..زوجي يبي يتزوج...............

[بنت بوظبي 99]

هلااا بنات
انا وايد مضايقة ..زوجي من فتره يحن على موضوع العرس..وانه بيتزوج عليه بس انا ضنيت انها سوالف مثل كل مره وتطفير..بس يوم مشيت وياه وكلمته بجد صارحني انه يبا يتزوج وانه كذا كلنا بنرتاح وبسكني بيت بروحي ووووو الخ..مع العلم من قريب مكملين سنتين وعندي نونو عمره ست شهور..شو اسوي ؟؟ارضى بحظي ولا شو الحل؟؟ لا وبعد يقولي احسن بدال ماتزوج بسر وتصير مشاكل عقب..ساعدوني...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مـــــريم]

قوليله انت سواها .. وانا بحطك فجياس زبالة بعد ما قطعك احزز.. ما اتغشمر اختي

[رمايل111]

الله المستعان

[بنت الطموح]

الله يوفقكم يا رب ولا تزعلين حبيبتي كل شي في هالحياة قسمة ونصيب وما فيها شي لو تزوج وعدل من بينكن خليج عاقلة و حكيمة

[x.miss.cute.x]

من سنتيــــن متزوجــه ويبــى يتزوج!!!!!!!!!!!!!!!!!



مافهمتيــنا شو الاسبـــاب ,, شو القصـــور ,, شو الســالفه ,, كل من هب ودب يبــا يعـــرس

الله يعيــنا ع هالريــاييل ,,, اخ بس لونقدر نتزوج غيرهم جان صكووو الدعنــه خخخخخخخخ (استغفر الله)

[صاحبة السمو85]

وعليكم السلام ورحمة الله وبركاته

انا من رااايي دام صارحج تفاهمي ويااه شو ناقصمني ومن هالرمسه واذا قال لج مافيج شي بس ابي اتزوج ..

وانتي تعرفين انه مابيقصر معاج بشي وبيحطج بروحج ببيت ..قولي ((إِنِ الْحُكْمُ إِلَّا لِلَّهِ)) ...وسلمي امرج ..وارضي باللي يكتبه لج ربي والله احسن لج ..

عن تتحمليين اثم من اي تصرف احمق من التصرفات اللي يسووونها بعض الحريم الله يهديهن ...

اما الريال يوم يفكر يعرس مب حرام ...ربي حلل ..

اما انج تعرفين انه انسان بيقصر ومابيقوم في بيتين اهنييييه حطي الشروط اللي تضمن لج حياه كريمه ..ولا تفكرين بانج تفارقينه لهالسبب واصبري

واللي الله كاتبه بيصير ..

الله يكتبج لج اللي فيه الخير والصلاح يارب

[دلة رسلان]

عسى ماشر شوالاسباب ؟

[اهاات ليل]

الله يوفقكم يا رب ولا تزعلين حبيبتي كل شي في هالحياة قسمة ونصيب وما فيها شي لو تزوج وعدل من بينكن خليج عاقلة و حكيمة

كلام سليم 100%

[بنت بوظبي 99]

اي قصور مسويتنه
يدهينه لا تنكتين..........على قولت الكويتين
حتى الحمام الله يعزكم اشغ فيه دفايه الصبح علشان مايبرد

[ليندااااا]

الله يعينج اختي

[ريح الشمال777]

حسبي الله ونعم الوكيل
من الرياااااايل ما اعرف مستويه موضه هاي الايام بس عشان يقولون فلان عنده حرمتين ما اعرف وين المفخره في ها الشي
وزمنا هذا عفوا ما في حد عادل ابدا يا يودر الاولى ويلصق في الثانية او العكس بعد ما يمل الثانية اما انهم قد المسؤوليه ف اشك
وصح انا معااااااكم الشرع حلل 4 للي يقدر بس بعد الشرع قال ان خفتم ان الا تعدلوا ف واحده مب كل من هب ودب يبا يعدد ويعرس سار عرس المفروض في شروط وضوابط واهم الشروط قبل الزواج العيال بس ريايل ها الزمن مب فاهمين الشرع عدل بس حافظين ها الكلمتين الرجال قوامون على النساء
والشرع حلل 4 تعالوا تناقشوا في امور الثانية تخص الدين ما يعرفون شي بس حاطين في بالهم هم بيرتاحون من الناحيه الثانية (فهمتوا قصدي)
ولا بيقولون والله الرسول عنده اكثر عن حرمه انزين لا تقارنون نفسكم بالرسول عليه الصلاة والسلام والصحابه الرسول عليه الصلاة والسلام كان بهدف نشر الدين الاسلامي من ناحيه ومن ناحيه اخرى عشان ارامل والايتام عشان يكفلون الايتام
بس زمنا هذا بس للمفاخره بس جدام الكل ان فلان تزوج على حرمته وعنده حرمتين
الله يهديهم بس

[ملاآك قلبكـ،،]

سويله طاف
ويوم يقولج بعرس
قوليله زين والله تبغي ادورلك عروس

[ام ذياااب]

من سنتيــــن متزوجــه ويبــى يتزوج!!!!!!!!!!!!!!!!!



مافهمتيــنا شو الاسبـــاب ,, شو القصـــور ,, شو الســالفه ,, كل من هب ودب يبــا يعـــرس

الله يعيــنا ع هالريــاييل ,,, اخ بس لونقدر نتزوج غيرهم جان صكووو الدعنــه خخخخخخخخ (استغفر الله)

حبيتج ههههههههههه >_<

شوفي الحرمه مستحيييل تعيش بدون ريال وخاصتاً ان عندكم بيبي .. اذا يحبج و مب مقصر فيج من اي ناحيه خلاص وافقي .. والله اعرف انها صعبه بس صح نفس ما قال .. احسن عن ما يعرس بالسر يعني حمدي ربج شاورج ...
انا اقترح انج انتي تختارين العروس .. لان لو اختار هو يمكن اييبلج وحده عله و تهفه منج ... اما لو اخترتي انتي .. اختاري وحده حشيم تخاف ربها ..مالها حس وتكون طيوبه ....

اذا تحبينه ويحبج لااااا تقوليييين طلاق حرام بتندمين .. وبتي وحده ثانيه بتتهنا ف ابو ولدج ..

[مالتيزرس]

حبيبتي زين يوم انه صارحج وللا راح اتزوج فالسر أنا اربيعتي الروح بالروح تخبرني ريلها كان يسولف ويياها عن العرس أونه بعرس عليج وهي عبالها مصخره الفقيره اتخيلي طلع معرس عليها وهي اكتشفت هالشي عقب شهرين ومحطي الها العقد فشنطه من الشنط وهيه تفتش انصعقت وجافت العقد وكانت حامل بعد المسكينه ، فانتي لاتستغربين منه لانه صدق صاعقه وحقاره ونذاله فبعض منهم يوم بسوونوهالحركه وهيه الزواج بالسر انتي وكلي أمرج.
اختي تقدرين تفرين راسه عن الزواج حاولي تكثفين من اهتمامج له وتغرينه بيادة بحركاتج ورلعج

[كتكوتة حبيبي]

http://www.iraqup.com/up/20120110/8J..._864554214.gif