محتاجه نصيحه

[ولاعه]

السلام عليكم ورحمة الله وبركاته

عندي مشكلة مع زوجي....وودي حد يساعدني ويشووووور عليه شووو اسوي

احن متزوجين من 10 شهور تقريبا...وحالتنا المادية تعبانه جدا من ديون العرس وبفضل رب العالمين
حصلت على وظيفه من شهرين
داومت وربيت رزقني الله بولد عسى الله يخليه لي
المهم نزل راتبي وريلي مسدد تقريبا جميع الديون الخارجية وباقي له اشياء بسيطه
قلت له خل لي من الراتب 10000 درهم ...مايخصك فيهن والباقي لك.....قال اوك
المهم خلص 12000 في يومهن ورد عاللي عندي...وماقلت له شي خليته على راحته ماقدر اضايقة
وذكرته ان عندي مناسبة لازم ماعاد يصرف من فلوسي ..وفعلا ماعاد خذ شي(((بطاقة البنك عنده)))
والبارحه امي كانت عندي خلص رصيد تلفونها وقمت حولت لها عن طريق البنك 50 درهم
ويوم رد البيت يا فتح تلفوني قال ليش متصله للبنك
خبرته الصراحه...
النتيجة لعن اصلي وقال ليش ماقلتي لي وهذا حقي وانتي...وانتي....مارديت عليه
عقب ماخلص كلامه
رحت الغرفه وخليته...قال انتي ماتعبريني وحاطتني كرتون عندج
وحذف عليه بطاقة البنك خليتها طايحة لين الحين ماصكيتها....
وتم يدعي عليه بالموت ويتحسب عليه...لانه يعتبر هذي سرقه+تطنيش لاني ما ارد على كلامه
الحمدلله اقدر امسك اعصابي واكووون هادية
واقدر ارد بعد عليه بس اعرف النتيجه..لان كلامي مابيكون وايد بس بيكون قوي وبيتنرفز ...وبيوصل للضرب
وفعلا هذا اللي صار الضهر
يا وتم يقول ليش مطنشة رديت عليه وقالي كلام حار ...طردته من الغرفه ولا طلع ورد مد يده عليه
ماسكت له ....سبيته وتحلفت له انه يندم....قالي بتقولين لهلج...قلت له لا بسوي اللي اقوى عن كذا وتم يستفزني عشان يعرف شوووو بسوي وانا اصلا كنت بس اقول كلام...
وعقب طلع رقد في الصالة عقب طلع...العصر


شورن عليه

رجاء حار اللي عندها نصيحه تتفضل وربي يجزاها الف خير والكلام الجارح ماله داعي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[i can do it]

مادري ليش احس كل الريايل يوم الوحده اتساعدهم يستقون عليها و يهنونها مايحمدون ربهم !!!
كلمي اهلج من البدايه خلي ايعرف ان وراج ظهر

[هزووفه]

لاحول ولا قوة الا بالله

يعني هذا راتبج وتعطينه منه وبعد يسبج لانج تاخذين من مالج

الصراحه انا اتنرفزت

والله يعينج عليه

[استغفر ربك]

لا حول ولا قوة الا بالله العلي العظيم ...


دامه فر لج بطاقة البنك خذيها بهدوء وخلاص حقج وعندج وحاولي تتفاهمين معاه ..

[gaaaaaaaya]

لاحول ولاقوة الا بالله..................................... والله عصبت. يعني خيرا تفعل شرا تلقى // اخذي بطاقتج. ولاترديها له . خليه يتندم . ويحس بفعلته الشنيعه. وسالفة الضرب ابدا لاتسكتين عليها.خبري هلك خل يوقفوه عند حده . الاالضرب. ماينسكت عنه. لازم تخبري هلك
أوووووووونه عشان 50 درهم يسوي فيج جذي. وبعد الفلوس فلوسج. والله قهر!!!!!!

[ولاعه]

توه ياي الحين....
يايب كيكه يقول رضوة...
تكلمت معاه بس بجفاف...
شو اسوي هو يراضيني الحين....كيف اتصرف

[USA Online]

السلام عليكم ورحمه الله وبركاته
كيفك اختي انشاء الله بخير
الحمد لله على كل الحال المهم انك ما ترضينه بصرعه خليه يحس بغلطه و يكون احسن لو خبتي اهلج عن الضرب يدا كانت مو اول مره يدا كانت اول مره اغرفي له بس ما يخليه يكررها و الصراحه هاي فلوسك حبتي تساعديه ساعديه بس الاولى النطاقه تبقا عندك و يدا كان هو يسب اصلج الي هو السبب ف كونك مرته ف المره اليايه شو بسوي من الاحسن تزعلي و تفهميه انها اول و اخر مره يتجرء و ازعلي عليه وآآآآايد و حتى يدا تراضيتو خليج رافعه راسك
هادا الي عندي و الله يسهل لج و ييسرلج

[zezenya]

تعوذي من الشيطان بالاول

وصلي لك ركعتين واقراي سوره البقره

اقعدي معاه بهدوء وتفاهموا امكن عين عليكم

انه تزوجتوا وربيتي ماشاء الله وبسرعه وجايبه ولد

وتشتغلي وسددوا الديون الخ

امكن عين ارقي نفسك

ثانيا قولي له فكرت مالي ومالك واحد

انت تاخذي مني انا اخذ انا مالنا الابعض!!!

حنني قلبه عليك

لا تحلي الشيطان يولعها بينكم

اول سنيين الزواج صعبه عقب راح تفهمي الحياه

موفقه

[مس UAE]

حبوبه انتي من البدايه غلطتي ...
اوكـــيه ريلج مديووون ليش تعطينه بطاقتج ورصيدج ...
ابد ماله حق بالي سواه انتي تصرفين من راتبج ع كيفج ...
تحولين لامج ع كيفج انتي حره براتبج هذا قانونا وشرعا حبيبتي ...
وبعدين الي تبا تساعد ريلها تساعده بطريقه ثانيه مب تعطيه البطاقه يتصرف بها ..
في رياايل والله ما منهم امااااااااااااااااان ...
ساعديه خففي عنه بعض مصاريف البيت ...انتي عليج مثلا مصروف الخدامه وهو عليه مثلا صرف ولده والبيت واغراض البيت ...
وسالفة الضرب ابد لا تسكتين عنها لانه بيتمادى بعديــــــــــــــن ...عرفيه انه في قانون ...يحميج حبوبه ...
وتحذري يراضيج وترووحين تعطينه وتغلطين نفس الغلطــــــــــــــهــ ...
انتي ممكن تسامحينه اللحين عن غلطته بس ردي كرري عليه ان مد ايده مره ثانيه ...انتي لج تصرف ثاني وكوني حازمه ...

[يدتي حياتي]

يعني هذا يزاج اللي قررتي اتساعدينة وتوقفين وياه !!

مب زين عليه يسوي جيه وينكر المعروف بدل ما يقول يعطيج العافية


الله يعينج ويوفقج

[khawlah]

مراحب,الله يسعدك في حياتك ويقوي ايمانك وريلك ويهديكم لمرضاته,حبيبتي الخطاء كان من البداية لماعطيتيه بطاقة البنك مثل ماقالوا خواتي ,المفروض انه شي يخصك واذا كنت بتعينين ريلك بمصاريف البيت فهي مب فرض عليك شرعا والله بيجزيك خير لأنه يعتبر صدقة منك له ولبيتك,والبطاقة بطاقتك وتكون عندك,إختاري يوم هادي يابالبيت تزيين له وبعشاء أو أكله من ايدك أوفي فندق ليلة مع عشاء على ضوءالشموع وتخبرينه اللي قالت لك اياه أختي زيزينيا انه مالك وماله واحد وانك اكيد بتعينينه في المصاريف ,وقولي له انك مابتقصرين وانك امهم بحياتك وتحيبينه ولا يمكن انك تضايقينه ولا تفكرين اصلا وانه كلمته الاولى ومن هالكلام الزين وحبيبي ..الخ
ومن حقه انك تستاذنين منه في اي شي يخصكم بالبيت او برع ولكن بخصوصياتك ماله دخل ولا انتي بخصوصياته,واطلبي منه يخبرك شو الاشياء اللي مايحبه اتسوينها علشان تتجنبينه والاشياء اللي يحب انك تسوينه علشان مايتضايق والعكس بالنسبه لك حتى تتقي المشاكل المستقبليه قدر الامكان وخبريه انه مسألة مداليد ماتتكرر لانها موحلوة في حقه ولا حقك وان الله بيسألنا والرسول مارضى بها وخبريه انه مشاكلكم تكون بينكم لو شومايصير وماتطلع من البيت لين ماتلاقون بمعية الله حل ,والاهل بالذات مافي داعي يتدخلون علشان ماتصير حساسيات يمكن تكونون انتوا في غنى عنها,واخيرا قولي له انه البطاقة بتم عندك وماراح بتقصرين وياه لو احتاج بإذن الله.
ونصيحتي الاخيره ياأختي لك وله داومو على الفرائض والطاعات ولو مقصرين كل واحد فيكم يعين الثاني بالحسنى ووالحب ,ولو تقومين وهو قبل اذان الفجر بنصف ساعه ,ان شاءالله بربع ساعه بداية وتصلين ركعتين لله وتدعين لك ولريلك واهلك كلهم ولي والمسلمين,أو توترين لو ماكنت موتره قبل النوم,وكوني على يقين انه الله راح يرزقك سعاده وبركة وراحة بال ماراح تتصورينها,هو صعب لاكن مب مستحيل.

[khawlah]

مراحب ,نسيت اخبرك بما انه جا يراضيك فإقبلي منه ولا تتغلين ,بس لاتنسين تسوين اللي ذكرته سابقا وبالوقت المناسب.والله ييسر امركم ويسعدكم

[*أم شهد*]

الغلا ،،، هدي بالج وصالحيه بسسس بعد ما تاخذين منه عهد ما يمد يده لانج المره اليايه بتخلين اهلج يتفاهمون معاه واذا ما اصطلبت ساعتها القانون بيادبك ،،، غير جذي اختي شلي بطاقتج ،،، هذا حقج وهو ابد ماله حق ابد اتساعدينه ابمزاجج وبراحتج ومااااله خص وين تصرفين ،،،، خيبه 50 درهم للوالده جي تسوي فيه ،،،، لا الغلا هذي علامه وتنبيه لج ،،، الله يهديكم وييسر اموركم

[USA Online]

الله يوفقج

[اللآلئ]

قولي له هاااائ اميه !

و انت مالزمت أحدوك و هاي اميه و اللي يغلط عَـْلّ?ِ ااهليه ماله مكان فقلبيه ..
أنٌـَِ?ـَِاا بعد ريلي يقص علي بكلمتين يوم إزعل
نحن الحريم قلبنا طيب و ينقض علينا
مادري ليش كله ابتسسم