عروسات شهر ( 3 - 4 - 5 ) ياليت تدخلوا للضرورة

**القوية بالله** · 2012-02-29, 23:47

اول شي مبروك وربي يتمم عليكن بالخير ويسعدكن يارب
واسال الله الرحمن الرحيم القادر على كل شي ان يرزق كل البنوتات بالزوج والذرية الصالحة
اللهم امين

بنات ممكن نخلي هالموضوع ملخص لتجهيزات العروس وتفيدوا البنات اللي بعدهن ماجهزن شي
يعني بحط عليكن كم سؤال ويزاها الله خير اللي بتجاوب وتفيدنا كلنا

1 - متى بديتي في الزهبة يعني قبل عرسج ب 3 شهور او 4 او شهرين . . الخ ؟

2 - شو كانت زهبتج يعني شو شريتي ؟

3 - شو اصعب شي واجهتيه ؟

4 - كيف رتبتي زهبتج يعني شو اول شي بديتي فيه ؟

5 - نصائحج في التجهيز للعرس ؟

ومابكثر بالاسئلة واللي تبا تزيد نصائح من عندها يزاها الله خير والمجال مفتوح للجميع
والله يوفقكن في حياتكن

المزيد من آخر المواضيع من نفس القسم:

**امل التونسية** · 2012-03-01, 00:15

موفقة

**القوية بالله** · 2012-03-01, 00:28

المشاركة الأصلية كتبت بواسطة امل التونسية

موفقة

بس هالرد

**rita hair** · 2012-03-01, 00:30

موفقة

**سـارة** · 2012-03-01, 01:37

اهلين اختي ..

أنا بفتتح الجلسة ^^

عرسي بشهر 4 ان شاء الله ..

1 - متى بديتي في الزهبة يعني قبل عرسج ب 3 شهور او 4 او شهرين . . الخ ؟

والله بديت فيها تقريباً شهر 12 يعني قبل 4 شهور ..

2 - شو كانت زهبتج يعني شو شريتي ؟
اممم تقريباً كل شي .. بس ما كثرت .. يعني لبس قمصان نوم وبجايم
فساتين عبي اكسسواارات ذهب جواتي ونعل وشنط .. بس ماكثرت ..

3 - شو اصعب شي واجهتيه ؟
امممم القمصان نوم لأن ماعندي خبرة فيهن الصراحة .. ولولا
مرت اخوي كنت مادري شو بسوي .. أحس أهم شي في الزهبة
حد وياج تتشاورين وياه في الأسعار ويسوى ولا لأ من ناحية الفينيشينج ..

4 - كيف رتبتي زهبتج يعني شو اول شي بديتي فيه ؟

صراحة انا اول شي قبل لا أبتدي كتبت كل شي ابغي اشتريه ..
عشان أعرف .. وأول ما أشتري شي .. اكتبه في مفكرة اني شريت
الشي الفلاني من المكان الفلاني بالسعر الفلاني .. عشان ارجع للمفكرة
واتذكر الأشياء واشوف اللي ناقصني .. احس وايد ارتحت على هالشي ..

5 - نصائحج في التجهيز للعرس ؟
مثل ما قلت .. حد وياج تتشاورين وياه .. وترتيب الأشياء .. وما تكثرين
حتى لو المهر عالي .. لأني أحس ان كل ما طلعتي بعد بتتشرين مهما كان
عندج .. وطبعاً تبتدي في التجهيز من وقت عشان ما تتراكم عليها الأشياء
وتزاحم نفسها في آخر الأيام ..

وبس ^^

مشكورة اختي على الموضوع ..

**عبيرستايل** · 2012-03-01, 01:50

موفقين ياعرايس

**عزة فوتو** · 2012-03-01, 03:04

بالتوفيق

**MAJIDA** · 2012-03-01, 08:45

موفقين ياعرايس

**دلع غرامي** · 2012-03-01, 10:50

مرحبا الغاليات اولا الف الف مبرووووووووووك للعرااااايس وانا وحدة منهن ان شالله

عرسي 29-3-2012 باذن الله

1 - متى بديتي في الزهبة يعني قبل عرسج ب 3 شهور او 4 او شهرين . . الخ ؟

طبعا الزهبة كانت النص ع اهل المعرس والنص انا فضلت اخذه بروحي مثل (العبي والاقمصة والاندرويرات والشلح وجي..)
وبديت اتشرا تقريبا من شهر 11 وكل شهر شويه لين خلصتهن ورتبت الصناديق عااد

2 - شو كانت زهبتج يعني شو شريتي ؟
مثل ما قلتلج فديتج (العبي خذت 5 تقريبا متنوعات شي ساده وشي شغل فيهن)واقمصة نوم وبيجامات متنوعة القصير والطويل ) والاندرويرات والشلح والستيانات وبناطلين الدانتيل الخ..)صح والعطور بعد نسيتهن ههههههه (خذت 6 عطور اسكادا وريحانه والرصاصي وشانيل ) نوعت بينهن
3 - شو اصعب شي واجهتيه ؟
امممممممممم الحمدلله ما واجهت صعوبة لان كانت عندي اختي وخبيرة بامور العرس وجي وساعدتني الحمدلله
وطبعا كنت اتدلع بخصوص اقمصة النوم هي تاخذلي وانا اقولهاااا عيييييب ما باااااااه هههههههههه
4 - كيف رتبتي زهبتج يعني شو اول شي بديتي فيه ؟
كلهن رباعه بديت فيهن وخلصتهن الحمدلله
5 - نصائحج في التجهيز للعرس ؟
مثل ما قالت اختنا فديتهاا لازم حد يكون عندج خبير بالاسعار والمكاسر عسب لا يقصون علينا بالاسعاااااااار

بالتوفيج يااااااااااااارب

وربي يمم لنا على خير ان شالله حبيباتي

**Pheno-m-enon** · 2012-03-01, 16:05

الله ايسر اموركم و يسعدكم و يجمع بينكم على خير = )

**wedad2** · 2012-03-01, 22:54

اااااااااب

**smartheart** · 2012-03-01, 23:52

عرسي بيكون ان شاء الله تاريخ 16/3

1 - متى بديتي في الزهبة يعني قبل عرسج ب 3 شهور او 4 او شهرين . . الخ ؟
بديت فزهبتي تقريبا على آخر 12 يعني كملت شهرين

2 - شو كانت زهبتج يعني شو شريتي ؟
اشتريت الاشياء اللي احس اني بلبسها مب بخشها فالكبت
اول شي الذهب :

#خذيتلي جلابيات البيت بما اني بسكن فبيت اهله تقريبا 15 جلابيه ويا شيل البيت.
#فصلت عشر عبايات (2 للاعراس والباقيات منوعات)
#جواتي وشنط (حاولي اطقمين الجوتي مع الشنطه)
#بديات وليقنزات
#قمصان نوم طوال وقصار

#اغراض الجمعيه من فوط ومعطر الملابس والفراش والخ
#عطور وبخور ومدخن كهربا للطواري
#7مخورات
#جلابيات فيهم شغل 4
#الفستان
#لبس الحنا
#اختيار الكوشه
%الزفه
&طقم شنط لترتيب الاغراض
3 - شو اصعب شي واجهتيه ؟اصعب شي كان اختيار الفستان لان هذا اهم شي فمظهر العرروس والحمدلله اخترته

نصايحي انج تسوين بطايق شراتي كروت صغار تكتبين على كل كرت الشي اللي تبينه يعني مثلا المخورات وتحطين بيزاتهم فالكرت مثلا 4000 وجي بتضمنين انج ماتلعبين فالبيزات وكل شي ياخذ حقه .

النصيحه الثانيه لا تتسرعين فاختيار فستان العرس ولاتتوترين وسيري كذا مكان واختاري فستانج باقتناع

طبعا المشوره وايد مهمه وخلي حد عنده خبره فترتيبات العرس يكون وياج مع عدم الاتكاليه والاعتماد على النفس

واخيرا عيشي هاللحظات بفرح وسرور وبدون ضغوطات وضيج لانها احلى ايام عمرج ودوم بتذكرينها

الله يتمملنا على خير ويووفق جميع العرايس ويرزقهم بالذريه الصالحه ويرزق خواتي الباقيات بالازواج الصالحين

**مبدعة الجمال** · 2012-03-01, 23:35

موووووووووووووووووووفقه

**سامية22** · 2012-03-02, 00:44

مبروك

**سنوات الضياع** · 2012-03-02, 11:14

المشاركة الأصلية كتبت بواسطة القوية بالله

اول شي مبروك وربي يتمم عليكن بالخير ويسعدكن يارب
واسال الله الرحمن الرحيم القادر على كل شي ان يرزق كل البنوتات بالزوج والذرية الصالحة
اللهم امين

بنات ممكن نخلي هالموضوع ملخص لتجهيزات العروس وتفيدوا البنات اللي بعدهن ماجهزن شي
يعني بحط عليكن كم سؤال ويزاها الله خير اللي بتجاوب وتفيدنا كلنا

1 - متى بديتي في الزهبة يعني قبل عرسج ب 3 شهور او 4 او شهرين . . الخ ؟
عرسي ان شاء الله شهر اربعه تاريخ 6 الله يسر الامور ويوفقنا بديت قبلها بشهرين يعني شهر 2 عسب يكون ايدد شي ماباخذ شي قديم
2 - شو كانت زهبتج يعني شو شريتي ؟ذهب مخاوير مغربيات جلابيات بجايم عبي شيل بيت نعول وانتي بكرامه سواء او للطعات ملابس داخليه قمصان نوم اكسسوارات اسكارفات ميكب شنط للزهاب وشنط هاند باج واغراض الجمعيه لاتسين العنايه بالبشره من تنضيف وتبيض وتقشير ولليزر واذا كراتين للشعر

3 - شو اصعب شي واجهتيه ؟
قمصان النوم ماعندي خبره بالمره بس الحمدلله خواتي مايقصرن وملابس البيت عسب من بيت لبيت غير طريقت لبسهم بس انا اقتنعت انا انتي البس اللي متعوده وع استايلي انا ولا تمسعين لمليون شخص لانج بتشتين صدق الله يعين
4 - كيف رتبتي زهبتج يعني شو اول شي بديتي فيه ؟ابدي بالاشياء اللي يبالها وقت مثل المخاوير المغربيات ملابس الشيفون اي شي فيه خياطه ويباله وقت وعقب الاشياء البسيطه

5 - نصائحج في التجهيز للعرس ؟ اخذي وياج ناس عندهم خبره وولفي السوق شوفي شو الانسب والافضل والسعر ولا تسمعين لمليون ناس
ومابكثر بالاسئلة واللي تبا تزيد نصائح من عندها يزاها الله خير والمجال مفتوح للجميع
والله يوفقكن في حياتكن

الموضوع: عروسات شهر ( 3 - 4 - 5 ) ياليت تدخلوا للضرورة

أدوات الموضوع

عرض

العرض المتطور