الراتب الشهري

**الزهرة البرية** · 2012-02-11, 14:42

السلام عليكم ورحمة الله وبركاته...

مرحبا زميلاتي العزيزات
أنا موظفة من 5 سنوات وعندي إلتزامات مادية ومب عارفة كيف اوفر من راتبي
الراتب : 19500
البنك يخصم 7000 درهم من راتبي للديون
ويبقالي 12000 درهم وما اعرف كيف اوفر
واعطي امي وابوي 3000 درهم والباجي من راتبي ما يتم منه شي
ممكت اتساعدوني وتقولولي كيف اوفر من الراتب
وجزاكم الله خير

المزيد من آخر المواضيع من نفس القسم:

**شيخه29** · 2012-02-11, 14:46

السلام عليكم يالغاليه ممكن تدخلي جمعية مع ربيعاتج وتكوني الاخيرة هذخ طريقه من طرق التوفير وممكن اللي يطلع لج من الجمعيه تكوني مخططه له بشي ينفعج ولاتنسي الصدقه من راتبج حتى يبارك الله لج في المال

**Mall.08** · 2012-02-11, 14:54

اختي..
يبقى من راتبج 9500
لازم تحطين جدول لمصاريفج ..
وتعرفين اللي تحتاجينه عن اللي ما له داعي

حطي مبلغ توفير شهري بحسابج .. بحدود 4 آلاف
والـ 5000 الباقيه اصرفي منها / بتقولي شو بتييب لج
صدقيني فيها الخير والبركه

المهم الجدول واهمية الغرض اللي انت بحاجته ^^

اول شهرين ثلاثه بتحسين انه صعب وبتتعبين
لكن عقب بتحمدين الله وبتفرحين يوم تشوفين عمرج بديتي توفرين ^^
وكل شي يبتدي من الصفر .. لكن يبالج خطوة اولى

والله يسعدج .. ويقويج

**وين انت ؟** · 2012-02-11, 15:13

فوووووووق

**صمت الاصايل** · 2012-02-11, 20:19

سبق و كتبت طريقة تقسم الراتب لاحد الاخوات بالمنتدى

و اهي طريقة سهله و راح تريحج من المصاريف الي مالها داعي ..

بما ان يبقى من راتبج 9500 اخصمي منه حدود 2500 الى 3000 و افتحي لج حساب توفير و راح ينخصم منج هالمبلغ كل شهر

بجي بيبقى لج 6500 هاتي لج مجموعة اظرف و اكتبي عليهم التزاماتج او الاشياء الي تسوينها كل شهر..

مثلا الظرف الاول بتكتبين عليه اغراض الجمعيه داخل هالظرف بتحطين المبلغ التقريبي الي تصرفينه بالجمعيه

في الشهر خل نقول مثلا 1000 درهم..

الظرف الثاني حق البترول حطي مبلغ مثلا 300 درهم في الشهر

و الظرف الثالث مثلا راح يكون للكهربا و الماء حطي فيه 600 درهم
و الظرف الرابع للشوبنق مع صديقاتج حطي فيه 1000 درهم..

المهم في النهاية بتكون عندج مجموعة اظرف على حسب احتياجاتج و التزاماتج للشهر

يوم بتين تطلعين خل نقول بتروحين الجمعيه لا تاخذين وياج الا الاظرف الي بتحتاجينها يعني ظرف الجمعيه + ظرف البترول لو كنتي محتاجتنه ..

هالطريقه تخليج ملتزمه و تصرفين قد حاجتج..

ان شاء تكونين فهمتي علي

و بالتوفيق لج اختي

**ميانه بوظبي** · 2012-02-11, 21:15

خصصي جزء منه للصدقة وصدقيني بتشوفين كيف بتزيد بيزاتج عن تجربة

**عوعه١** · 2012-02-11, 23:15

أختي فتحيلج حساب توفير وحطي في الشهر ٣٠٠٠ درهم وفي السنه بكون عندج ان شاء الله حدود ٣٦ الف .. الحمدلله حلوووووووين ..
وعدوي نفسج دااااااااااايما يوم تمسكين الراتب تقولين (اللهم اجعل في مالي بركه) .. ولا تنسين الصدقه مثل ما قالن الخوات ..

**فديت ماماتي..** · 2012-02-11, 23:24

بضيف على كلام خواتي ,, سويلج مشروع لو بسيط

مصدر دخل آخر .. ينفع

موفقه حبيبتي

***دلوعه كيفي*** · 2012-02-11, 23:25

موفقه الغلااا

**rozee** · 2012-02-12, 00:35

فتح حساب توفير

**sweet angel86** · 2012-02-12, 01:01

اختي الصدق ثم الصدق ...........عن تجربه والله يا اختي راتب ريلي اقللل بوايد من راتبج الله يبارك لج فيه وعندي عيال ومصاريف والله من يوم نصحت ريلي بتخصيص شي منه للصدقات الحمدلله صارت فيه بركه ولله الحمد ومع ان عندنا مديونيات بس اللهم لك الحمد يكفينا الراتب

الموضوع: الراتب الشهري

أدوات الموضوع

عرض

الراتب الشهري

المزيد من آخر المواضيع من نفس القسم:

المواضيع المتشابهه

:تجربتي مع الراتب والمصروف الشهري :

مصروفج الشهري

مصروفك الشهري