ابا النقاش الطيب وياكم..اكون او لا اكون هذا هو السؤال؟؟؟؟

**مريم الشحي** · 2012-02-09, 04:57

السلام عليكم

حابة ابدى بدون مقدمات ^___^

واشرح وضعي بشكل مختصر قد ما اقدر

خواتي الي خلااااني ما ارقد لي هالوقت هو كثرة تفكيري فهالموضوع الي برمس فيه وياااكم..

مع العلم انه صاارله فترة يزن عراااسي وعلى مدى سنوات اييني هالتفكير ويرد يرووح ..

مممم

والله ماعرف من وين ابدى

بس...

خواتي انا ودي امتهن شغلة

يمكن ينفر منها الكثير ويخااف منه الكل

بس والله خااطري فيها من اسنين

شاورت امي قالت بعدج صغيرة على هالتفكير

وابووي اروم اقنعه ومتأكدة بيعارض فالبداية اكبر اعترااض

شاورت ناااس اوثق فيهم ثقة عميااا واعتبرهم الملجأ الوحيد لي فهالدنيا من بعد الله سبحاااانه بس قالولي يا مريم هالشغلة ما تصلح لج

قلت

عيل شو الي يصلح لي.؟؟؟انا ودي ادخل هالمجال وخااطري فيه بالقوووو...

ادري ودكم تعرفووون شو الي امخبل بي هالكثر..

خواتي

اناا من بعد ما عاشرت ناااس يمتهنون هالمهنةوصادفتهم فحياتي اكثر من مرة حبيت اكووون وياااااهم وانا متأكدة من نفسي على اني قااادرة اؤدي هالدووور..

خواتي

ودي اكون ...مغسلة امواات

هل هالمجال ما يناسبني؟؟؟

كل يلي حواليني يقولون انتي متحدثة رسمية ولج القدرة على اعطاء المحاضرات والمواعظ وعندج القدرة الكبيرة على النصح والاقناع والهداية بفضل من الله سبحانه وتعالى بس ما تصلحين لهالشغلة

بس اناا مياديفي ما اتكسرت وعندي امل في اني اصير فيوم من الاياااام مع الاخوات فهالمجال

ودي بلي اتعرف او عندها خلفية عن اجراءات هالمهمنة اتفيدني ..

وبالمرة ودي اسمع شووركم علي..

انا عارفة انه من ورى هالمهنة اجر عظيم من عند الله سبحانه وادري اني بشووف بلاوي كبيرة واشيا اتخوف وعلامات الرضا او السخط على ويوه الموتى بس ما عليه انا ارووم .. كيف الطريقة؟؟

ودي اطوع فخدمة الدين والاسلام والمسلمين

ابا اودر امور الدنيا واتفرغ لربي

ودي والله العظيم برووحة للعمره,, احس اني مشتااااااااااااااااااااقة للكعبة شووق كبير مادري شو سببه؟؟

اخاف يرووح العمر وانا ما خدمت نفسي عشاان رضا ربي ..

والوحدة فينا خواتي ما اتعرف متى يومها ..

عسب جذا مابا الايااام اتظيع عالفاااضي

ابا احس اني انجزت فدنياي شي عسب آخرتي

الله يكووون فالعوووون..

المزيد من آخر المواضيع من نفس القسم:

**شمه الشطوره** · 2012-02-09, 06:19

الله يوفقج حبوبه وايسر امورج ويكتب لج الي فيه خير لج مادري اذا حابه تشتغلين هاشغله استخيري ولاتنسي الكتماااان ضروري
عن أبي رافع قال: قال رسول الله صلى الله عليه وسلم: من غسل ميتا فكتم عليه غفر له أربعون مرة، ومن كفن ميتا كساه الله من سندس وإستبرق الجنة، ومن حفر لميت قبرا وأجنه فيه أجري له من الأجر كأجر مسكن إلى يوم القيامة. رواه الحاكم. وقال: هذا حدث صحيح على شرط مسلم، ولم يخرجاه، وأقره على ذلك الذهبي في التلخيص، وصححه أيضا الألباني

**omfalah** · 2012-02-09, 06:39

هلا اختي مريم هي فكره ما شاء الله تبارك الله ما يبالها كلام بس تبي قلب قوي وانا من خلال كتاباتج احس ان شخصيتج قويه توكلي على الله واستخيري ومن ناحية العمره شوفي لج اقرب وقت وسافري تري في الزمن هذا محد يضمن عمره..موفقه خير..

في حفظ الرحمن...

**مناتي الحلوة** · 2012-02-09, 07:07

ماشاء الله عليج
بالعكس حبيبتي اذا ترومين وقلبج قوي
توكلي على الله
وعلى الله يتوكل المتوكلون

**دودوالحلوة** · 2012-02-09, 07:08

اختي دام ان هدفج التقرب الى الله سبحانه و تعالى ليش ما تسلكين السبل الاخرى غير هالمهنة ...
يعني ادري ان اجرها وايد عظيم بس بعد فكري بأمور ثانية
و دام عندج القدرة على الاقناع باسلوبج و الهداية باذن الله استخدمي هالقدرة في محاضرات دينية
و شغلات ثانية ممكن انها تفيد الناس اكثر و تصلح من حالهم باذن الله
هالشي بعد له اجر عظيم عند الله سبحانه و تعالى
دامج بعدج صغيرة مثل ما قلتي انا اشوف انج تبتدين شوي شوي
و عقب فكري بشغلة غسل الاموات

ربنا يوفقج حبيبتي

**دودوالحلوة** · 2012-02-09, 07:08

اختي دام ان هدفج التقرب الى الله سبحانه و تعالى ليش ما تسلكين السبل الاخرى غير هالمهنة ...
يعني ادري ان اجرها وايد عظيم بس بعد فكري بأمور ثانية
و دام عندج القدرة على الاقناع باسلوبج و الهداية باذن الله استخدمي هالقدرة في محاضرات دينية
و شغلات ثانية ممكن انها تفيد الناس اكثر و تصلح من حالهم باذن الله
هالشي بعد له اجر عظيم عند الله سبحانه و تعالى
دامج بعدج صغيرة مثل ما قلتي انا اشوف انج تبتدين شوي شوي
و عقب فكري بشغلة غسل الاموات

ربنا يوفقج حبيبتي

**مجرد ام** · 2012-02-09, 07:09

ماشاء الله عليج
مره شفت موضوع عن تغسيل الموتى
هذا شخص يتكلم ويقول انه حضر دورة تغسيل الموتى
وطبعا عشان يكون عندج شهادة معترفة من الاوقاف بغسيل الموتى هذا في السعوديه بس في الامارات ما اعرف اذا نفس الشي
هناك شرطين
اولا حضور الدورة في أغلب دروسها
ثانيا الاختبار النظري والتطبيق العملي على عشر جنائز!! خلال فترة محددة.
ويقول الشخص في وقت الاختبار اذا كانوا 100 شخص في الدوره ينجح منهم بعدد الاصابع الايد لان المساله تكون صعبه ولازم الانسان يكون حاذق لجميع أنواع الأموات بكافة أشكالهم وصورهم (طبيعي - حوادث - حرق - غرق - قصاص - دهس - انفجار - هدم - حروب - أمراض ،، الخ) أو تتحمل هذه المهنة وتصبر على أنواع المشاهد للأموات التي تراها كل يوم.
واقولج ان صاحب الموضوع من الي شردوا لانه ما تحمل
انتي صلي صلاة استخاره وسجلي اذا تحملتي وهذا الي اشوفه ((مثل ما قالت الاخت ان شخصيتج ما شاء الله قويه)) او تشردين مثل صاحبنا
المهم ما تخلين شي في خاطرج لان هذا الي تسوينه مش حرام بالعكس اجره عند الله وااايد
وروى الحاكم في المستدرك عن أبي رافع قال: قال رسول الله صلى الله عليه وسلم: من غسل ميتاً فكتم عليه غفر له أربعين مرة، ومن كفن ميتا كساه الله من سندس وإستبرق الجنة، ومن حفر لميت قبراً وأجنّه فيه أجري له من الأجر كأجر مسكن إلى يوم القيامة. هذا حديث صحيح على شرط مسلم ولم يخرجاه، وأقره على ذلك الذهبي في التلخيص، وصححه أيضاً الألباني

والله يكتبلج ويكتب لكل مشتاق لبيته عمره

**مجرد ام** · 2012-02-09, 07:10

ماشاء الله عليج
مره شفت موضوع عن تغسيل الموتى
هذا شخص يتكلم ويقول انه حضر دورة تغسيل الموتى
وطبعا عشان يكون عندج شهادة معترفة من الاوقاف بغسيل الموتى هذا في السعوديه بس في الامارات ما اعرف اذا نفس الشي
هناك شرطين
اولا حضور الدورة في أغلب دروسها
ثانيا الاختبار النظري والتطبيق العملي على عشر جنائز!! خلال فترة محددة.
ويقول الشخص في وقت الاختبار اذا كانوا 100 شخص في الدوره ينجح منهم بعدد الاصابع الايد لان المساله تكون صعبه ولازم الانسان يكون حاذق لجميع أنواع الأموات بكافة أشكالهم وصورهم (طبيعي - حوادث - حرق - غرق - قصاص - دهس - انفجار - هدم - حروب - أمراض ،، الخ) أو تتحمل هذه المهنة وتصبر على أنواع المشاهد للأموات التي تراها كل يوم.
واقولج ان صاحب الموضوع من الي شردوا لانه ما تحمل
انتي صلي صلاة استخاره وسجلي اذا تحملتي وهذا الي اشوفه ((مثل ما قالت الاخت ان شخصيتج ما شاء الله قويه)) او تشردين مثل صاحبنا
المهم ما تخلين شي في خاطرج لان هذا الي تسوينه مش حرام بالعكس اجره عند الله وااايد
وروى الحاكم في المستدرك عن أبي رافع قال: قال رسول الله صلى الله عليه وسلم: من غسل ميتاً فكتم عليه غفر له أربعين مرة، ومن كفن ميتا كساه الله من سندس وإستبرق الجنة، ومن حفر لميت قبراً وأجنّه فيه أجري له من الأجر كأجر مسكن إلى يوم القيامة. هذا حديث صحيح على شرط مسلم ولم يخرجاه، وأقره على ذلك الذهبي في التلخيص، وصححه أيضاً الألباني

والله يكتبلج ويكتب لكل مشتاق لبيته عمره

**مالي انا** · 2012-02-09, 07:21

الله يوفقج و لا تنسين صلاة الاستخارة
الله يهدي الجميع

**ام حمممد** · 2012-02-09, 07:23

هلا الغالية..
يزاااج الله خيير حبيبتي هذا يدل على قوة ايماانج..
تفكري اختي الحبيبة..
قيل للحن البصري رحمه الله ماسر زهدك فالدنيا؟؟فقاال:
*علمت بان رزقي لن ياخذه غيري فاطمئن قلبي..
*وعلمت بان عملي لا يقوم به غيري فاشتغلت به..
*وعلنت ان الله مطلع علي فاستحيت ان يراني على معصية..
*وعلمت بان الموت ينتظرني فاعددت الزاد للقاء الله..
سبحاان الله الايااام تمر ونحن مافكرنا باعمالنا اللي بتنفعنا يوم القيامه..
اختي اذا كنتي من النوع اللي يتحمل يشوف هالمناظر من الموتى وغييرة فاتخيري واتوكلي ع الله ولج الاجر والثواب بغير حسااب..
اللهم اني اسالك حسن الخااتمة..

**مريم الشحي** · 2012-02-09, 07:54

يزاكم الله خير

والله لا يحرمني منكم قولوا آمين..

عرفت اني بلاااقي من خواتي فالمنتدى الي بتفيدني وبتشجعني والي ماودها اترد يكفيني انها تدعيلي بظهر الغيب

اشكركم من كل قلبي على تشجيعكم وان شاء الله اكون قدها وقدود بحووول الله

والي اتعرف بقوانين دولتنا لا اتقصر فديتكم ^^

شاكره لج يا (مجرد ام) طرحج للنقاط المذكورة في قانون السعودية الشقيقة..

**الأصالة** · 2012-02-09, 08:44

ما شاء الله عليج

الله يوفقج

**♥ Ro0reyah** · 2012-02-09, 08:50

مآشآء آلله عليييج ، توكلي على آلله وآن شآء آلله بيوفقج ربي . .

**ام العباقرة** · 2012-02-09, 09:22

الله يوفقج لما فيه خير لج واستخيري

**روح بلاروح** · 2012-02-09, 10:36

صلي استخاره حبيبتي... و دام أنه هذا اللي تبينه وعندج القدره على هالشي توكلي على الله ولج الأجر بإذن الله

الموضوع: ابا النقاش الطيب وياكم..اكون او لا اكون هذا هو السؤال؟؟؟؟

أدوات الموضوع

عرض

ابا النقاش الطيب وياكم..اكون او لا اكون هذا هو السؤال؟؟؟؟

المزيد من آخر المواضيع من نفس القسم:

المواضيع المتشابهه

ابا اكون..

اتمنى اني اكون خفيفة ظل وياكم خواتي