حد جرب المكنسة الي تعمل على البخار؟

**أم أريج** · 2012-03-03, 20:17

السلام عليكم ورحمة الله

امس كنت في ايس وشفت عندهم مكنسة للسيراميك تنظف بالبخار ماركة بلاك اندكر ...

بليز الي جربت هذه المكنسة تكتب لنا تجربتها لنستفيد سواء كانت النتيجة سلبية ام ايجابية وهل هي عملية ونتظف السيراميك؟

وهل هي خفيفة ام ثقيلة ؟ يعني بسهولة تمشي على السيراميك ؟

بانتظار التجارب وجزاكم الله خيرا

المزيد من آخر المواضيع من نفس القسم:

**ام اسامة 2** · 2012-03-03, 21:24

موفقه

**@مبدعه@** · 2012-03-03, 21:46

موفقه الغاليه.. اختج @مبدعه@

**مبتسمه** · 2012-03-03, 22:27

ونا بعد شفت شراتها بالنت بس متخوفه لانها غااااااااالية

**قارورة العسل** · 2012-03-03, 22:30

الرفع للفائده

**ليندااااا** · 2012-03-03, 22:34

اللّهم انا نسألُك أن ترزُقَنا حبَّك.. وحبَّ من يُحبُّك
وحبَّ كلِّ عملٍ يُقرِّبُنا الى حبِّك
وأن تغفرَ لنا وترحمَنا
واذا أردت بقومٍ فتنةً فاقبِضْنا اليكَ غيرَ مفتونين
لا خزايا و لا ندامة و لا مُبَدَّلين
برحمتكَ يا أرحمَ الراحمين

**ام هزاع وسيف** · 2012-03-04, 04:21

انا جربتها
وايد اوكي انا عندي النوع اللي من شارك shark
مادري لو يبيعونه بلامارات بس مب غااليه وايد انا اشتريتها ب 100 دولار
صراحه انها مريحه وسهله انا استعملها بس للمطبخ لان الشقه مفروشه سجاد
وتنظف اوكي بس عيبها ماتقدرين تستعملين كلور ولا صابون ولا غيره بس ماي,, ويوم جربت احط كلوركس ع الارض تستوي بااااهته وايد وريحتها مب شي
مادري عن الانواع الثانيه بس هالنوع ماتقدرين تستعملين اي مواد منظفه

**ميثانووبس** · 2012-03-04, 09:59

انا ماخذتنها من ايس
سهله وعمليه بس احسها ما تنظف
يعنى لو امسح البيت يوميا الارضيه (الفوطة اللي تحت) يا دوب استوت رماديه
يعنى ما تشل الاوساخ اظنى تعقم بس

وان بغيتى الصدق ندمت انى خذتها فلا تشترينها نصيحه

**Mįşš●Ċlaśŝįč** · 2012-03-14, 12:41

انا عندي وحدة نسيت اسمها الي يبيعونها بدبي شاريتها من جبل علي عن طريق الطلب وصلولي اياها...
على هذيج الايام شاريتها ب600 بس قدرها 300 هم مبالغين بالسعر
كنت احط فيها ديتول او داك مظهر الارضيات بس الحين ما استعملها من زمان ..

**حبيبة سامر** · 2012-03-15, 03:11

أنا اشتريت اللي تطلع في اعلانات التلفزيون وندمت إني شريتها متعبة اكتر من انها تريح ،ثقيلة وكفاءتها ضعيفة و تترك ماي في الارض ما تنشف ،والماي بسرعة يخلص وسعرها 700 وشي ، والحين ما استخدمها ابدا، ومقهورة على الفلوس فيها لأنها ما تستاهل، وما انصح إي حد يشتريها.

**جسر الصداقه** · 2012-03-16, 20:49

موفقه..

لا اله الا الله وحده لا شريك له له الحمد وله الملك وهو على كل شي قدير..

**ExtraDerm** · 2012-03-17, 15:57

انا عندي اللي تطرينها ماخذتنها من كارفور على 400 او 300 ماذكر .. شوفي هي موب ذاك الزود بس تختصر خطوات التنظيف البدائية مالت المساحة والسطل وغيره ! لازم تكنسين الارضيه عدل .. ومايصير تحطي ديتول ولا مطهر ولا غيره .. ويوم تحطين المطهر على الارض وتمسحين فوقه يستوي مغبر ولازم تعيدين عليه بفوطة نظيفة .. والماي ماينشف بسرعة مع انه بخار ! جربت كل الدرجات مالت السيراميك والبلاستيك والخشب وبعده ماينشف .. ولازم تعيدين عالارضية بفوطة للتلميع .. ولو الارضية مغبرة ولا موب مكنوسه عدل الوساخة ماتلسق فالفوطة مالتها ولازم انتي تشلينها من الارض ...

باختصار .. موب عملية بس تغني عن الماي والسطل والمسح اليدوي !

**أم أريج** · 2012-03-18, 09:52

شكرا اخواتي على مشاركاتكم ... معظم الردود غير مشجعة ... شكلي ما بشتريها

**مروه كمال** · 2012-03-19, 02:12

انا شاريتها من سنه بحوالى 400 بس ما انصحج فيها بحس انها تلبط الارضيات حتى السيراميك بتروح لمعته كل كلام الاخوات صحيح

**أم اليازيـــة** · 2012-04-14, 21:46

هلا حبيبتي انا ربيعتي عندها ووايد تمدحها اشتريت منها من كارفور ...

تعقم وتنظف ..

بس طريقتي التالي اول شي بالمكنسة الكهربائية عشان اي قراطيس او غبار يروح وبالمرة المكنسة اللي بالبخار تنظف مرة ثانية على نظافة اكثر وتعقم ..

وعقب اسويه بالبخار بيطلع الرخام والسيراميك يلق لق ..

الموضوع: حد جرب المكنسة الي تعمل على البخار؟

أدوات الموضوع

عرض

حد جرب المكنسة الي تعمل على البخار؟

المزيد من آخر المواضيع من نفس القسم:

المواضيع المتشابهه

أوتي البخار اللي نفس المكنسة

المكنسة!!