زعلني شوي بس...

[Um Ru8aya]

مساء الخير شحالكم يا صبايا

صار لي موقف مع ريلي وانصدمت وايد من كلامه اللي قالي لدرجة أني زعلت وغلقت تلفوني يوم كامل ما كنت أبي أسمع صوته

اليوم الصبح فتحت تلفوني اتصل بي وكلمني و كان عادي و لا جنه صار شي بس أنا متضايجة من الكلام اللي قاله لي و أبغي أصارحه بس مب عارفة كيف


هذه السالفة اللي صارت:



نحن صار لنا أسبوعين تقريبا كل يوم يطلعني و نغير جو و ما قصر معاي

و من كمن يوم تغير روتينه فجأة و صرت كل ما أقوله خل نروح أي مكان يقولي أنا مشغول ما أقدر حتى لما يتصل بي عشن يسلم علي يقولي أنا اليوم بكون مشغول يعني ماشي طلعات و لا تتصلين و تزعجيني

أنا بصراحة وايد أغار عليه و أبغيه دوم يكون معاي ما أبغيه ينشغل عني و أنا عارفة هالشي غلط لأن الريال من حقه يطلع و من حقه مرات يكون مستقل و له عالمه الخاص

و بسبب غيرتي صرت أحن عليه وايد و أتدلع وأعصب آخر شي هو طفر و عصب علي و قال حركاتج هذه ودريها لأنها نفس حركات هالبنات اللي يرمسون شباب و يتدلعون عشن يحصلون اللي يبونه و نفس حركات الحريم اللي يسوونها في رياييلهم عسب يخلون الريال خاتم فصبعه بس أنا لما تسوين لي هالحركات بطنش و ما بتساهل معاج عسب لا تمصخينها و خلج نفس ما أنتي أول ما ملجنا البنت الطيبة و الهادية و اللي تقدر ظروفي و انشغالاتي بدل ما تتدلع و نبيني دوم أكون وياها

هو صح من حقه يعصب علي بس أنا زعلت لما قالي نفس حركات البنات اللي يتدلعون على الشباب أنا خذت هالجلمة بحساسية و أبغي أصارحه بس مب عارفة كيف

لأن اليوم لما اتصل بي رديت عليه و كان عادي حتى ضحك و قالي اليوم أشوفج هادية ما تسوين نفس حركات هاليومين.


أصارحه و لا كيف؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية