهرج

**rita hair** · 2012-03-19, 13:06

موفقـــــــــــــــــــــة

**ليندااااا** · 2012-03-19, 13:27

بالتوفيق اختي

**خلود 2** · 2012-03-19, 13:28

الله يوفقج لكل خير يارب

واذا احتجتي اي شي نحن في الخدمه

**بنت رااكـ** · 2012-03-19, 19:19

ااااااب

**بنت كشيش** · 2012-03-20, 13:51

موووووووووووفقه

**عزة فوتو** · 2012-03-20, 14:20

موفقة

**بنت رااكـ** · 2012-03-21, 06:12

اااااااب

**شهد الظاهري** · 2012-03-21, 12:41

بيكفيج ـإان شـآاء الله

بـ ـإالتوفيق وربي يتمم لكم ع خير ـإان شـآاء الله .. ))

**مس ستايل123** · 2012-03-21, 12:59

اخذي كل شي بحدود المعقول لا تستوين نفس بعض البنات اللله يهديهم يروحوون خموون السوق خم جنه مب شايفات خير
اخر شي ما بتلبسينه وموضته بترووح

يبي ورقه وقلم واكتبي الاشياء اللي بتحتاجينها

**الطرفالذبوحي** · 2012-03-21, 14:48

http://forum.uaewomen.net/showthread.php?t=283725

هالرابط فيه جدول الزهبه.

الموضوع: ابغي جدول الزهبة

أدوات الموضوع

عرض

العرض المتطور

ابغي جدول الزهبة

المزيد من آخر المواضيع من نفس القسم:

المواضيع المتشابهه

جدول تقسيم الزهبة

ابا جدول الزهبة بليزز

ابغي مساعدتكم في الزهبة

ابغي وحدة نتساعد انا وياها في الزهبة

جدول الزهبة ....