سمبوسة غير..على طريقتي..

**Noura80** · 2007-08-09, 11:02

هاي طريقة السمبوسة أسويها دوم فرمضان..وأحيانا أسويها في الأيام العادية..تنفع تلفينها قبل وتثلجينها..ويوم تبينها طلعيها من الفريزر واقليها في زيت حار..

المقادير:

- عجينة باف باستري المقطعة مربعات
- جبنة كيري مربعات
- بيض مخفوق
- زعتر

الطريقة:

أول شيء تيبين مربع واحد من العجينة وتقصينة من الزاوية الأولى لين الزاوية الثانية وتستوي كل حبة مثلث عشان ما تكون الحبة وايد عودة. بس إذا تبينها عودة خليها نفس ما هيه.

خذي نص حبة كري وحطيها في نص العجينة ولفيها. يعني خذي طرف الزاوية ووصليها لين الزاوية المعاكسة بحيث تستوي مثلث بعد وهوسي على أطرافها لين ما تلزق مع بعض وتتسكر عدل. آخر شيء غطيها في البيضة المخفوقة وبعدين في الزعتر واقليها.

هناء وعافية...

المزيد من آخر المواضيع من نفس القسم:

**غلا القلب** · 2007-08-09, 12:02

أكيد بجربها
تسلم إيدج الغاليه

**Baith** · 2007-08-09, 12:16

تسلم ايدج اختي وبعد ماتبرد حطي عليها عليها عسل احنا اناكلها بعسل ومن غير عسل

**حورية الظبي** · 2007-08-09, 15:20

مشكوره الغاليه ..

**جدايل** · 2007-08-09, 15:21

فكرة حلوة بالباف باستري .. طريقتي نفس الحشوة ( جبنة كيري والا المراعي ) تلف في شرائح ورق السمبوسة بطريقة اسطوانية . نحن انثلجها في هذى الخطوة .. ويوم نبي نسويها نطلعها ونخليها تفتر ونغمسها في البيض ثم في الزعتر وبعدين نقليها ..
وبالهنا والشفا....

**وجنة الرمان** · 2007-08-09, 22:19

جزاك الله الفردوس الاعلى

**عقد لؤلؤ منثور** · 2007-08-10, 00:35

**حمده القبيسي** · 2007-08-10, 01:26

مشكووووووورة الغلا..

**نعنونه** · 2007-08-10, 02:32

تسلم اييدج
انشالله نجربها

**ساحرة العيون** · 2007-08-10, 02:50

اول مرة اعرف انه يستوي بالبف باستري اكييييييييد بجرب الطريقة

**دلوعة زوجي** · 2007-08-10, 13:34

وايد سهــــــله الطريقه
وانا اتخبل على شي اسمه بف باستري
فأتوقع بيكون نفس الطعم

يسلمووو الغلا

**سحابة ود** · 2007-08-11, 11:30

تسلم ايدج الغالية ..انا اسويها باشكال مختلفة اشوي بس نفس الفكرة ..
الفرق اني احطها بالفرن ..

**فاطمةالحمادي** · 2007-08-12, 15:49

مشكوووووووورة يالغااااااااااااااااالية ..
ويعطيج ألف ألف عااااااااااااااااااااااافية ..

**دلع930** · 2007-08-21, 18:16

يسلمووو

**%%الألمــــــــاسه%%** · 2007-08-30, 09:18

تسلم اييدج
انشالله نجربها

الموضوع: سمبوسة غير..على طريقتي..

أدوات الموضوع

عرض

سمبوسة غير..على طريقتي..

المزيد من آخر المواضيع من نفس القسم:

المواضيع المتشابهه

سمبوسة لرمضان

ابا سمبوسة >.<

ممكن سمبوسة؟؟

سمبوسة بالفرن...

سمبوسة