كره الاطفال للروضه..

**أغلى الألماس** · 2012-02-23, 20:27

هلا خواتي شحالكن ان شاء بخير حبيت ادور لحل عن مشكلتي
اخوي الصغير في ثاني رووضه اول السنه كان اوكي يصحها برووحه ويلبس ويكشخ

ويركب الباص بدون صياح ومن بدا الكورس الثاني يقووم بصعووبه ويقعد يصيح

ولا يلبس الا بضرابه

ونركبه الباص غصب عنه ويقعد يصارخ في الباص ومعلمته تقول يقعد مثل الطاوله لا يفهم ولا يشارك ولا يحل شو الحل؟؟؟؟؟

المزيد من آخر المواضيع من نفس القسم:

**ام زايدالغالي** · 2012-02-24, 03:21

غريبه
ليكون حد مخوفنه او ضاربنه أسألو معلمته ليش تغير الولد هل حد ضربه من الاولاد

**ام مريوومه** · 2012-02-24, 04:07

مرحباً الغاليه

الغاليه اول شي المفروض تسونه أنكم تحلون المشكله قبل لا تطور اكثر فاكثر وبعدها يصعب حلها

تواصلي مع المشرف او المعلمه لمعرفة المشكله حتى يسهل حل مشكلته

حاوري وناقشي اخوج وعطيه الفرصه ان يتكلم عن المدرسه و مشكلته معاها حتى تعرفين سبب وتحليننها له

سيري زياره للمدرسه شوفي سلوب التعليم ممكن هالسلوب مايناسب الطفل . والصراحة في مدارس اسلوب التعليم مب مطور من ناحية الإبداع و التلوين و الحركات الجسدييه و المعلمه تلعب دور في حب الطالب للمدرسه

**أغلى الألماس** · 2012-02-24, 12:29

والله يا خواتي سارت امي روضته ما فيها شي ولا حد يضاربه وكل ما نسأله ليش ما تسير الروضه وتقعد تصيح يبرطم ويقول ما اكلم ما احبكم ويشغل دمووعه

**Romanove** · 2012-02-26, 19:42

**بثـينه** · 2012-03-06, 00:01

بعض اليهال تييهم فتره انقلاب و صارت عندي مع ولدي ..
بس ولدي كان السبب انه في أولاد من صف ثاني بوقت الفسحه يضاربونه وما يروم يدافع عن عمره لانهم اقوى منه واطول فيخاف ..

الحل انكم لازم تعرفون شو المشكله علشان تحلونها ...

ييبوله شنطه ايديده او لانج بوكس باج يديده و اشتروله وجبات خاصه بالروضه بس ما ياكلها في البيت ممنوع بس للروضه مثلا الحين اشكال البسكويتات الكرتونيه مثل السنافر وسبونج بوب و هلوكاتي و بن 10 متوفره في الجمعيات خذوله منها و قولوله هذا بس للروضه و اشتروله عصير خاص بشكل حلو وقولوله هذا للروضه لانه بس للشطار و جي يعني و حاولوا تحببونه بالروضه واحكوله عن ايامكم ولو تأليف المهم تسووله فلم عن سوالف حلوه تستوي في الروضه عسب يحبها ...

والله يهديههم يا رب و يحفظهم وأزمه وتعدي ان شاء الله ...

**يمنات** · 2012-03-06, 00:18

كلمو المعلمه تشجعه و تحببه في المدرسه
و اعطوها هدايا تعطيه اياها عشان يتشجع و يحب المعلمه و المدرسه
و انتو بالتشجيع و التحفيز حببوه في المدرسه لانه بالصريخ بيزيد يعاند
ربي يوفقه

**ليندااااا** · 2012-03-13, 08:57

**قارورة العسل** · 2012-03-13, 09:14

للرفع

**Mįşš●Ċlaśŝįč** · 2012-03-14, 12:16

نفس ولدي الصغير كان فرحان وجي ويركب الباص بروحه وووو..
فجاة قال ما بروح وصياح وعقب عرفت انه مشرفة الباص تضربه والحمد لله انتهت المشكلة على خير والمشرفة بدلوها من الباص
بس عقب قام ولدي يدش من الباب ياي من الروضة ويهه احمر وحالته حالة
فيه اولاد بالفسحة اكب رمنه يضربونه مه انه اخوه معاه بنفس الروضة فرحت وعرفت السبب ورمست الادارة ورمست المدرسة وصراحة متعاونين جدا معاي المدرسات وممتازات وطلعنا معارف بعد..وانحلت المشكلة الحمد لله
بس السنة الياية بيتم بروح لان ولدي باذن الله بينتقل صف اول لكن بعد متطمنة لآن اختي مدرسة عندهم في الروضة فالحمد لله اموري تماااااااااااااام

انصح كل ام تلاحظ اي تغير بالطفل وتتدارك الموضوع وتشوف شو السبب. اعرف امهات يفرون عيالهم بالروضة بس يبون الفكة من ازعاجهم في البيت والله حرام لازم الطفل يكون مرتاح في الروضة بعد

**يمنات** · 2012-03-14, 21:20

تمت المراجعه

الموضوع: كره الاطفال للروضه..

أدوات الموضوع

عرض

العرض المتطور

كره الاطفال للروضه..

المزيد من آخر المواضيع من نفس القسم:

المواضيع المتشابهه

مدرسه للروضه ف عجمان

فيه تسجيل للروضه

بغيت موديلات للروضه..

متي يا امهات يبدأالتسجيل للروضه