فلسفة حريم وخراب بيوت

**رسايل غلا** · 2012-01-21, 02:13

السلام عليكم ورحمة الله وبركاته

كيف حالكن إن شاء الله دائما بخير ؟

مب عارفة كيف ابتدي بس والله اني يوم ادخل هالقسم واقرا بعض الردود ما ادري شو يستوي بي
بس على الأغلب تكون فيني غصة

ردود بعض البنات ترفع الضغط وتخرب البيوت وهن مب داريات عن شي بس الا جيه امشي وانصح ومب مهم شو نتيجة نصيحتك
واذا بتقولن كل وحدة ونيتها اوكي بس رب العالمين قال لنا نتعلم والتعلم من الخطأ زين يعني يوم تعرفين عقب انه نصيحتج غلط ودريها.

اعطيكن مثال:

الحين تيي حرمة حليلها تشتكي وتقول ريلي كله يسهر برى وما ايي الا الساعة كذا....الخ

تييها وحدة الله يسامحها وتقول لها: طنشيه واهتمي بعمرج واشغلي وقتج<<< انزين شو المطلوب من هالجملة تسير تسهر برى مثله ولا شو يعني؟؟؟؟

وحدة ثانية تتشكى من خيانة زوجها شو يكون ردهن؟

اطلبي الطلاق...سيري بيت أهلج... واجهيه شو تتريين... ها زواج مب لعبة << حلفن بس!

يوم هو زواج مب لعبة ليش تقولن لها طلبي الطلاق وتخربن بيتها؟

خاطري أعرف هاللي يردن ويكتبن اطلقي وطنشي<< هاي هواية عندكن مثلاً؟

واذا كنتن مكان اللي تشتكي بتطلبن الطلاق؟

متى بتتوبن وتودرن هالردود اللي مالها داعي؟ شو تستفيدين يوم تنصحن هالنصايح في كل مشكلة؟

اتقن الله في ردودكن واتبعن كلام رب العالمين: " وما يلفظ من قولٍ إلا لديه رقيبٌ عتيد "

وكلام رسولنا الكريم في حديثه: فليقل خيراً أو ليصمت.

اتقن الله اتقن الله اتقن الله

واذا ما تعرفن بشو تردن ادعوا بدعوة حلوة وخلاص أو لا تردن أحسن

أتمنى من كل قلبي اني يوم ادش موضوع ما اشوف هالردود وتكونن عاقلات وردودكن حلوة

لا تتفلسفن وتخربن بيوت العرب

وأتمنى من الإدارة أو مشرفة القسم اذا شافوا مثل هالردود يحذفونهن أرجوووووووكن والله حرام يخترب بيت وحدة بسبة رد غلط.

[ مابا أي رد جارح أو رد بدون فهم الموضوع أو مبررات سخيفة لو سمحتن حبيباتي ]

تقديري

المزيد من آخر المواضيع من نفس القسم:

**مرافئ صمت** · 2012-01-21, 02:36

الله يهدينا ويهديهم
يزاج الله خير

**رسايل غلا** · 2012-01-21, 04:09

آمين

تسلمين عالمرور

**ترانيم المحبه** · 2012-01-21, 08:41

مشكورة رسايل غلا ع الكلام الحلوو معاج حق في بنات ردودهم هدامه

لكن احيانا يكون معاهم حق .. ليش دايما نصبر الحريم ومانقولهم ان الطلاق حل

لين متى في حريم يذلوونهم رياييل !! ليش مو بيت اهلها أكرم لهاا !!

شو فايدة الزواج اذا الرياال ماله دور فيها ؟ ديكوور مثلا

سوري اتفلسفت وايد بس اظن ان البنات فيهم غيره ع بعض ومايرضوون عليهم الظلم

من جي تشوفين في ردود شوي قويه .. مو دايما مايكون معاهم حق

**ذبحهم غ ــرور** · 2012-01-21, 08:49

السلام عليكم
انا اشوف انه في جيه وفي جيه بعض الاوقات يحتاج هالفعل فلازم ننصح وبعض الاوقات لا

واللي عنده فكره يتكلم

مشكوره ع النصح

**ملكة الاحاسيس** · 2012-01-21, 09:22

في عضوات يشاركن بالمواضيع الزوجية وهن. ماعندهن اصلا خبره بالزواج او بعض تحسين ردودهن استفزازية لا اكثر

والي تكتب موضوع لازم تتقبل أراء الاخرين بصدر رحب واكيد بيحصل نقاش ونصح لكن علينا السماع لعقولنا في حل بعض المشاكل

بعض الحريم اتفه المشاكل تكتبها بس نحن لو نقدر ننصح مافي اشكال

والباقي على راعية الموضوع هي باختيارها تقدر تاخذ النصايح الي تجلب لها الخير في حياتها وتعزل المشاركات الغير مفيدة

**رسايل غلا** · 2012-01-21, 11:05

هلا وغلا بنات نورتن الموضوع

ترانيم, ذبحهم...

ما فيه وحدة تنصح بالطلاق ويكون معاها حق ابد بتقولن ليش؟

بقولكن لأنه اول شي ابغض الحلال عند الله الطلاق...وديننا يقولنا خلوا الطلاق آخر حل تفكرون فيه لو عجزتوا تكملون حياتكم بعد محاولات وايد

وسؤالكم ليش في حرمة ريلها يذلها الجواب لازم يكون منطقي

الريال يحب يفرض رجولته عالحرمة لكن مب ذل ما فيه حرمة ترضى بالذل

الرياييل يغلطون والحريم يغلطون ولازم نعدل

في ريال طبعه عصبي وممكن يعصب من اتفه شي لكن حرمته ما تحاول تتحمله بس تزيد عصبيته

في حرمة من اقل كلمة تسمعها تسوي مشكلة ما تستوعبها الكرة الأرضية

من انخلقنا ونحن نعرف ان الريال يفكر بعقله والحرمة تفكر بقلبها وعواطفها

قولن لي جد شفتن ريال ساير عند ربيعه يشتكي ويقول حرمتي عصبية وقالت وقالت ولا حرمتي تسهر طول الليل عند اهلها وترد متأخرة!

ليش الريال ما يتشكى كثر الحرمة فهالسوالف؟ وليش اذا اشتكى ما فيه ريال يقوله طلقها وحتى لو كان الرد الأغلب اتزوج عليها, لكن نادر جدا ما يطري الطلاق واذا هو عاقل والله هادنه بينصحه بنصيحة حلوة او يدعي لهم

الا نحن في كل رد الانفصال والطلاق والتطنيش ....الخ

ملكة الأحساسيس

وياج في كلامج بس في حريم ما يعرفن ويجربن اي شي ويخترب بيتها بدون وعي منها,

لهالسبب نقول لحد ينصح هالنصايح

تسلمون عالمرور الحلو

**songbird** · 2012-01-24, 13:39

أنا بخبركم شي بس لحد يزعل أنتو الظاهر مبتعدين عن رب العالمين ليش بدل ما اقعد افكر وخلي غيري ينصحني بنصائح مرات خراب وحن مثل العجوز الحنانة قومي بالليل وصلي ودعي لج ولريلج كل يوم بالهداية واوقات الاستجابة كلنا مرينا بمشاكل زوجية الحمدالله بسيطة بس بالدعاء والإلحاح الحمدالله والله يوفق الجميع ويستر أموركم

**مس UAE** · 2012-01-21, 14:49

من وجهــة نظري .,..
كل وحده مجرد تفتح موضوع وتطرح مشكلتها الزوجيــهـ لازم تحط في بالها انها مجرد تسمع رأي البقيــة ..
لكـــن مب شرط يكون حتى في المنتدى يمكن خارج المنتدى ...والحرمـــة هي الوحيده الي تقدر تقرر ...لانها ادرى بحياتها بكل ظروفها ومشاكلها ....نحن نسمع من طرف واحد والي علينـــا ننصح بالي انقدر عليهــ ...بخصوص انه اطنش زوجها ....اعتقد الي يقرأ وايد عن كتب الحياه الزوجيــهـ ...بتحصلون من ظمنهم فنون كيف الزوجه ممكن تتجاهل بعض اخطاء زوجها ...لانه لو كل صغيره وكل كبيره سوت منها مشكله ...اهنيه الزوجه تكون هي حطت عمرها في مشاكل مالها اي لزمــهـ ...خاص بعض المشاكل الي اساسها امور بسيطه ويمكن تكون تافهه بعد ....
واعتقد كل وحده اطلقت يرجع القرار لها اولا واخيرا ..محد يجبر حد ع شي حبوبهـ ...

**فراولة حامضة** · 2012-01-21, 14:58

كلامج صح بارك الله فيج اختي

**ام رشوودي** · 2012-01-21, 15:02

الله المستعان

**امـ شموه** · 2012-01-21, 15:20

انا بصراحه يوم انصح حد اقول لو انا مكانها شوووه بسوي صراحه انقهر عليهن فديتهن بعد هن ما يستاهلن الله يساعدهن يا رب <بنات الي بيوجهلي كلام ع الخاص >مشكووورات

**لأنني مختلفة** · 2012-01-21, 16:33

انا ما يرفع ضغطي الا اللي تعطي حلول تحسين هي لو كانت مكان الحرمة ما بتسويها..

معاج والله ..
الله يعين الصراحة

**ام محمد 9119** · 2012-01-21, 16:38

لا اله الا الله

**سواحل** · 2012-01-21, 20:00

موضوعج عشره على عشره

الزواج بناء من الصعوبة أن نتساهل في هدمه لذلك حتى في الدين الاسلامي تدرج في الفراق

بعض الاخوات ما تمتلك الحكمة في وزن الموقف

ومهما بلغ حجم المشكلة واجب من تقرأ تهدي صاحبة المشكله بذكر الله والهدوء

وجزاج الله خيرا لانه فعلا من متابعتي للمشاكل فيه ردود تهد جبال مب بيوتلا ومقهورات بعد ههههههه

نسأل الله صلاح بيوتنا جميعا

الموضوع: فلسفة حريم وخراب بيوت

أدوات الموضوع

عرض

العرض المتطور

فلسفة حريم وخراب بيوت

المزيد من آخر المواضيع من نفس القسم:

المواضيع المتشابهه

حريم فريج بيوت عود المطينة وينكم

بيوت حريم في الشارجة وعيمان دبي..

حريم عيمان واللي يبنن بيوت

حريم بيوت عود مطينة

حريم بيوت عود المطينه تعالو ...اجيو دغيه