طلب مشوره

**•شجےـون الليے** · 2012-01-26, 14:29

السلام عليكم ورحمة الله وبركاته
شحالكم ؟
حيبت اخذ رايكم اثاث غرفت نومي لون اسود
شو تقترحون اصبغها ابا افكار حلوه
لاتبخلون علي

تحياتي

المزيد من آخر المواضيع من نفس القسم:

**بعدهم كلهم** · 2012-01-26, 15:37

هلاااااااااااا اسود شووو تصبغينها خليه بييييييييييييييج ولو تقدرين تصبغين الاثاث ترا فى محلات تصبغ خليه بني
واتمنى لج التوفيق وندخل لون رويان

**shaima_20** · 2012-01-26, 23:14

ان شاء الله حد يفيدج حبوبة ^_^
للرفع

**•شجےـون الليے** · 2012-01-26, 23:23

الكل يمدح فيها وانا بعد احسها كذي احلى ..

اخاف تخترب لو صبغتها بس ابا اعرف شو يناسب ويا الاسود

فكرة اني اصبغ اثاث الغرفه مأجله للمدى البعيد

اشكرج على مرورج ولايحرمني من ردودج عزيزتي

**•شجےـون الليے** · 2012-01-26, 23:29

مشكوره وايد شيمااء على الرفع

تسلمين

**•شجےـون الليے** · 2012-01-27, 02:07

ويييينكم يابنات

ردوو على الموضوع

؟؟؟

**•شجےـون الليے** · 2012-01-28, 01:35

ااااب

اللي تدخل ترفع الموضوع

ابا الكل يعطيني رايه

**oɾoſ sSıო** · 2012-01-28, 02:04

قصدج لون الغرفه يعني

ممم ارجواني / او بنفسجي فاتح
اذا ماعيبج المهم بيظهر حلو اذا اخترتي ألوان فاتحه
وحاولي انج ادخلين وياه استكرات هب ورق جدران يعني مثلا ورود
وجي =]

ان شاءالله اكون افدتج يالغلا

**Nawara_Joury** · 2012-01-28, 03:07

بالنسبة لي اشوف اللون البني المحروق بس مب السادة يكون واااايد حلو وكلاسي ، بس بعد لازم تشوفين قلبج وراحتج النفسية تسيير ويا اي لون دوري الوان الخشب وشوفي على النت عشان تاخذين فكرة وتتصورين غرفتج كيف بتطلع مع اللون اليديد ، ولا تنسين مب اي دزاين يمشي وياه اي لون، فيه الوان تمشي ويا دزاين معين بس ما تكون حلوة مع غيره ، وبالتوفيق حبيبتي

**•شجےـون الليے** · 2012-01-29, 20:17

انا اشوف الصبغ يكون فاتح افضل بس اي الون ما اعرف

البنفسجي بعد معقول.. بس شو رايكم بالبطيخي الفااتح ؟

**حور البحر** · 2012-01-30, 09:32

خلي الاثاث اسود

بس بشرط الباقي كله فاااااااااتح

الصبغ خليه بيج فاتج
او سلفر فاااااااااااااااااااااتح

ودخلي لون ثالث هادي
مثل ازرق فاتح.. وردي فاتح...اخضر فاتح..بنفسجي فاتح
مثلا في الستاره والاكسسوارات والزولية

وابتعدي عن الاحمر والبرتقالي والاصفر

**جــ ورد ــوري** · 2012-01-30, 12:35

مساء الخير ،،،
أتفق مع الأخت حور البحر
برايي أحلى الألوان مع الأسود هي الأبيض مب البيج و السلفر
و تقدرين تكسرين اللون بعدين بالكوشنات و اللوح الجدارية
مثلا تدخلين الاحمر أو البنفسجي

الله يهنيج إن شاء الله

**أريام** · 2012-01-30, 14:38

يمكن تستفيدي مني إذا عجبك ... أن صبغت بيتي جدارين رصاصي خفيف جداً وعليه روسمات بيضاء يعني مثل ورق الجدران أحد الجدران فيه دريشة بكسر الاوان بالستاير .... والجدار الثالث صبغته ابيض وعليه روسمات سوداء .. والجدار الرابع فيه دريشة صبغته ابيض وعلى جانبي الدريشة سويت برواز ورسمت داخل البرواز روسمات سوداء.. وبشتري غرفة نوم سوداء موردن إذا حصلت وبكسر اللون في الستاير والسجاد والكفر والمخدات..

**أريام** · 2012-01-30, 14:47

يمكن تستفيدين مني إذا عجبك ... أن صبغت بيتي جدارين رصاصي خفيف جداً وعليه رسومات بيضاء يعني مثل ورق الجدران أحد الجدران فيه دريشة بكسر الألوان بالستاير .... والجدار الثالث صبغته ابيض وعليه رسومات سوداء .. والجدار الرابع فيه دريشة صبغته ابيض وعلى جانبي الدريشة سويت برواز ورسمت داخل البرواز روسمات سوداء.. وبشتري غرفة نوم سوداء مودرن إذا حصلت وبكسر اللون في الستاير والسجاد والكفر والمخدات..

**YummyDesserts** · 2012-01-30, 16:27

بيج او ابيض
تقدرين تضيفين لمسات بالفوشي او الاحمر
بتظهر حجرتج فخخخخخخمه

الموضوع: طلب مشوره

أدوات الموضوع

عرض

طلب مشوره

المزيد من آخر المواضيع من نفس القسم:

المواضيع المتشابهه

مشوره

مشوره ^_^

ابي مشوره ضروري