معااناتي ؟؟؟

**شقااادنياا** · 2012-02-07, 20:20

السلام عليكم ورحمة الله وبركاته

اخواتي الغاليات ...حد مر عليه نفس حالتي

الحمدلله على النعمة ربي لي

الله رزقني بثلاث بنات طبيعيات وولدين معاقين

سبحانالله الولدين كان عنده ضمور دماغ والصرع

الاول توفى كان عمرة 7سنوات
الثاني توفى في عمر 2سنه

سوينا جميع الفحوصات الوراثيه في لندن وامريكا
بس كانت النتيجه سليم ماافي اي مرض وراثي

لما كنت حامل فيهم اكمل تسع شهور وزيااده اسبوعين
مااكان ايني ويع ويطرون يولدوني صناعي
من ايكملون شهرين تطلع فيهم الاعراض ضمور دماغ وصرع
وارتخااء اعصاب وبدا جسميه واعضااءهم تتعب

الاطبااء احتاارو ماعرف السبب كل يقولون لانكم اقارب
بس ماالقو اثبات

المهم الحين انا حامل بولد بس كل الحريم ينصحني اول قيصريه
وماا ارضعه موووول

الحمدلله من بداية حملي وانا اقرا سورة البقره
والرقيه الشرعيه واتسبح بماي مقراي فيه

حاسه ان الله مااراح يضيع تعبي

الرجوكم من مر مثل حاالتي ؟
او سمع ؟

المزيد من آخر المواضيع من نفس القسم:

**امبرطورة بوظبي** · 2012-02-07, 20:50

الغالية انا حملت ما شاء الله ببنت طبيعي وبعدين ولد طبيعي ونفس الشي ولدوني صناعي ولما كمل عمر الولد سنتين وثمان شهور جاله ضمور وصرع ولازال يعاني من الصرع ويشرب اكثر من دواء

ومتعبني وااايد لان عنده ضعف ف الاستعاب والفهم

**طيف الغربة** · 2012-02-07, 20:54

ما عندي اي خلفية عن الامر فديتك بس حبيت ادعيلك يرزقك يارب طفل معافا ويفرحكم فيه ., الله كريم الغالية

**شقااادنياا** · 2012-02-07, 21:05

المشاركة الأصلية كتبت بواسطة امبرطورة بوظبي

الغالية انا حملت ما شاء الله ببنت طبيعي وبعدين ولد طبيعي ونفس الشي ولدوني صناعي ولما كمل عمر الولد سنتين وثمان شهور جاله ضمور وصرع ولازال يعاني من الصرع ويشرب اكثر من دواء

ومتعبني وااايد لان عنده ضعف ف الاستعاب والفهم

اختي الامبراطره هل جربتي تعالجينه بالرقيه الشرعيه
وعن اي دكتور اعصاب تعالجنه
انا كنت اعالجهم عند مستشفى الجراحه العصبيه فدبي
عند دكتور شاطر عراقي اسم سرمد الفهد

**شقااادنياا** · 2012-02-07, 21:06

المشاركة الأصلية كتبت بواسطة طيف الغربة

ما عندي اي خلفية عن الامر فديتك بس حبيت ادعيلك يرزقك يارب طفل معافا ويفرحكم فيه ., الله كريم الغالية

شكرا لج يالغاليه

**يمنات** · 2012-02-07, 22:00

ربي يرزقج الولد الصالح السليم المعافى يااارب
ربج كريم و ان شاء الله بيكرمج
سورة البقره سورة البقره ولا تتركيها يوم
هذا ابتلاء من رب العاليمن و الحمد لله انج راضيه و شاكره نعمه
و ان شاء الله بتلاقي حق تعبج

لو قالو ان القيصريه حل من الحلول القيصريه ما تخوف و الطب تقدم
انا جايبه 3 بعمليه قيصريه و لله الحمد مثلي مثل الي يولدن طبيعي
فلا تحاتين شوفي شو يقلو الدكاتره و اتوكلي على الله
و ان شاء الله خير

**شقااادنياا** · 2012-02-08, 19:10

المشاركة الأصلية كتبت بواسطة يمنات

ربي يرزقج الولد الصالح السليم المعافى يااارب
ربج كريم و ان شاء الله بيكرمج
سورة البقره سورة البقره ولا تتركيها يوم
هذا ابتلاء من رب العاليمن و الحمد لله انج راضيه و شاكره نعمه
و ان شاء الله بتلاقي حق تعبج

لو قالو ان القيصريه حل من الحلول القيصريه ما تخوف و الطب تقدم
انا جايبه 3 بعمليه قيصريه و لله الحمد مثلي مثل الي يولدن طبيعي
فلا تحاتين شوفي شو يقلو الدكاتره و اتوكلي على الله
و ان شاء الله خير

شكرا لج ياا الغاليه
بس هل القيصريه متعبه بعد الولادة

**مملكة القلب** · 2012-02-09, 21:28

السلام عليكم ورحمة الله وبركاته
ماعندي اي خلفيه ع هالشي بس مايمنعني اني ارد واقول ...
ان الله اذا احب قوم ابتلاه ... =)
اصبري واحمدي الله ع النعمة اللي عطاج وكثري من الاستغفاار
وتوكلي ووكلي امرج لله وتاكدي وتيقني من ان الله هو الحافظ هو وليج ووكيلج
اهم شي ايمانج بالله 100% ان الله بيحفظلج عيالج واللي فبطنج ان شاءالله
واطردي الشيطان ووسوسته وكلام الناس .. اهم شي عليج بكلام ربج ترقين نفسج فيه
وعليج بقيام الليل لان الانسان اللي يجاهد نفسه انه يقوم الليل ..
الله رب العالمين يهديه كل اللي يباه ويتمناه =))
توكلي على الله وان شاءالله مابتشوفين اي ضر فعيالج واهلج وناسج وغواليج
استودعي الله لاموووورج وحاياتج وحياتج

(( اللهم اني استودعك زوجي وابنائي وبناتي ووالديه وخواني خواتي وابناءهم واحبابي
وكل من احببتهم فيك وديني وايماني وكل من احببته فيك وخادمتي انك تحفظهم من كل شر
وكل سوء ومرض ووباءوالحسد والعين والحرام والزنا وووو...... يامن لاتضيع ودائعه ))

ادعيلج من ك قلبي ان ربي يحفظج وماتشوفين شررر في غواليج
والسموحة =)

**نهوره** · 2012-02-09, 22:12

لا حول ولا قوة الا بالله
ان شاءالله يكون طفلا معافي من كل شر
والحمدالله على كل شئ

**غلا F** · 2012-02-10, 01:12

الله يرزقج بطفل سليم معافي ان شاء الله

**munamoor** · 2012-02-10, 01:25

عليج يالغلا طول فترة الحمل بسورة البقرة
و الاكثار من الاستغفار ولا تنسين حبيبتي ركعتين الوتر
حتى لو انج يالسه و ادعي ربج و ان شاء الله الياهلين طيور من طيور الجنة

و اذا هي على القيصرية انا يبت بنتي في الشهر الثامن و بقيصرية
لا تخافين ان الله معانا دايم و يسمع دعواتنا لج

**Romanove** · 2012-02-10, 15:32

السلام عليكم ورحمة الله وبركاته

يالله يرزقج طفل صحيح سالم معافى كامل الخلق والخلقة من دون زيادة ولا نقصان

آااامين يا رب

**مملكة القلب** · 2012-02-11, 19:16

ولا تنسين تستخييييري ... والله يحفظكم

**يمنات** · 2012-02-16, 00:53

المشاركة الأصلية كتبت بواسطة شقااادنياا

شكرا لج ياا الغاليه
بس هل القيصريه متعبه بعد الولادة

بالنسبه لي انا الحمد لله ما تعبتني
بقوم بعد اسبوع اشوف بيتي و عيالي
و افضلها على الولاده الطبيعيه و اتمناها لو حملت

و انتي لا تقلقي لو هذا هو الحل توكلي على الله
و ربج كريم
يا ما حريم ولدن بقيصريه وما شاء الله عليهن
في حريم يجيبن تسعه بقيصريه

ان شاء الله تقومي بالسلامه وز تفرحي بمولودج السليم المعافى ربي يحفظه من كل شر

فديتج لا تنسي تطمنينا

**A+k** · 2012-02-18, 22:40

انا بنتي بعد عندها ظمور فالمخ من اول اسبوع من الولادة
انا يبتها قيصري بس يمكن ليش كانت قاصرة ووزنها قليل وايد
الله يشافي كل مريض يارب
بس عليج بالرقية الشرعية لو تسيرين عند مطوع يقرى عليج زين بعد

الموضوع: معااناتي ؟؟؟

أدوات الموضوع

عرض

معااناتي ؟؟؟

المزيد من آخر المواضيع من نفس القسم:

المواضيع المتشابهه

هااذي كل معااناتي في الحياااة ..