الزهبه

[htan]

السلام عليكم ورحمة الله وبركاته

شحالكن يربكن بخييير

عندي استفساااار

انا عرسي شهر 7 ماعرف متى ابدا افصل وازدهب

وشو ابدااابه وشو ااخره


وان شاء الله ماتعبكن معايه

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت الدار2]

وأنا بعد مثلج محتاره وما عندي فكره انشالله حد يساعدنا

[بنت عقيد]

كل ما بديتي بدري كان احسن

[IMarzouqi]

والله انا اشوف انج لازم تبدين لان ما في وقت
لانج مب بسهولة بتحصلين اللي تبينه وابدي
بالملابس الداخلية لان موضتها ما تتغير وااخر شي المكياج والعطور
وسيري معرض العروسة بيفتح يوم الاربعاء
ومبروك مقدما

[mona yousef]

الله يتمملكم على خير

[البرونزاجيه]

مرحبا
انا رايي انج تجهزين ملابس داخليه و عقب كنادير والمخور والمغربيات وعقب البخور والعطور والكريمات وقمصان نوم والروبات لان انا جيه سويت

[InTiSaR PHoTo]

الله يتمملج على خير يارب
وفعلا ابدي من الحين احسن الج
اذا كنتي محدده اليوم والتاريخ
احجزي من الحين الميك اب والشعر والقاعه
هاي اهم شي
وبالتوفيق يارب

[*عواش*]

اول شي اختاري الماكيره عسب تختارين وتسالين على راحتج
تجهيزات القاعه ومحلات كوش ووو


بعدين ابد بالتفصيل يعني مخاوير وجلابيات وجي


وبعدين ابدي باي شي كيفج

[توتـــــه]

اووووول خطوه تحجزين حق المكياج والشعر..

وابدي من الحين فالعنايه ببشرتج وجسمج واذا تبين تروحين مراكز تجميل ..

والذهب دوم تابعي اخباره اول ماينقص على طول سيري اشتري ..

[احتاجك..]

ابـــــــــــــــــــــــــــــــــــــ

[امل التونسية]

موفقة

[عبير الليل]

مثل ما قالن خواتي ابدأي باللانجري والملابس والاحذية والمخاوير...بعدين العطور والمكياج قبل 3 اشهر احجزي فستان وسوي بروفه مكياج ....عسب لا تتوهقين اخر شي....الله يوفقج حبيبتي ويتمملج عخير

[cutyah.87]

مووفقة

[عزة فوتو]

موفقة انشاء الله

[درب الوله]

هلا حبوبه ^__^

انا عرسي ان شالله بعد رمضان يعني بعدج بشويه.. وبقولج نصيحه اخت لج ^__^

شوفي حبوبه انا مب ناويه ابتدي اشتري من الحين واكود.. ليش؟

لاني ان شالله مب ناويه اخم السوق كله مثل ما يسوون بعض العرايس.. بشتري حدود المعقول.. وترى انا ما بسير القمر بعد ما اعرس.. بتم ع الارض ^__*

انا بقولج كيف تخططين:

اول شي احجزي شعر ومكياج.. لانه صعببب تحصلين حجوزات..

ابتدي شوفي موديلات فساتين الاعراس وحددي تبين تفصيل والا اجار.. لانه هذا يبيله شويه وقت.. بس هاااه.. لا تاخذين من الحين.. لانه لين شهر 7 جسمج اكييد بيتغير..

قبل العرس ب 3 شهور.. يعني ع اخر 4 جيه.. ابتدي شوفي قطع للمخاوير و المغربيات وفصليهن لانهن ياخذن وقت وبعد لانه بعدين بيكون جريب العيد فما فيه مجال تخورين..

ع اخر 5 ابتدي شوفي اطقم الملابس الداخليه و قمصان النوم.. ترى ما شالله المحلات تاارسه البلاد وانتي مب اول مره بتدشين مول او محل ^__* انتي اكيد متعوده تشترين من محلات معينه انتي ترتاحين لثيابهم فردي خذي من عندهم.. بس الفرق خذي كللله اطقم .. و طبعا لازم تاخذين العاديات للاوقات العاديه.. ترى العروس ما تبلس 24 ساعه ستيان بو حديد و مفصص ^__*
اخذي لج 12 طقم حلوين لانج بتغيرين كل يوم لااازم وممكن في اليوم الواحد مرتين.. وعاادي فديتج لو كررتي .. شو فيها؟ لا تقولون الريال يلاحظ ومادري شو.. اسمحولي بنات بس اسالوا اي وحده معرسه بتقولكم خصوصااا في بدايه الزواج الريال ما يهمه شو لابسه ولا ينتبه للتفاصيل ابدااا .. كل اللي يهمه شي واحد وكلكم عارفينه فما فيه داعي نتفلسف ونخلي البنت تدفعي الووف مولفه ع اطقم ملابس داخليه ما بتلبس نصهن!! وقمصان النوم اخذي لج 15 طقم جيه بين قصير وطويل.. ونوعي حبوبه مب كله من الغالي.. ترى لو لاحظتي ملابس النوم الرخيصه هي الاكثر اغراء!! فيه ملابس نوم ب 150 وجيه يبيعونهن التاجرات لا يغرج سعرهن رخيص.. بس ع اللبس جدااا مغري.. هذيلا ممكن تاخذين منهن 8 او 9.. ورجااء لا تقولون عروس ولازم كله من الغالي.. ليش منو قال؟؟؟؟ لازم يعني العروس تشتري كل قميص ب 800 و الف عشان تحس انها عروس؟؟ وارد واقول الريال والله ماا يلاحظ.. واللي بتقولي يلاحظ بقولها اكيد انتي اللي نبهتيه!! كبروا عقولكم بنوتات وفكروا انه الريال تعب في بيزاته سنين وانتي تبين تصرفينه في كم خلقه !!

المهم نرد لموضوعنا ^__^

وفي نفس الوقت تكونين خلاص حددتي بخصوص فستان العرس وفصلي او اجري.. لانه بيكون باجي شهرين فمناسب واايد ..
وبعد تشوفين لج عبي تفصلينهن لانه المشكله هالسنه رمضان واايد جريب وتدرين كل ما جرب الخياييط ما ياخذون..

في نص 6 تروحين تاخذين لج كم فستان خفيف ع كم بنطلون.. وهالفتره يكون المهرجان ابتدى فكل مكان تنزيلات.. وارد واقول انتي اكيد متعوده تاخذين من اماكن معينه ردي اخذي من هناك..

بالنسبه للذهب انا حصلت هذه احسن خطه.. لا تشترينه كلللله مره وحده.. لااا هذه اكبر غلطه.. كل شهر روحي السوق اخذي قطعه والا قطعتين.. اولا عشان ما تخترب ميزانيتج مره وحده.. وثانيا عشان جيه بتنوعين.. بس لو رحتي وخذتي مره وحده بتلاحظين بعدين انج ماخذه كله ثجيل او كله خفيف.. فخذي كل فتره شويه..


واي سوال انا حاضره حبيبتي ^__^