دعوة للمرح

[$strawberry$]

1: اكتبي لنا مقلب سويتيه لريلج وش كانت ردت فعله
المقلب كان هو اللي بيسويه فيني اونه بس انقلب السحر على الساحر خخخ
ياب لي فار ماعرف من وين وعقه بالمطبخ من غير ما اشوفه وتم يزقرني اونه يبا شاي
قلت له البشكاره تحت بتسوي لك قالي لا هي يالسه تكوي تعالي انتي
المهم يوم نزلت موقفه عند الغاز لمحت بطرف عيني شي يتحرك من تحت الطاوله لتحت الثلاجه ويرد بسرعه
بس لاني ما دققت ما عرفت شو ، المهم خلصت الشاي وديته للصاله جان يقولي ما شي سويت او كيك قلت له زين
رديت ولا اشوف فرفور الحبيب مطلع راسه من تحت الثلاجه ويطالعني وصرااااااااااااااااااااااااخ وركيض للصاله
واونه ريلي يستهبل شو بلاج قلت له فار قوووم الحينه زخه المهم يوم راح عسب يمسكه ولا الفار يشرد من المطبخ ويدخل الصاله تحت الغنفات
والمشكله انه ريلي كان يبا يسير المكتب ما عنده وقت قلت له تزخ الفار اول عقب تيسر ما يخصني
واصيح واصااارخ جان يزقر البشكاره عسب تشل وياه الاثاث ويزخون الفار وتم لك يمكن ساعه ونص كل ما يقربون له شرد ونخش مكان ثاني وعقب طلوع الروح زخووه
وطلع للمكتب وهو معصب حليله خخخخخخ بس ما قال شي الا يوم رد جان يقولي تووووبه اسوي فيج مقااالب عنبوه انجلب كل شي علي << اعترف لووول
2: شو اخر نكته قلتيها لزوجج
خخخخخ من فتره اذكر قلت له نكته فيها مساخه شوي ضحك اونه ها ها ها بس لا تعيدينها ولا بتموتين << وحلفت ما اقوله مره ثانيه لووول
3:شو اول هدية قدمها لج زوجج
طقم من داماس << ما حبيييييييييييييته مول بس جاملته ولبسته غصب وطلع بالاخير مب هو اللي مختارنه خخخخخ
4:شو الي تحسيه ناقص على شان تصير حياتج احلى
الحمد لله على كل شي ما بنطمع اكثر وعلى قولة الاخت القرب من رب العالمين اكثر واكثر
5:خبرينا عن يوم زواجج اكيد عندج ذكريات حلوه فيه
وايد ذكريات حلوه الحمد لله بس ما يحضرني شي الحينه


وتسلمين عالموضوع الفرفوشي فديتج