مسهلات الولاده

**A-A** · 2012-01-11, 07:09

السلام عليكم
ربي يثبت كل حمل ويتممه بصحه وسلامه
وربي يرجع كل كرووشه بعد الولاده المسيره لرشاقه الكل يتكلم عنها ههههه امين ياارب

المهم حابه اسفيد والكل يستفيد عن تجاربكن
شو تشربن فشهر الاخير لتسهيل الولاده
سمعت عن وايد بنات يستخدمن خلطات شعبيه وماشاءالله وقت الولاده ما يكملن نص ساعه اللا وهن والادات

عن نفسي الي اعرفه تمر ينهرس وينحط بكوب ماي وينشرب كل يوم باخر اسبوعين
وبعد تمر وسمن ينهرس زين ويناكل بس بصراحه ماياب نتيجه وياااي ههههههه ولادتي كانت صعبه

وهالمره وايد خايفه ربي يسهل علينا وعليكم

دعواتكم لي وكل وحده تكتب تجربتها لها مني دعاااء من قلبي

المزيد من آخر المواضيع من نفس القسم:

**مونتاج** · 2012-01-11, 07:23

انا اعرف لازم تمشين ساعتين و اشربي جرفه كل يوم يسهل الولاده
كل ولاده تختلف عن الثانيه و مو شرط الولاده الاولى صعبه الثانيه بعد تكون صعبه
الله يسهلج ولادتج ان شاء الله

**نبض الشارقة** · 2012-01-11, 07:24

اللهم اغفر لي ولوالدي وللمؤمنين والمؤمنات
اللهم اغفر لي، وارحمني، واهدني، وعافني، وارزقني

**A-A** · 2012-01-11, 08:42

بس في ناس يبدون من اثامن تتوقعين احسن ابدا اشرب وامشي من اثامن ولا اتاسع
ربي يسهل ع الجميع ان شاءالله

**أم موفي** · 2012-01-11, 09:10

صباح الخير ....

حبيبتي نحن نشرب و نجرب بس كل حرمة ولادتها غير عن الثانية .... انا عن نفسي الحمد لله رب العالمين ما اطول وايد في الولادة بس اكرف نفسي من الشهر الخامس لين الشهر التاسع و خاصة في الشهر الثامن والتاسع نشاطي يزيد ما احب ايلس بس ابي اطلع .... بس عن تجربة في حملي الثاني كنت اكل تمر وايد احسه عطاني طاقة وولدي بعد ما شاء الله طالع جسمه اقوى عن اخوه الاكبر عنه .... في الحمل الثالث جربت خلطة حليب مع زيت السمسم مع عسل و قرنفل و جرفة و الحمد لله الياهل اتزحلق ولا حسيت مثل اول و ثاني ولادة .... والتساهيل من رب العالمين سبحان الله ....

الحين حامل في البيبي الرابع بس بدت المخاوف و كل يوم احلم في الولادة

**دلوعة عبيد** · 2012-01-11, 09:36

الله يسهل على الكروشات الولادة يا رب

**مبتسمةمتفائلة** · 2012-01-11, 09:49

انا يوم ما بدء الوجع عندي كان بسيط شربت زعتر وبعدها قرفة و بعدها زعتر و بعدها قرفة و هكذا بعدها ب ساعة و نص عينك ما تشوف الا النور هههههههه سرت فورا علمستشفى و قالولي علاولادة يلللللللللللللللللللللة هههههههههههه
و خلاص كفاية ما ابا اعقدك خخخخخخخخخخخ

**غصب البان** · 2012-01-11, 10:16

ان شاء الله الله بيسهل علينا يارب //
في وايد اشياء بس انا ماجربتها :

شربي زعتر من تدخلين التاسع يوميا
كلي تمر يسهل الولاده
واذا فيج الويع شربي كف مريم + ادخني بمراميه يقولون بسررررررررعه توسع ال((( وتربين .
حليب طازج مع عسل وكمون.
وبعد يقولون الحبه السوده مطحونه مع خاشوقة عسل.
ماي ورد وزعفران.
شربي قرفه.
المشي واااااااااايد مهمم لأن يثبت الراس فالحوض فبسرعه تربين ماتتريين لين ماينزل الراس. ( بس انا ماامشي بصراحه كسوووووله) الولاده الوحيده اللي مشيت فيها اول ولاده وبصراحه كانت اسهل ولاده ياريت كل ولاداتي نفسها مع انهم يقولون اصعب ولاده هي الاولى لكن انا عكس الناس.

واااااااااااااااااايد اشياء اعرفها بس ولا مره جربتها.. لأن يوم اييج الطلق ماتبين اتسوين شي ولا تفكرين بشرب ولاغيره.. دوم اطلع من النت واخزنها في لابتوبي واقعد اقراها واقول بسويهن يوم اييني الويع . وعقب ماسوي شي.

**A-A** · 2012-01-14, 00:37

الله يعطيكن العافيه ويوفقكن ويسهل عليكن وربي يحقق كل امانيكن
ام موفي هالخلطة حليب مع زيت السمسم مع عسل و قرنفل و جرفة متى اشربها
من اي شهر
انا بسوي ربط عنق الرحم بعد ثلاث اسابيع ادعولي ان ما احتاجها لان خايفه منها

**تفاحه الخضرا** · 2012-01-14, 00:58

الله يسهل علينا ياااااارب
ونربي طبيعي يارب

**ليندااااا** · 2012-01-14, 09:59

اللّهم انا نسألُك أن ترزُقَنا حبَّك.. وحبَّ من يُحبُّك
وحبَّ كلِّ عملٍ يُقرِّبُنا الى حبِّك
وأن تغفرَ لنا وترحمَنا
واذا أردت بقومٍ فتنةً فاقبِضْنا اليكَ غيرَ مفتونين
لا خزايا و لا ندامة و لا مُبَدَّلين
برحمتكَ يا أرحمَ الراحمين

**omabood** · 2012-01-14, 10:17

حبيبتي الغالية التساهيل من رب العالمين والله يسهل على الجميع
أنا أول ولادة لي كانت عملية
والثانية الحمد لله كانت طبيعي
والثالثة قالولي عملية لأن وزن الجنين 4 كيلو
بس كنت خايفة وايد وأصيح .. وكان زوجي الله يحفظة خايف علي وايد فقرالي بماء زمزم قرآن وأدعية كان طابعنه من الكمبيوتر.. وقالي لما يبدأ الألم شربي منه.. وفعلا في ليلة كنت بروحي فالبيت وبدا الألم وهو يشتد وأنا بروحي
ريلي كان فدوام.. ونزل الصبح من الدوام وهو بالطريق وكنت مطمنه انه قريب شربت من ماي زمزم
وفعلا حسيت انه خلاص بولد بالبيت وعلى السريع ركبت السيارة وووووووووووووعلى المستشفى بس مو القسم
لالالا على غرفة الولادة ورحت وأنا أمشي لها النيرس تقول تعالي غرفة الكشف أول أقول لها أنا بولد خلاص
وفعلا قدرة الله فوق كل شي نزل الياهل وكان طبيعي لا عملية ولا خربطة وبعد ما كان متين بس كان طويل والكل ضحك
عليه ... ماشاء الله تبارك الرحمن طالع على أبوه وألحين أطول من أخته الأصغر منه بسنه
وما عليكن الغاليات الا بكلام الله وماء زمزم والأدعيه

**::ملاك::** · 2012-01-15, 12:48

امشي امشي امشي الين تقولين بس لول
وإن شاءالله بتربين بس وايد امشي
والله يسهل عليج

**mwa6na waydee** · 2012-01-15, 13:54

عليج بتمارين الكورة اللي تقعدين عليها توسع الرحم وتخفف من الم الطلق والضهر

**CALA_LILY** · 2012-01-16, 02:10

للرفع

الموضوع: مسهلات الولاده

أدوات الموضوع

عرض