مقلب يضحك ولا يصيح

**شـــــهد** · 2007-08-12, 17:59

هلا بنات كيف حالكم ؟ ان شاء الله بخير وسهاله ..............
الــــــــــــيوم يتني فكره ومن متى كنت ابي اسألكم بس اليوم جلت لازم اسألكم
تعرفو ان الحين وااااااااايد ملل وخاصه ان نحن قاعدين في البيت ............
فيـــــــــــــــاريت كل وحده تكتب شو (الموقف )اللي ضحكها وايد او اللي بكاها .......
******** احم احم ببدأانا اول شي *************
كانت ربيعتي الله يسلمكم (شوق)المس مطرشتنها تودي الاوراق عند الأختصاصية ورحت معاها فبعدين سمعت الخصائية تجول ان(فلان ولد فلان مات ) وهو اصلا اخو شوق فبعدين رمت الأوراق وراحت تركض وانا خايفه عليها وهي مب قادرة تتنفس وبعدين شليناها وهي ابدا مب قادرة تمشي وميته من الصياح حتى ملابسها امتلت من الدموووع والله في هاذيك الحزة ان قلبي كان يعورني حتى كنت اصيح ويها بدال ماسكتها ......
والمس اتصلت لين امها عشان تسألها بس الأم ماقدرت ورمت السماعه فيووم شاله اخوها قال ان الخبر صحيح .......
والبنت الله لايراويكم قامت تشهق والله هذا الموقف ابد ماراح انساه

المزيد من آخر المواضيع من نفس القسم:

**الــغلا** · 2007-08-12, 18:28

الله يرحمه....

الصراحه صارلي موقف هههههههههههههه ايموت من الضحك وانا في السعوديه رايحه اعتمر...ماماتي اتصلت بخالتيه وقالتلها انتوا وين ساكنين..شسم الفندق..وعاااد خالتيه عطتنا اسم ثاني(مب هو الفندق اللي هم فييه) عاد انا والوالده رحنا قلنا هذا هو ..وحدرنا ويلسنا عالكرفايه قرابه ربع ساعه و ف الغرفه كانوا عمال النظافه قاعدين اينظفوون(ونحن ماشاالله نتريا)..شوي وامايه اتصلت بخالتيه قالتلها محد فالغرفه..جان اتقول خالتيه امبلى نحن موجودين..اهنه عرفنا انه الاسم غلط وهو هب الفندق..هههههههه..زين محد حدر علينا..المهم طلعنا وقلنا بنروحلهم عقب ما وصفتلنا المكان..مشينا ومشينا وتعبنا لين وصلنا الفندق..دقينا باب الغرفه طلعلنا ريال سعودي(فجينا عيونا) اهنه اتصلت بخالتيه قلتلها طلعلنا ريال..قالت وابوويه ريال ف حجره بناتيه ههههههه(رووعناها وحليلها ونحن غلطانين فالغرفه)..عقب اكتشفنا انه الفندق له بابين باب ايوصلنا لمكان ثاني والباب الثاني ايوصلنا صوب خالتيه...واخيرن وصلنالهم ونحن ميتيين من الضحك

**%Om_Khalid%** · 2007-08-12, 18:53

لوووووووول يحليلج يالغلا انتي وامج

شهد: الله يرحم الولد ويصبر اهله ... اهم شي توقفين وياهم في مثل هالظرووف

بقولكم عن مقلب اخوي مسونه في ربيعه...

مرة اخوي كان يالس في الميلس ويا ربيعه وقاله عن اذنك بروح شوي وبرجع لك .. اخووي دخل داخل البيت وسار لبس عباة امي (العباة اللي عالراس) وتنقب وسار الميلس .. ودخل .. الولد من شااف اخووي طبعا ما عرفه على باله امي ... وقف ونزل راسه وتم يتنافض وقال اشحالج خالتي .. بس اخوي خرب المقلب وتم يضحك وانفجر من الضحك على منظر ربيعه وهو خايف ومرتبك ...

اذا اتذكرت شي برد اخبركم

**بنوته راك** · 2007-08-12, 20:00

هههههههههههههههههههههههه بس بضحك وياكم

**الــغلا** · 2007-08-12, 20:14

رووزس بوظبي..اتفدتج العافيه ..
الصراحه العياييز مشاكل ههههههههههه.مايحبن المخاسير ..اسميها سوالف ههههههههههههه
.ام خالد مووقف ايضحك..لو انا مكان اخوج مابمسك عمري وبنطر من الضحك
جان اتذكرت موقف ايضحك بخبركم..لناااا عووده

**%Om_Khalid%** · 2007-08-12, 21:01

للرفع

**شـــــهد** · 2007-08-13, 17:46

والله وناسه سوالفكم
يالله وينكم اتريا سوالفكم الحــــــــــــــلوة

***عســـولة*** · 2007-08-13, 18:06

up
up
up

**حلوة زماني** · 2007-08-13, 19:41

للرفع

**خريشة** · 2007-08-15, 18:50

ههههههههههه حلوة الموضوع

من فترة اختي كانت مربية وكان ريلها ايي بيتنا فمره هو يا وانا كنت فالمطبخ ودش حجرتهم وطبعا انا مادري جان اسير وادخل الحجرة هذا كله عادي لانه دوم تستوي هالمواقف واطلع جدامه بدون الوقايه وواااااااء بس هالموقف غير لاني طلعت جدامه بالبجامه والفوطة عراسي لاني كنت متسبحة تخيلو ههههههههههههههههههههههههههههههههههههههه

**M!ss Nooty** · 2007-08-15, 18:58

هههههههههههههه يحيكن والله ..

**ساحرة العيون** · 2007-08-15, 20:00

خخخخخخخخخخخ
حلوة سوالفكن
عيل انا سالفتي سالفة
كنت يالسو في حجرتي واطالع تلفزيون ولا اشوي اخو ريلي يدش علي في الحجرة وانا مت من الزيغة
ويحليله على طول ظهر جان يتصل بي على الموبايل اونه اسمحيلي خربط وما ادري شو وانا مت من الضحك عليه

**عسولة2007** · 2007-08-15, 23:00

ههههاي سوالفكم حلوه خاصة اللي ظهر لربيعه بالعباااه

انا بقولكم سالفتي اللي تصيح

امسات كنت يالسه في الدوام ومن الملل اشل معاي اللاب توب مالي اشوف افلام او اقرا قصص

المهم هذاك اليوم كنت شاله سي دي فيه 4 افلام ... شفت الفلم الاول و عيبني وخلص ... و بعده ساعتين لين يخلص الدوام ... فقلت بطالع فلم ثاني

شغلت الفلم وعيبني ... بس ظهرت لقطه ف نص الفلم ... شي ما تتخيلونه ... شي عيييييييب ... ياليت لو بوس ... ياليت لو حظن ... ياليت لو لابسات بكيني او متفصخات... شي افضع واااايد

المشكله الاكبر ان واحد كان وراي يشل الاوراق من البرنتر اللي حاطينه وراي

المهم من الصدمه قلبي وقف وتميت اتراجف واصب عرق ... ماعرفت شو اسوي ... نسيت كل شي في الكمبيوتر .. وخيست الموقف زياده باني ضغط شفت وقف الفلم على هاي اللقطه ... واحاول اصغر الشاشه بس مافي فايده ... وعقب مخي بدى يستوعب شوي جان احط ايدي ع الشاشه وبعدني كنت احاول اصغر الشاشه ... لين استوعبت اني لازم انزل الشاشه خذ مني وقت طوووويل

... والله اني كرهت الدوام ... ومستحيه اداوم ... الحمدلله باقيلي 3 ايام وبفتك

**شـــــهد** · 2007-08-17, 15:53

هههههههههههههههههه مشكورين عللى الرد وين باقي البنات بخبركم بعد عن سالفتي اذكر مرة الابلة يوم كنت في المدرسة كانت تروقني واناوربيعاتي قاعدين نتراكض (مخلية عمري سبيدر مان اون اول وحدة ) ولا اتزحلق واطيح على قمة راسي كلهم ضحكو علي وانا ماكنت اعرف شو اسوى اضحك ولا اصيح

**شـــــهد** · 2007-08-17, 16:39

للرفع

الموضوع: مقلب يضحك ولا يصيح

أدوات الموضوع

عرض

العرض المتطور

مقلب يضحك ولا يصيح

المزيد من آخر المواضيع من نفس القسم:

المواضيع المتشابهه

شفتوا ميت يصيح؟!!!!فيديو

طفلج يصيح ... يصيح يصيح يصيح... الحل مع ميثانو

صور كل ناس فالععالم ((تعال دور صورتك)) "مب مقلب مقلب"

ولدي كله يصيح ..!!

ولدي يصيح يصيح يصيح نكدي