سآآآعدوني :( بتخبل

[موناليزا~]

السلام عليكم

بنات انا مب محصله حد يوديني الشغل شغلي بعيييييييد عن بيتنا ساعه ف الدرب يااااااربي محد حاس فيني اتلعوزت والله الحمد لله ع كل حال يارب ادعولي ربي يسهل عليه ف هالفتره ( فتره التدريب ) ويبعد عني شر الموظفين والمدراء والنااس يارب

.. ابغي دريوليه سعرها مناااسب الله يخليكم الي تعرف لاتبخل عليه اللي عندي من شهر وانا وياها بس شووو مشكلتها تااااااخذ مني واااااااايد 3000 وفوق كل هذا سيارتها مب لين ذاك الزود و زااائد انها تاااااخرني عن دوامي اتوصلني 8 و عشر 8 و 12 ويييييييييين تبى واااااااايد عندنا يشددون على الوقت والحضوووووور بالدقااااااايق والكل يقولي انها تاخذ وايد ولا بعد كانت قبل 4000 عقب اختي رمستها وخلت السعر ب 3000 والكل يقولي غاليه وودريها ودوري غيرها وتكون ملتزمه

امس وصلتني الدوام الساعه 8 و 10 وانا لازم اكون 7 و 55 بالكثيييييييير يوم قلتلها تعالي لي من قبل 6 وشي حطت علي وقالت انتي ماتطلعين من بيتكم بسرعه حسبي الله ونعم الوكيل جايفتني صغيره ومحتايه قالت بستغلها وباخذ منها بيزات وفوق كل هذا سيارتها دوووم بااااااااارده وتفتح الدريشه ع الاخر انا مب اجنبيه والله راكبه وياها انا بنت يعني وين تبى تفتح لي الجامات كلهن ؟؟ ويوم اقولها بردانه صكرتهن وفتحت لي المكيف وحطته ع اخرررررر درجه جنه غياااااااض فيني

المهم اسفه ع الاطاله بس والله مب رايمه ارقد افكر وايد باجر ف اي وقت بعد بتوصلني وشو بعد من حركات بتيلس تسويلي مع انها زينه وخلوقه بس تاعبتني من هالنواحي اللي ذكرتهن فوق

خلاصه كلامي اللي تعرف دريوليه من دبي تاخذ من 1500 - 2000 تخبرني ويكون سعرها مناااسب وياليت لو تكون من مكان قريب ف القصيص ولا المحيصنه

وربي يفرج كرباتكم دنيا واخره

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي