لون بنتي غريب

**وين اروووح** · 2012-01-17, 00:02

مرحبا

انا صارلي ووالدة عشرة ايام ولدت بنتي في الاسبوع 27 واالحين هي في الحضانه بس من يوم انولدت للحين لونها أحمر على أسمر مادري لون غريب ماعرف هل هذا شي طبيعي ولا لا، بليز اذا حد يعرف اي شي يفيدني والله أحاتي، لما سألت الدكتور قالي هذا لونها يقصد انها سمرا بس انا بيضا وابوها اابيض مادري ماحس انه سمار احس انه لون غريب، الاطفال اللي ف الحضانه الوانهم طبيعيه الا هي بس انا اطمن نفسي اقول هم كلهم بعد 32 اسبوع هي الوحيده اللي وايد صغيرة فماأدري... بليز ابي حد يطمني بس عن تجربه او خبرة.

والف شكر

المزيد من آخر المواضيع من نفس القسم:

**ضياء الايمان** · 2012-01-17, 00:38

لا تخافي حبيبتي نفس لون ولدي كان مثل بنتج ونحن بيض بيتغير مع مرور الوقت بس اتأكدي انها سليمه مافيها شي والله يخليها لج ولابوها

**تعابير طفلهـ** · 2012-01-17, 00:44

هاا طبيعي .. بالعكس انا معظم البيبهات اللي اشوفهم جي لونهم فالايام الاولى

وولدي كان جي .. أحمر وبالصور يظهر جنه أسمراني من كثر حمار لونه واحين ماشاءالله ابيض

بس فالايام الاولى او حتى بالشهر الاول..لا تحاتين

وربي يحفظ لج بنوتج^^

**وين اروووح** · 2012-01-17, 00:55

الله يطمن قلوبكم ويحفظلكم عيالكم...... الف شكر خواتي

**أمـ سـعـيد** · 2012-01-17, 01:07

عادي فديتج
انا كنت توام
وكنت صغيره وايد وامايه تخاف تقول لوني بس مجرد ماحرك ايدي اصير حمرااااااا وهي تتروع
مثل ماقلتي كنت حمرا على سمرا .. بس تعالي شوفيني عاديه حنطاويه

**وهج الإمارات** · 2012-01-17, 01:26

اولا الحمدلله عالسلامه وسلامة الطفل .. والله يبلغج فيه يااارب

الغاليه انتي ولدتي قبل موعدج بوايد .. يعني الطفل يكتسب اللون الوردي فالشهر التاسع

كل مولود خدج يكون لونه جذه مثل الجلد الاحمر الضعيف الحساس .. وتوقعي يستمر هالوضع لين كم شهر .. لين يكتمل نمو الطفل وتزيد عافيته ان شا الله

لو دورتي صور خدج فالنت بتشوفين انهم نفس ولدج .. وفي اطفال يكونون مكملين مدتهم مع ذلك يكونون حمر بس اكيد مب نفس الخدج .. *

**emaniii** · 2012-01-17, 01:51

حبيبتي لا تحاتين وانشالله كل شي سليم
الله يحفظها ويحميها يارب

**اشتقت لك** · 2012-01-17, 06:46

انا بعد بنتي كانت جي حمرا ولونها اسمر ومحد عنندنا بهاللون .. واستمرت فتره لبعد الاربعين تقريبا وبدت تفتح والحين ديت قلبها رد لونها نفسنا .. وفديتها نسخة من امها ...

الله يفرحج بشوفة بنتج تحبي وتمشي ولا تركزين على هالاشيا حبيبتي .. الله يحفظها لج

**احتاجك..** · 2012-01-17, 07:47

ابببببببببب

**وينك ؟؟؟** · 2012-01-17, 07:53

الحمد لله على سلامتكم إختي

إنتي والدة في الإسبوع 27 من الحمل يعني بنتج بعدها وااااايد كان يبالها لين ما يكتمل نموها في بطنج

وبمااا أنها طالعة قبل موعدها يعني شي طبيعي يكون لونها أحمر وغريب

قولي الحمد لله والشكر له إنج ما خسرتيها عقب تعب 27 اسبوع

اهم شي الصحة والعافية وان شاء الله تكبر وتطلع من الحضانة وتشوفيها كاملة بلا نقصان بإذن الله

**اسومه الدلوعه** · 2012-01-17, 08:34

بنت خالتي يوم ولدج في نهايه السادس تقريبا كان لون ولدها جي بس لان مب مكتمل لكن يرد لونه لا تحاتين

**ليندااااا** · 2012-01-17, 08:50

الحمد لله على سلامتج
عادي كل البيبيات يجون جيه خاصة انه بنتج جبتيها بعد الاسبوع 27
المهم انها اوكيه وما عندها امراض الحمد لله وكلها شهر شهرين ويصير لونها طبيعي
الله يحفظها لكم

**وين اروووح** · 2012-01-18, 16:46

مشكورات خواتي على ردودكم الله يطمن قلوبكم مثل ماطمنتوني ويحفظلكم عيالكم وكل غالي على قلبكم

**ام بطيان** · 2012-01-18, 18:33

هذاا شي طبيعي لانهااا قااصر ووايد صغيره، الله يحليهاا لج يا رب

**الدانــة** · 2012-01-19, 00:40

الحمدالله ع سلامتج وسلامة البيبي..
لا تحاتين اختي هي مب مكمله اسابيعها كاملة ربي يحفظها..
حتى اللي يكملون يكون لونهم جي اول كمن اسبوع..
وبعدين بتحسين كل فترة بلون مرة بيضا مرة تسمر شوي..
البارحة كنا نرمس في هالسالفة..
ربي يقر عينج بها وتكون بصحة وعافية ان شاء الله..

الموضوع: لون بنتي غريب

أدوات الموضوع

عرض

لون بنتي غريب

المزيد من آخر المواضيع من نفس القسم:

المواضيع المتشابهه

شئ غريب ... والله غريب... تعالوا شوفوا وقولو رايكم

أشياء لا تعلمها يستطيع جهازك النقال فعلها غريب غريب غريب ..

العثور على حيوان غريب بعوالي‏...((صدق غريب ))

ويه بنتي فيه بياض وسمار غريب..!!

اليوم شفت شي غريب لالالا سمعت شي غريب