سواال

[Al3'wya]

السلام عليكم

شحالكن خواتي ؟

فديتكن بغيت اسالكن

الحين حصلنا للمشغل اللي بنسويه خياطين

واحد عربي وواحد اسيوي " هندي " كانو قبل يشتغلون فمحل بس سكر

المهم نحن عطيناهم تصميم كل واحد غير عن الثاني وحددنالهم وقت يسوونه جدامنا

الاسيوي كان اسرع ومتقن الشغل بس القياس يسويه اصغر ب2 سم فكل مكاان " يقول لانه ماقص زياده عشان يخيط الاطراف "

اما العربي فكان شغله شي ثاني عن اللي فالتصميم بس ضابط القياسات

المشكله ان الحين نباا حد يخيطلنا عشان ما نخسر فلوس زياده عالخياطه برع
بس هم طالبين مبالغ احسها كبيره العربي طالب 7 الاف والهندي يبا 5 الاف ويبون اليمعه والسبت اجازه وبيشتغلون من 8 الصبح ل3 الظهر

ماعرف اقبل هالشي والا لا ؟!
انا سالت الخياط اللي نخيط عنده قال كل الخياطين اللي يشتغلون عندي من جنسيه اسيويه ودوامهم من 8 ل11 فليل واليمعه من 8ل7 بس يكون
عندهم مثل الشفت ان مره فالشهر واحد يكون يوم اليمعه موجود فالمحل عشان ما يسكر
بس نحن حاطين موظفات حق هالشغله

ووين تنصحوني الاقي خياطين ومن اي جنسيه ؟

انتظر ردكم

المزيد من آخر المواضيع من نفس القسم:

• ابا نصيحتكم ..
• سداد القرض ، القرض الشخصي ، تمويل المشروع.
• أطقم مواليد
• وين القى مخاوير جمله
• مشروع مختص بحقوق المراه
• تصميمات ڤلل و بنايات رائعة
• تاجرة جديدة تبغي فزعتكم
• فرصه عمل مميزه
• طلب من بنات العين
• كيف بدات بزنسي من البيت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[*دلوعه كيفي*]

موفقه الغلااا

[Al3'wya]

تسلمين

اب اب

[راحت أيامك]

أحس الآسيويين أحسن

[بيووو]

الاسيوين احسن .. بخصوص القياس بيتعلم يضبطه
وبخصوص انه يداوم من الصبح لين 3 الظهر هذا يبا يلعب عليج ..
شوفي غيره ولو تيبين واحد ياي من بلاده يديد يكون افضل

[الجازي 90]

من رايي انج ما اجازفين ف ولا واحد فيهم ..
شو الفايده اذا كان الديزاين اوكي بس القياس غلط .. وغير جي انه ما يقص زياده وهذا غلط .. لان لو كان الفستان ضيج وبغيت اوسعه كيف بيوسعه وهو ما في قطعه صغيره عسب يفج الخياطه و يوسعه لي ( اتمنى انج فهمتي شو اقصد )

و الثاني بانه القياس مضبوط بس ما يضبط الديزاين بعد شي مش مقبول .. لانه اذواق الناس تختلف يعني يمكن وحده اجوف التغير راللي سواه حلو ويمكن وحده ثانيه اجوفه كارثه وها الشي بيسبب الاحراج لج لانه الشي مش مضبوط وانتي تبين تكسبين زباين مب تبعدينهم ,, ( وفكره ثانيه لو كان بيغير اي شي ف التصميم يمكن لانه ما حصل القطعه اللي الزبونه تباها اول الاكسسوار اللي تباه حتى لو كانت فصوص ع الفستان بيغير فيه المفروض يتصل بالزبونه ويسالهامثل لو انتي صرتي وفصلتي فستان او حتى خوار لو واجهتي هالمشكلتين عند الخياط شو بيكون ردج - ف حطي ف بالج شو بيكون موقف الزباين عندج )

من رايي اختي انج تكونين صارمه اذا ما عيبج الشغل اللي مسوينه خلاص ما في داعي انج تخلينهم عماله عندج


السموحه اختي يمكن وايد اتفلسف بس هذا اللي انا اسويه مع الخياط اللي عندي


اتمنى لج التوفيق من كل قلبي اختي
شي وايد حلو انج تسالين وتستفسرين وان شاء الله تستفيدين

[أم الأطفال]

لا تستعجلين حبوبه والدوام لازم شفتين الدوام الاول من 8 الى 1 ظهر والدوام الثاني من 4 العصر الى 9 بالليل

ويوم الجمعه من 4 العصر الى 9 فلليل لان اكثر الزباين يسيرون الى الخياط بعد العصر

موووووووووفقه حبوبه

[MAJIDA]

موفقه الغاليه..

[dxbaii]

استخيري

[ليندااااا]

بالتوفيق الغالية

[in My Closet]

الغالية المعاشات الي طالبينها وايد مرتفعه .. انا كنت افكر في مشروع و اتصلت في اكثر من مكتب اسال عن خياطات فلبينيات قالولي اذا السكن و الاكل عليج ( يعني بتسكن و بتاكل عندج) معاشها ١٥٠٠ و اذا السكن عليها و الاكل معاشها ٢٥٠٠ ... و هذيلا يبون ٧٠٠٠ و نص دوام ! عيل هذي بتي دوام كامل و بتكون يالسه عندج

[احتاجك..]

احس فعلا وااايد طالبين
شوفيلج اللي من الجنسية البنقالية احس اوكي

[Um AYa]

السلام عليكم اختي..افضل حل برايي انه ترحين الى مكتب توريد عمالة وتخليه ايجيبلك خياطين ايسويين ..وتختبريهم قبل ان تسويلهم اقامة