انا ضايعه

**هزووفه** · 2012-01-18, 11:32

يارب ايسر اموركم ويحنن قلوبكم على بعض

**الوزيره7** · 2012-01-18, 11:37

كثري من الاستغفار والصلاة اخر الليل ..... وزيدي من اهتماماج لنفسج وعيالج وبيتج يمكن الريال شاف شي في الطرف الثاني مش موجود عندج حاولي تغطين وتملين حياته بأسلوب الحرمة المحبة لريلها والله يهديه لج امييييييين ؟

**أم خالد الحلو** · 2012-01-18, 11:46

هلا الغالية
لا تفتحيله سالف الطلاق ولا تيبين طاري

بيعرف هذا نقطة ضعفج وبيستغل هالشي لوقت الحاجة

طنشيه وحاولي تعيشين حياتج لاسعاد نفسج أولاً ثم لعيالج ..

اسكتي عنه وأدي واجباتج في البيت كزوجة وأم ومربية لعيالج
لا تخلينه يشوف اي زلة من صوبج .. ادعي واايد واستغفري

وان شاء الله بي يوم بعرف قدرج وبيتغير

اصبري لاجل عيالج حبيبتي

والله يهدي النفوس ان شاء الله

**مبتسمةمتفائلة** · 2012-01-18, 11:50

هلا الغالية
لا تفتحيله سالف الطلاق ولا تيبين طاري

بيعرف هذا نقطة ضعفج وبيستغل هالشي لوقت الحاجة

طنشيه وحاولي تعيشين حياتج لاسعاد نفسج أولاً ثم لعيالج ..

اسكتي عنه وأدي واجباتج في البيت كزوجة وأم ومربية لعيالج
لا تخلينه يشوف اي زلة من صوبج .. ادعي واايد واستغفري

وان شاء الله بي يوم بعرف قدرج وبيتغير

اصبري لاجل عيالج حبيبتي

والله يهدي النفوس ان شاء الله

**حدي حبوبه** · 2012-01-18, 12:55

دامه ساكت ليش تهتمين انتي بعد اسكتي ولا تهتمين ..انشغلي عنه سوي أي شيء اشغلي نفسج كوني قويه .انتي تقدرين تغيرين ريلج باسلوبج الخاص والله يفرج همج لازم تصيرين قويه مو ضعيفه ومكسوره صدقيني بتضعفين .واهم نقطه لا تناقشين ريلج عن الطلاق كوني ذكيه.والله يهدي ريلج ويصلح بينكم يآرب

**_أم عبدااله** · 2012-01-18, 14:18

أول شي عزيزتي كثري واااااايد من الاستغفار لانه فعلا له مفعول سحري في جلب السعادة
بعدين لازم تقتنعين ان السعادة انت تصنعينها لا ريلج ولا غيره راح يجلب لج السعادة وتمشين على هالاساس والريال اذا ما شاف سعادته في بيته عادي يدورها برا.

ولازم تقنعين نفسج بعد بنسيان اخطاء زوجج ودايما تحاولين تحطين ايجابياتها جدامج - هذا الشي عشان تهدين نفسيا وبعدين تذكري ان رياييلنا بشر موملايكة وريلج يمكن يكون احسن من غيره وايد

رب العالمين يقول (لا يغير الله ما بقوم حتى يغيروا ما بأنفسهم) ... ابدي بعمرج .. سوي لوك يديد .. غيري في البيت وحجرة النوم .. سوي اي شي فيهم عشان تحسين بالتغيير.
غيري اسلوبج وياه .. خليه يشوف الدلع والحنان والاهتمام .. ابدا لا تييبين طاري الطلاق حتى بينج وبين نفسج .. عطي عمرج رسائل ايجابية .. انا سعيدة .. انا زوجة ممتازة .. انا كلي انوثة واغراء .. ريلي ما في منه .........

دوري على موضوع انماط الشخصية في النت وتعرفي على سمات شخصية زوجج... قعدي مع نفسج وتذكري كل شي صار وحلليه وفكري فيه زين..عشان تعرفين اخطائج وما تكررينها

خله يشوفج دايما مفرفشة حتى لو كنت متضايجة فرفشي - العبي ويا اليهال جدامه خليه يحس ان انت سعيدة وغيييير

خلي لسانج عسل دوم وما تطلع العيبة منج ودوم كلامج وياه ان شاء بو عيالي ... تامر ولد عمي .......
لا تستعيلين في النتايج ولا تهتمين اذا حاول يحبطج ... استمري وصدقيني انه راح يحترمج ويقدرج اكثر

حطي في بالج ان اللي تسوينه تطلبين فيه رضا رب العالمين وعشانج انت ,,, ولا تنسين الدعاااااااء
والله يسخره لج يا رب
واذا محتاجة اي مشورة حاضرين

**فراولة حامضة** · 2012-01-18, 15:03

اختي اكثر الرياييل يغلطون بس المشكله انج لما تكشفينه كيف تصرفتي هل قعدتي معاه وكلمتيه بهدوء والا فضحتيه جدام الكل او هل يلستي تحسسينه ان هالشي يجرح ولو انتي اللي كنتي خنتي شو بيكون موقفه والا تميتي تعايرينه بعدين الله يحفظج كلمه طلقني تراها مب شوي والأغلب تلقينها تقول لريلها حزت المشكله طلقني لو انت ريال هذا شي غلط الله يحفظج ويحفظ عيالج وريلج وبيتج انتي دام سكت احين خلج هادية وسكتي عنه وانشا الله يهديه

**R.me** · 2012-01-18, 15:16

ام عبد الله ردج ما شاء الله جداً جمييل بس بضيف عليه شيين

لا تسيرين بيت اهلج لو صآرت مشآكل الله يبعدها عنكم = من تجربة بنت في المنتدى كتبت عنها
واقري مقالة نآعمة الهاشمي عن قصة الزوجة اللي ريلهآ كآن يخونها مع موظفه عنده في بنت نزلتها في المنتدى من زمآآآآآآآآآن بس وآيد مفيده

الله يصلحج إنتي و ريلج يا رب

**بسمة فجر** · 2012-01-18, 15:31

حبوبة أولا الله يفرج همج و يسر أمورج
تعرفين عزيزتي هذا الموضوع وايد منتشر كل ما ادخل المنتى لازم احصل وحدة متظاربة ويا ريلها
و حتى من الناس اللي اعرفهم
و أنا نصيحتي الدائمة لهم كلهم و لج حبيبتي ( تقربي إلى الله)
نعم تقربي الى الله و ادعي في صلاتج و خاصة في قيام الليل انه يهدي زوجج
و عامليه مثل ما يحب كل زوج ان زوجته تعامله بما يرضي الله و رسوله
و أهم من كل شي الصراحة
بالتوفيق حبيبتي

**7780karamil** · 2012-01-18, 15:33

اللللللللله يسخركم لبعض ... ويهدي سركم ويسعدكم سوا
ما شاء الله الخوات ما قصروا ... كل نصايحهم مفيدة بس احس ان اول خطوة هي اصعب خطوة

ممكن تسهليها حبيبتي على نفسك وعليه ... لو رحتوا بسفرة صغيرة او حتى خذتولكم كم يوم باوتيل تغيروا جو البيت والروتين وتصفوا النفوس ... وبعدها حطي لك خطوات للتغييييير وانت اللي لازم تمسكي زمام الأمور بهالتغيير .. علشان لو كان في اي مؤثر خارجي تكوني انت الأقوى .. وتسطري عالامور ... وبعدين عبي عليه وقته كامل لك وللعيال والبيت .. واستهلكي كل طاقته وماله لصالحك علشان ما يكون عنده ميزه تخلي غيرك يطمع فيها...

وما تنسي تطمنينا عليك حبيبتي ... ربي يوفقك يا رب ....

**نونه دلوعه** · 2012-01-18, 15:58

للرفع

**بنت الكريم** · 2012-01-18, 16:06

ماقصرتو خواتي يزاكم الله الف خير وان شاء الله ربي يحقق الي في بالكم يارب

**غالي حبي** · 2012-01-18, 17:06

احس حياتج يبالها ترتيب

سالفت انج اطنشينه بس مب جايبه نتيجه للاسف المفروض يوم اطنشينه يكون لج هدف ان تخلينه يركض وراج مب هو يسير عنج بعيد..

طنشيه بس لبيله كل طلباته ..

وحاولي انكم تحلون مشاكلم خارج البيت اطلعي وياه فالسياره لا تتجاتلون وتاقشون مواضيعكم جدام الصغاريه..

سيروو عالبحر واتكلمووو كل واحد يصحح غلط الثاني ويشوف شوو يباا من الثاني انه يغيره

وسالفت الخيانه لا تواجهينه هوو بس واجهي البنات الي هو يرمسهن مره مرتين ثلاث هو روحه بيخاااف من انج تسوين مشكله لاي بنت

بعدين الصبر الصبر الصبر

اصبري دام انه ما يمد ايده عليج اصبري والخيانه لازم بيتعلم منها درس صدقيني درب الحرام ما يتم

**يسرا ام نوف** · 2012-01-18, 17:23

الله يفرجها عليج حبيبتي

**مها الصغيرة** · 2012-01-18, 19:43

الله يسخر ريلج لاهله وعياله يارب ويبعد عنه الحرام يارب العالمين.

الموضوع: انا ضايعه

أدوات الموضوع

عرض

المواضيع المتشابهه

اغراضي ضايعه

الحرمه اللى ضايعه

بنت ضايعه (( عورتلي قلبي ))

انا ضايعه بين كتب الثانوية