كاميرا المراقبة المنزلية

**مزيونة بوظبي** · 2007-08-09, 19:47

السلام عليكم

خواتي اذا ما عليكم امر اريد اعرف المحلات اللي تبيع كاميرات المراقبة المنزلية
ضرووووووووووووووري
واريد محلات مضمونة وكاميراتهم اوكي ما تخترب بسرعة

واللي ما تعرف يا ريت ترد عشان ترفع الموضوع

ومشكورين مقدما

المزيد من آخر المواضيع من نفس القسم:

**meme** · 2007-08-09, 21:17

المشاركة الأصلية كتبت بواسطة مزيونة بوظبي

السلام عليكم

خواتي اذا ما عليكم امر اريد اعرف المحلات اللي تبيع كاميرات المراقبة المنزلية
ضرووووووووووووووري
واريد محلات مضمونة وكاميراتهم اوكي ما تخترب بسرعة

واللي ما تعرف يا ريت ترد عشان ترفع الموضوع

ومشكورين مقدما

هلا حبيبتي انا اعرف حد يقدر يركب لكم نظام تجسس " كاميرا ويوصلها ع الكمبيوتر وتسجل طول الوقت وحتي لو كنتي في الدوام تقدرين تفتحين الكمبيوتر اللى هناك وتدخلين اليوزر والباسورد وتشوفين شو يصير في البيت ومالها وايرات شابكه بالكمبيوتر ومستحيل حد يعرف انها موجوده
اذا بغيتي خبريني ع الخاص وبشوفلج كم يكلف بس مب رخيص وااايد

**مزيونة بوظبي** · 2007-08-10, 00:48

هلا اختي
مشكورة عالرد
بس صعبة تتوصل عالكمبيوتر
لا ما اعتقد اريدها
تسلمين الغالية
----

مافي احد ثاني يعرف من هالمحلات
الله يرضى عليكم ساعدوني
ضرووووووووووووري

**um 3weesh** · 2007-08-10, 01:29

ان شاءلله الاخوات يفيدونج

**عاشقة شقى** · 2007-08-10, 01:49

الغاليه دشي هالموضوع ... يمكن ايفيدج

http://uaewomen.net/showthread.php?t...D1%C7%DE%C8%E5

**مزيونة بوظبي** · 2007-08-10, 02:01

ام عويش .... عاشقة شقى

جزاكم الله خير خواتي

للاسف الموضوع مافيه شي مقنع
وانا اريد كاميرا من شركة مضمونة هي تركب كل شي وعليهم ضمان وكل شي اوكي
يا ريت اللي تعرف ما تبخل علي

**meme** · 2007-08-10, 02:13

هلا حبيبتي انا اللى اعرف ان لازم تتركب ع الكمبيوتر بس مادري
عيل كيف بتشوفين التسجيل ؟؟؟ اذا ماكانت ع الكمبيوتر
هيه عن انسى الكميره تكون مركبه في المكان اللى تبينه ومالها وااااااير يوصلها بالكمبيوتر ومستحيل حد يقدر يعرف انها موجود لانها صغيره وبتصدقين اذا قلت لج ان ممكن تحطينها في عيون الدبدوب والا في القلم ولا في الليت ومحد يقدر يعرف انها موووووووجوده من صغرها

**أم الكندي** · 2007-08-10, 04:11

وأنا بعد بغيت
وبغيت أسأل المجربات عسب يفيدونا بخبراتهن
يعني أتخيل لو حطيت ما اتحمل مثلا ان شغاله تفاتن على ولدي
هل اخبرها اني محطيه كاميرا عشان تخاف وتصطلب والا اتم اشوفها تغلط واسكت ؟
سامحيني اختي صاحبة الموضوع طلعت شوي عن صلب موضوعج ...

**مسك دبي** · 2007-08-11, 04:53

المشاركة الأصلية كتبت بواسطة أم الكندي

وأنا بعد بغيت
وبغيت أسأل المجربات عسب يفيدونا بخبراتهن
يعني أتخيل لو حطيت ما اتحمل مثلا ان شغاله تفاتن على ولدي
هل اخبرها اني محطيه كاميرا عشان تخاف وتصطلب والا اتم اشوفها تغلط واسكت ؟
سامحيني اختي صاحبة الموضوع طلعت شوي عن صلب موضوعج ...

لا انتي امسكي عليها الدليل
لا اتخبرينها
اذا شفتيها ومارمتي تتحملين تسكتين راويها

وقوليلها ترا الكيمرات في كل مكان بس لا اتخبرينها من اول شي ولا اتخبرينها وين

لان لا قدر الله يمكن شفتيها سوت شي انتي ماتسامحينها عليه او يحتاج انج اتراوين الشرطه او اتسفرينها

**صبح وليل** · 2007-08-11, 01:53

+
::::

للرفع وفي انتظار بقية الردود

::::
+

**صبح وليل** · 2007-08-11, 10:25

+
::::

للرفع:::يابوكم كلنا نبا من هالكاميرات

::::
+

**مزيونة بوظبي** · 2007-08-12, 22:44

اختي meme
انتي جربتي هالكاميرا ولا بس سمعتي عنها
-------
ام الكندي
هلا اختي مسموحة
المهم نلقى حل لهالموضوع

اذا اي وحدة تعرف عن انواع ثانية تخبرها والله يجزيها الخير

**أم عزوووزي** · 2010-08-02, 11:45

ميمي انا بغيت من هالكاميرا

انا صراحه ابا احط كيمرا بدون ماتعرف البشكاره اني حاطه

ام الكندي

لا لاتخبرينها لان لو خبرتيها بتعرف ان في هالمكان في كيمرا مابتسوي شي بس بتسوي هالشي برع او اي مكان مافي كيمرا شو استفدتي؟؟؟

حطي ولا تخبرين وان شفتي شي قوووي اشخطيها وسفررريهااا صراحه مالنا غير عيالنا

**رينوار** · 2010-08-02, 12:08

كاميرا من الاتصالات تشتغل على بطاقه الموبايل

كيف ؟

يعني انت تتصلين من موبايلك ( لازم يكون 3G ) الى الكاميرا اللي فيها بطاقه موبايل ( بعد البطاقه اللي في الكاميرا لازم تكون 3G ) واتشوفين وتسمعين اليهال

انا احيانا يوم يرقدون اليهال عالساعه 8 نستغل الفرصه انا و ريلي نروح نتعشى برع طبها خدامتين في البيت عند اليهال بس بعد يتم بالي مشغول عليهم و اخاف اتصل البيت ينشون على صوت التلفون

فأشتريت الكاميرا وحطيتها في غرفه اليهال وكل ما اريد اطمن اتصل عليها و اشوفهم وتقدرين تتحكمين بالكاميرا من الموبايل يعني تلفينها يمين او يسار او فوق او تحت و حت تقدرين تسوين زوم وبعد فيها تصوير ليلي يعني تشتغل بالظلام

وهاشكلها

تنباع في اتصالات و سعرها 800 درهم من دون البطاقه

**نم نم مي** · 2010-08-02, 12:32

اذا كنت في رااك كنت بفيدج
انا مركبه كيمراات للمراقبه ولها شاشه ورسيفر خاااص ومن محل وضماااان مممم ما ادري كم سنه ،،،

•°o.O للــــــــــــــــــــرفع O.o°•

الموضوع: كاميرا المراقبة المنزلية

أدوات الموضوع

عرض

العرض المتطور

كاميرا المراقبة المنزلية

المزيد من آخر المواضيع من نفس القسم:

المواضيع المتشابهه

كاميرا المراقبة

خبرتكم في كاميرا المراقبة

كاميرا المراقبة

كاميرا المراقبة للأطفال؟