تعالو يا الأمهات خبرونا طبخاتكم اللذيذه لعيالكم

**#مياسه#** · 2012-01-11, 18:35

هلا امهات اشحالكم ....اكيد كلكم تهتمون في وجبات تطبخونها لعيالكم الصغار قوم الروضه والاول والثاني والثالث شكلي بيبلكم كل المراحل هههههه لا اقصد ها الاعمار تقريبا المهم أكيد تنوعون فيها بعد ياليت كل وحده تخبرنا شو الطبخات اللي تسونها لعيالكم لأني الصراحه احتار شو اطبخ لعيالي ترى ايام للمدرسه اعشيهم من وقت عسب يرقدون فما يتعشون ويانا عشان جي خاطري اطبخلهم آكلات حلوه ومفيده عاد أنا حدي السندويجات والبرجر وكم طبخه اما الاندومي ما احبه احسه مشً مفيد ابد مع ان عيالي يموتون فيه وياليت لو تكتبونا الطريقه بعد

المزيد من آخر المواضيع من نفس القسم:

**#مياسه#** · 2012-01-11, 20:15

وينكم

**بنت بوظبي 99** · 2012-01-11, 20:43

هلا اختي..انا ولدي بعده نونو..بس كنت طبخ حق اخواني صغاريه..
ممكن تسوي شوربت عدس وبطاطس مفيده وحطي لكل واحد طبق علشان اليهال يحبوا كذا ينقص عليهم..خخخ
وبعد شوربة لسان العصفور بدجاج لذيذه ومفيده..ممكن سندويتشات بيض او مرتديلا بصمون دائري صغار..او معكرونه بالجبن او الخضار..او سلطة بيض او سلطة روب ..او حتى سلطة فواكه ذره مطبوخه اذا كانوا مايحبوا ياكلوا او ياكلوا شويه..وبعد سأليهم شو يريدوا وخليهم يساعدوج اونه يعني..علشان يستانسوا وياكلوا..هكذا كنت اسوي حق اخواني الله يرحم هذيك الايام..واذا بغيت شي فالج طيب..............

**#مياسه#** · 2012-01-12, 17:56

فديتج بنت بوظبي على الرد ما قصرتي وافكارج وايد حلوه وحلو بعد فكرة الشوربات ماخطر على بالي اسويلهم شوربات بس يالين لو تخبريني طريقة شوربة العدس والبطاطا شكلها وايد مفيده تسلمين قلبو عقبال ماتتطبخين لولدج الله يحفظه لج

**مغربية حرة** · 2012-01-12, 18:01

السلام عليكم و رحمة الله

فكرة الموضوع رائعة اختي

انا اولادي لسة صغار لم يدخلو المدارس بعد

**#مياسه#** · 2012-01-12, 18:04

تسلمين مغربيه حره ان شاء الله الكل يستفيد

**toop** · 2012-01-12, 22:38

شكرا اختي موضوعج بيفيدني روحي احتار واختصر الموضوع اطلب لهم من برا

***ميره*** · 2012-01-12, 23:58

الموضوع رووعه

**الشموخية** · 2012-01-13, 12:58

احيانا معكرونة بالدياي او بالخضار ومرات بالتونة
واندومي وايد يحبونة في عندي كم طريقة حلوة احب اوع بالاندومي يعني مرات اسويه مثل المعكرونة بالبصل والطماط والصلصة واحيانا بالبصل واحيانا اسويه مثل الشوربة
مرات اسويلهم خفايف مثل بيض وجبن ونقانق وكباب وهكذا

**#مياسه#** · 2012-01-13, 16:08

هيه اخت توب احس محتاجين نتعلم كلنا طبخات بس احس اكل المطاعم مب مفيد حقهم يعني اطلبيلهم من برا مره في الاسبوع او مره في الأسبوعين لانهم يحبونه بس مو كل يوم

**#مياسه#** · 2012-01-13, 16:09

تسلمين اخت ميره

**#مياسه#** · 2012-01-13, 16:23

فديتج اخت الشموخيه مشكوره على الطبخات ماقصرتي حلوه المكرونه ويبالها وقت شوي لين تستوي يعني لازم نطبخهامن وقت عشان الصغاريه يرقدون بسرعه أما الاندومي ما ادري اجوفه مو مفيد ما ارتاحله موليا لاني سمعت انه مو زين ييب امراض وما ادري شو ما ادري صحيح ها الكلام ولا لا مع ان عيالي يحبونه وايد *

***ميره*** · 2012-01-16, 15:37

للرفــــع

**#مياسه#** · 2012-01-18, 21:21

للرفع

**البراري** · 2012-01-19, 08:47

مرحبا ومشكورات الاخوات اللي قبلي استفدت منهم بصراحة
بالنسبة لي اسوي طبخات متنوعة
1- فطاير متنوعة بحجم صغير من عجينة العشر دقايق ، كرواسون جبن ، كرواسون زعتر ، بيتزا حجم صغير ومتنوعة مرة بالجبن ومرة خضار و سجق او دجاج.
2- شوربات مختلفة عدس ، خضروات ، دجاج بالخضروات ..الخ مع سندويشات خفايف.
3- سليس بالجبن والخيار والخس واقطعه على شكل مثلثات مع عصير.
4- مناقيش جبن او لبنه وزعتر .
5- مكرونة بالجبن والبقدونس والدجاج.
6- نجتس في البيت اسويه من صدور الدياي وتكون على شكل اصابع مع بطاطا.
7- عيش بالبلاليط مع قطع دجاج مكعبات مقلية وروب بالخيار وعصاير.
8- كرات البطاطا بالجبن مع سلطات وسندويشات مختلفة بحجم صغير.
9- تكة دجاج في أصياخ مع خبز لبناني.
10- طبخات متنوعة من البف باستري الصغارية يحبونها وتستوي بسرعة.

الموضوع: تعالو يا الأمهات خبرونا طبخاتكم اللذيذه لعيالكم

أدوات الموضوع

عرض

تعالو يا الأمهات خبرونا طبخاتكم اللذيذه لعيالكم

المزيد من آخر المواضيع من نفس القسم:

المواضيع المتشابهه

تعالو يا بنات خبرونا كيف منظمين وقت نوم بيبياتكم ^.^

يا بنوتات تعالو و خبرونا رايكم في ..

خبيرات المكياج تعالو ( خبرونا عن طرق الاساس حرف حرف وشو احسن ماركه)

تعالو خبرونا وين فصلتو عبيكم للعيد

أمهات وحوامل المنتدى تعالو خبرونا كيف زفيتي خبر اول حمل لزوجج