بلييييز بنات العين ابي مساعدتكم

**NOOR ALFAJER** · 2012-02-04, 19:12

السلام عليكم ورحمة الله وبركاته

مرحبا خواتي انا ولدي عمره 5سنوات وماشالله الدوله موفره كل شيء الا مدارس حق اطفال التوحد ماشي ومتلوعزه مع ولدي من كثر ما انا ادور من مدرسه لمدرسه لاخليت حكومه ولاخاصه واخر شيء لقيتله مدرسه خاصه وليتني مادخله صار يقلد الاطفال المعاقين في اكلهم ومشيتهم وحركاتهم وهو حليله محتاج بس محتاج علاج نطق واخر شيء دخلته التدخل المبكر اونه حكومي بس يومين في الاسبوع وساعه ولا احيانا هالساعه يدقون تلفون يعتذرون الاستاذ مب موجود وصارلي سنتين اترجاهم مركز التوحد يدخلون ولدي ويقولون زحمه ياناس وين الشيوخ عنهم وبعد ظرابه معاهم قالو لازم ولدي يصير عمره 6سنوات عشان والمشكله انه الولد حالته جدا بسيطه بس المراكز قاعدين ياخرون من دخوووله وتزيد الحاله للاسوء فياريت بنات اذا حد يعرف دكتورة نطق تقدر اتييه للبيت فلوسنا ماتغلى عليه ولكم الاجر فهالطفل الفقير المسكين ابييه بس يتكلم اريد اسمع لو مره وحده كلمة ماما وحسبي الله عليهم هالمدارس الحكوميه اللي ماشيه بالواسطه بس

المزيد من آخر المواضيع من نفس القسم:

**extra** · 2012-02-05, 17:45

عورتي قلبي حسبنا الله ونعم الوكيل

**Romanove** · 2012-02-10, 15:34

**If_Only** · 2012-02-14, 21:40

السلام عليكم اختي ..... والله انا حاس فيج ... انا عندي ولد فيه التوحد و يتعالج في مؤسسة زايد اللي في العين في مركز التوحد الموجود في الخالدية في العين ..... و المشكلة انهم ما يدخلون و لا يسجلون و نحن بالضرابة دخلنا الولد ... انا سمعت عن مركز الامل للتوحد في العين مركز خاص بس ما قد اتصلت او سالت عنه .... لو اترومين اتسيرين بوظبي في المفرق مؤسسة زايد العليا و تقابلين مدير او مديرة المركز و تفهمينهم الوضع و ان شااا الله يتفهمون .... و بالنسبة لاطفال التوحد ... لازم اتكونين صبورة ... لانهم ما يتكلمون بسرعة على حسب قدرة و مزاج الطفل .... ولدي عمره 8 بيدخل 9 سنوات و لين الحين ما يتكلم بس يقول ماما - بابا - مابا - و كم من كلمة .....
اختي اذا تبين اي استفسار راسليني عالخاص
الله يصبرج

**USA Online** · 2012-02-14, 22:03

بالتوفيق اختي بارك الله لكي

**كتكوتا** · 2012-02-14, 22:10

فـي مركز توحـد فـي العين..
وفـي وآحـد فـي ابوظبي ..
بشووف جآن حد يعرفهـ..
لـآنهـ ربيعتيهـ اخوهـآ هنـآكـ ووآيد حلوهـ اللـي في بوظبي..
فيهـآ سينمـآ..و وآيـد مؤهلـآت وتعـآملهمـ اووكي
اول مـآ احصل اسمهـآ بخبرج..

موفقهـ ..

**يمنات** · 2012-02-16, 00:54

**A+k** · 2012-02-18, 22:45

جربي مركز الامارات للتوحد في بوظبي ربيعتي مدخله ولدها هناك وتمدحهم جربي انتي

**قمر عيناوي** · 2012-02-20, 23:04

ربيعتي بعد ولدها فيه التوحد وإلي اعرفه إنها داشته مركز خاص فالتوحد هني فالعين
ربنا يعينها ويعينج حبيبتي ويشفي كل مريض إنشاءالله

**{ .. مذهلــهـ** · 2012-02-24, 21:02

مرحبآ حبيبتي

آختيه آولا لازم تعرفين شو درجة آلمرض عند طفلج /

هل هو خفيف - متوسط - آم حآد ؟

آذآ كآن حسب رآيج محتآج بس علاج نطق، حبيبتي في مستشفيآتنآ توفر معآلجين نطق متخصصين، مستشفى توآم و مستشفى آلجيمي في آلعين يوفرون هآلخدمآت ضمن خدمآت آلتآهيل

بخصوص مرآكز آلتوحد، فآلعين عندنآ وحدة آلتوحد، تآبعة لمؤسسة زآيد آلآنسآنية .. وبخصوص نظآمهم آلمتبع هذآ شي مرفوض ومآ يدخل آلعقل !! .. حآولي توصلين صوتج للجهآت آلعليآ وآلمسؤولين لآن هذي مصخرة .. هم حآطينهم عشآن يشوفون حلول وعلاجآت لآطفآل آلتوحد مب يضيعون وقتهم و آعمآرهم على حسب وقت آلآستآذ متى مآ حب يشرف !!!!! جد جد مصخرة .. لا تسكتون عنهم

آللي آعرفه سيتم آنشآء مركز ثآني للتوحد آكبر من آلوحدة آلموجودة حآليآ، بس لا تتريين وتصرفي

ثآلثآ: دخلي ولدج حضآنة خآصة مؤقتآ، جربي كيدز آر آس + علاج آلنطق ، لين تنحل سآلفة مركز آلتوحد

بآلتوفيق

**يمنات** · 2012-02-26, 23:42

**Umm Issa** · 2012-03-03, 11:06

الله يخليه لج ويفرح قلبج فيه

من فتره سالت سكرتير مركز العين لان ولدي نفس الشي من سنه وهم حاطينه حاله مستعجله بس مركز التوحد مافيه مكان
قالي انهم بياخذون مدرسه هاجر الجديمه وبيسون لها صيانه وبيخلونها مركز لحالات التوحد .. بس يتريون الموافقه
وإذا ما وافقو بيخلون الفصول اليديده اللي بانينهن فالمركز حق التوحد

وقالي ع السنه اليديده بيكون فيه مكان
وان شاءالله خير

**سوارة** · 2012-03-04, 16:49

كلامج صحيح
ولد ختيه عمره 13 سنه وما رضوا يدخلونه والحينه مدخلتنه خاص وما فيه فايده ابد بس شو تسوي ما في حل ثاني في العين
هذا من غير انه ما شي مواصلات لمنطقتها وحطت دريول لولدها ومن غير مصاريف المركز

وين الشيوخ ؟؟؟؟؟؟؟؟؟ ليش ناسين العين ؟؟ مركز واحد بس وما يقبلون الا بالواسطات ؟؟او لازم حالة الولد تكون متاخره ؟؟يعني يا مينون يا ما نقبله ؟؟؟ ولد ختيه بس تاخر في النطق والحينه صار تاخر في كل شي لانه 13 سنه يالس في البيت ..حتى العاقل بهالطريقه يتخبل

**زوجة الملازم** · 2012-03-04, 17:02

في مركز جديد للتوحد في الفوعه
بس للحين ما فتحوه ...؟
ما ادري اذا حكومي او خاص ...؟
الله يكون فالعون
اختي كانت تداوم في مركز التوحد في العين احتياط
وكانت باذله جهدها وايد بس ما شغلوها
والله الاحقيه انها تتوظف فيه لانه عندها خبره
بس الحمدلله الله عوضها بوظيفه امينه كتبه ف مدرسه حذال بيتها
اللهم لك الحمد
وربي يكون في عونج

**Romanove** · 2012-03-04, 21:14

الموضوع: بلييييز بنات العين ابي مساعدتكم

أدوات الموضوع

عرض

بلييييز بنات العين ابي مساعدتكم

المزيد من آخر المواضيع من نفس القسم:

المواضيع المتشابهه

3/7 يوم زواجي بلييييز مساعدتكم خواااتي وبالخص بنات العين :(

بنات العين بلييييز ابا مساعدتكم

بلييييز عندي استفسار وابي مساعدتكم وبالأخص بنات جامعة الامارات ( العين )

مساعدتكم يا بنات بلييييز ادخلوا

بنات بلييييز اريد مساعدتكم