لبس الولاده

**ذابحهم غيابي** · 2012-01-15, 22:48

كروشات شحالكن
انا اول مره احمل واحين بدش التاسع وافكر فالولاده لان اسمع ان مايسترون علينا وكل الي يدش يشوف والظهر برع وبدون كم والريول كلها برع والشعر مايحطوله طاقيه او شي ليش والجانب يسترونهم مع انهم مب مسلمين ونحن جي
يعني ماله داعي جي يكون اللبس ابا اعرف اذا اقدر احصل لبس للولاده ساتر للظهر والايد وبس يطلع عند المكان المطلوب مابا حد يقولي انتي وقتها مابتحسين ومابتفكرين بليز الي تعرف تقولي انا برربي فمستشفا كند الراحه الي فالعين

المزيد من آخر المواضيع من نفس القسم:

**استغفر ربك** · 2012-01-15, 22:53

يا اختي ما حد يتكشف علينا غير اللي يولدونا ..

واذا حد مر يغطونا بشراشف ويخلون الباب مسكر مب مشرع لا تشلين هم الغاليه ..

**USA Online** · 2012-01-15, 22:53

بالتوفيق اختي بارك الله لكي

**$strawberry$** · 2012-01-15, 22:54

الله يسهل عليج ياارب وعلى كل الحوامل

عادي فديتج ترومين تاخذين لج اللبس اللي ترتاحين له هم ما بجبرونج تلبسين لبسهم
ثاني شي حتى لو لبسيته ترى ايبون لج اثنينه يوم بتقومين للحمام او شي تلبسين الثاني بحيث انه يغطي الظهر من ورى
وشقايل بيدخلون عليج رياييل اصلا لازم بيستأذنون منج قبل يعني اذا شي دكتور تخدير ولا غيره عسب تتغشين زين

**عنودان** · 2012-01-15, 22:58

نفس ما البنات قالوا

**ام مـحـمـد** · 2012-01-15, 23:10

هلا الغلا بالعكس مستشفى الواحه من احسن المستشفيات حق الولاده وانا لي ثلاث ولادات عندهم والحمدلله ما في شي من الي قلتيه انهم يتكشفون علينا بالعكس يعطونج كل الخصوصيه واذا لا قدر الله استوى في عمليه يخبرونج انه مال التخدير بيدخل عليج او اذا في دكتور بي يشوفج لاني انا مجربه ولا يمكن اخلي هالمستشفى الصراحه لو بتم اتكلم ما اوفيه حقه.......
وان شاء الله تكونيين استفدتي من كلامي .....

**اسرار الطبيعه** · 2012-01-15, 23:52

الله يسهل علييج

**الــمــدلــلــه** · 2012-01-15, 23:56

الله يسهل عليج ويقومج بالسلامة

أنا ماعرف عن المستشفى اللي بتربين فيه بس في مستشفى الكورنيش في بوظبي يلبسونج لبسهم وقت الولاده ومحد يدخل عليج يعني خصوصيه تامه... وعقب ما تطلعين من غرفة الولادة وتسيرين غرفتج ترومن تغيرين ملابسج على طول

**ذابحهم غيابي** · 2012-01-15, 23:59

تسلمون خواتي الي ردن علي
بس ماتعرفن محل يبيع لبس للولاده

**أمورة** · 2012-01-16, 00:12

مثل ما قالن الخوات

ترومين تودين معاج شي كمه طويل و لين الركب

تي شيرت بجاما مثلا

اللي يريحج

و اصلا بيغطونج طول الوقت بشرشف لين الولاده و يطلع الراس يرفعونه عشان يشوفون و ساعدونج

و بخصوص الشيله ودي معاج شيلة بيت قطن عادي

محد له خص يجبرج على شي

و الرياييل ما يدخلون منيه و الدرب

لا تحاتين و الله يسهل عليج

**أمورة** · 2012-01-16, 00:20

المشاركة الأصلية كتبت بواسطة ذابحهم غيابي

تسلمون خواتي الي ردن علي
بس ماتعرفن محل يبيع لبس للولاده

الغاليه انتي وايد تفكرين

ماشي محل يبيع لبس ولاده (^^)

بس ترومين تلبسين اشياء مثل جيه يكون لين الركب او تحتهن شوي (مب طويل وايد لانج بتتلعوزين و تلعوزين اللي يولدونج)

تحصلينهن في محلات البجايم و بي اتش اس و ماركس اند سبنسر و غيره

خذيلج شي يكون فطن ثجيل شويه لانه الوحده تبرد وايد بعد الولاده و نزف الدم.

لا تفكرين وايد في الموضوع شكلج بجر (^^) كلنا كنا جيه نستحي بس تصرفنا لبسنا شي ساتر ولا حد شافنا لين الولاده بس اللي تولد تشوفج

**Dubai designer** · 2012-01-16, 00:30

الحمدلله ربيت مرتين وعمري ما اتكشفت بهالصورة الا للي ولدوني وهالشيء بيتم اكيد غصبا عني
وصدقيني ملابس المستشفى للولادة هي الافضل بتاخذين راحتج فيها وبتقدرين تتنفسين أثناء الولادة وكلها فترة زمنية بتمر واتغيرين وتلبسين ملابسج اللي يبتيها معاج وترتاحين إن شاء الله

**اماني سيف** · 2012-01-16, 00:30

للررررررررفع انا كنت افكر بنفس الموضوع لوووول

**CALA_LILY** · 2012-01-16, 01:35

الله يسهل عليج

**حبوووبة** · 2012-01-16, 01:42

الله يسهل عليكن ..

الموضوع: لبس الولاده

أدوات الموضوع

عرض

لبس الولاده

المزيد من آخر المواضيع من نفس القسم:

المواضيع المتشابهه

فديتكم خل نستفيد من اللي سبق لهم الولاده .. عن موعد الولاده هل كان بحساب آخر دوره أو

؟؟؟؟ ليش الولاده الاولى يخيطون وو الولاده الثانيه ما يخيطون؟؟؟؟

ماي الياهل يوم يفتح قبل الولاده أو أثناء الولاده .

عقب الولاده