ميلسنا 1 / 2012 للمكياج والعطور

[mischocolat]

مرحبا بنات

اللي طلبن ميلس في قسم المكياج حياكن
خل نتيمع في هالميلس ونلتقي كل يوم ويا بعض
اللي بتسأل عن شي واللي بترد عليها واللي بتعطينا نصيحه واللي بتراوينا شو مشتريه اللي تسأل عن مكان معين
المهم نكون متواجدين ويا بعض كل يوم واللي ما تمر بعد نسأل عنها ....هيييه لاتطنشون حد

يللا حياكم








مزيل المكياج من بيوديرما
حلو وايد واستخدمه عقب الحليب المنظف او مناديل جونسون عشان اتأكد ان المكياج كله انمسح
أحيانا استخدمه روحه لو ما كنت حاطه مكياج خفيف مجرد بودره وجلوس



ماسكارا حشرونا بها في الاعلانات التلفزيونيه طووووووول الوقت
ما تسوى بيزه حرام ال38 درهم فيها ......ما حسيتها ماسكارا أبدا




اللي ع اليسار علبتين ايشدو الوان رهيبه وايد الصراحه انا اشتريتهم من سيفورا و مدمنه عليهم



يللا اتفضلو بنات بس بالمشاركات وما نبغي رفع لعيون فلانه وعيون علانه وللدعايات..... لو سمحتو
نبغي الفايده للجميع .....مع احترامي للجميع

المزيد من آخر المواضيع من نفس القسم:

• افضل طرق تثبيت المكياج في الصيف
• طريقة تطبيق محدد الشفاه
• طريقة تطبيق الكونسيلر كالمحترفين
• الفرق بين المكياج الاصلي والمكياج المغشوش
• طريقة تطبيق مكياج خفيف نهاري للجامعة
• طريقة تطبيق مكياج العيون الصغيرة
• افضل حيل واسرار مكياج لتبرزي جمالك
• افضل بدائل مزيل مكياج طبيعية وفعالة
• طريقة تطبيق مكياج صباحي ناعم وجذاب
• افضل حيل نحت الوجه بالمكياج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[wedad2]

موفقة

[المها2009]

مس شوكلت كيف انزل الصور
شو احسن ايشدو جربت مكياجي ما يثبت ابا شي يثبت

[الايمــــان]

حبيت اشاركم مكياجات الجديده
اول شي البلاشر من لانكوم كل مره اخد ديور
بس ما القيت اللون الي باخده كل مره اخدت من لانكوم وبصراحه ما عجبني كتير بس ماشي حالها



تاني شي المسكارا من لوريال انا مدمنه عليها


والروج من رفلون
حلوين كتير بالنسبه الي




واخر شي الاي لاينر من لوريال بنصحكم فيه جد راااائع وسهل تتحكمي فيه

[R A N S H E Z]

مرحبا بنات



مزيل المكياج من بيوديرما
حلو وايد واستخدمه عقب الحليب المنظف او مناديل جونسون عشان اتأكد ان المكياج كله انمسح
أحيانا استخدمه روحه لو ما كنت حاطه مكياج خفيف مجرد بودره وجلوس

و عليكم السلام و رحمة الله و بركاته
اشكرج على الموضوع الحلو اختي الغاليه ..
ممكن اعرف كم سعر هالمنتج؟
انا حاليا استخدم مزيل مكياج جيفنشي .. و احسه مب لين هناك !!

[R A N S H E Z]

آخر مشترياتي كان


علبة Urban Decay من سيفورا دبي مول
Midnight Emergency

تقييمي للعلبه >> قممممه في الروووعه ! تنفع لميك اب صباحي ناعم و مسائي Gorgeous !!

السعر : 199 درهم

و معاها برايمر وااااااااو ..
السعر : 88 درهم

[R A N S H E Z]

الايمان


حبيت مكياجج خصوصا أرواج ريفلون
لني احبها بعد و مريحه في الاستخدام .. >> استخدم المات لنه شفايفي كبار خخخخ

بجرب الآي لاينر ان شاء الله ..

...

انا استخدم كريم اساس و بودرة و كونسيلر >> MAC
الآيشدو : قبل كنت آخذ من مكياجي + Nyx + مكياج مجهول الهويه .. هههههههههههههه يعني مش مشهور
و الحين استقريت على حبيب قلبي Urban Decay و مب ناويه اغير خلاص ارتحت بالقو

بيس الويه من Mac و برايمر الايشدو من Urban Decay و Mac Fix (+) plus للتثبيت

الماسكارا : لانكوم + ميبلين نيويورك
الآيلاينر : ميبلين و عندي واحد من مكياجي رهييييب 22K مع فرشاه .. يجف و يثبت

الارواج : Mac + Revlon + Office


و ابا اطلب .. دام ان بشرتي سمره .. ابا ذوات البشره السمرا الميديم يخبرني شو ألوان الأرواج اللي يحطونهم؟

[بنـوته دلوعه]

ما شاء الله ع التجمع

حبيته الصراحه لاانه اولاا بنستفيد منه وبنلقى كل اصحاب الخبره وهني

ومنها اي استفسار احطه هني بدال ما افتح موضوع كامل ^_^

ببدا بسواااال و ان شاء الله احصل الاجابه باجرب وقت لااني مستعيله :P


ابي اسالكم اي عدسه اختار اذا كان الايشدو وردي ع فضي

اختار عدسه رماديه او خضيريه او اي لون !!

وانا عيوني كبار ما شاء الله

لاانه محتاره وايد وكل حد يعطيني راي وما بقى شئ ع العرس فابي اقرر


وبس


ومبروووكـ ع التجمع مره ثانيه

[الايمــــان]

بنوته دلوعه شو هو لون عيونك الاصلي
بحس اللونين حلوين على لون المكياج بس برايي اختاري الانسب الك لا تبعدي كتير عن لون العدسه الطبيعي

[R A N S H E Z]

ما شاء الله ع التجمع

حبيته الصراحه لاانه اولاا بنستفيد منه وبنلقى كل اصحاب الخبره وهني

ومنها اي استفسار احطه هني بدال ما افتح موضوع كامل ^_^

ببدا بسواااال و ان شاء الله احصل الاجابه باجرب وقت لااني مستعيله :P


ابي اسالكم اي عدسه اختار اذا كان الايشدو وردي ع فضي

اختار عدسه رماديه او خضيريه او اي لون !!

وانا عيوني كبار ما شاء الله

لاانه محتاره وايد وكل حد يعطيني راي وما بقى شئ ع العرس فابي اقرر


وبس


ومبروووكـ ع التجمع مره ثانيه

من رايي الرماديه احلى .. و الخضرا ابد مش مناسبه

[سامية22]

للرفع

[بنـوته دلوعه]

بنوته دلوعه شو هو لون عيونك الاصلي
بحس اللونين حلوين على لون المكياج بس برايي اختاري الانسب الك لا تبعدي كتير عن لون العدسه الطبيعي

عيوني بنيه غامجه ^_*

انا محتاره عسب جي اسال لاانه ما عندي خبره واول مره البس عدسه ملونه

[بنـوته دلوعه]

من رايي الرماديه احلى .. و الخضرا ابد مش مناسبه

تسلميلي يعني انتي نفس رايي للحين ^_^

[دلوعة ريلي@]

تسلميلي يعني انتي نفس رايي للحين ^_^

أنا بعد اقول رماديه لانها تناسب كل الألوان بعكس الخضرا

[ماما سوافي99]

مس شوكليت احلى ميلس الصراحة...
ياليت يثبتونه بدل ما نيلس نرفعه

اقولج الماسكارا اللي خذتيها من شكل البكيج ما حبيتها ...><
الماسكارا بروحها و الغطا بروحه...مب شي
احسن ماسكارا عندهم هي الصفرا SSAL
غراميييي هالصفرا..^^

الايمان ماسكرا لوريال انا ويااج روووعة
والكل يتهنى بيديده يا رب..

اخر شي خذته كانت ارواج لانكوم من كوليكشن الربيع
بس اخلص سمكرة الصور ^^..بحطهم لكم...