حرام عليج هذي اختج

[دلوعه فزاع]

السلام عليكم
اكيد اللي شافت العنوان ف خاطرها تقول اكيد مصيبه هههه

خواتي بالله لاتزعلون بس لاحظت وايد خوات ينصحون بعض نصايح ادمر بيوت وتشرد عوايل وفوق هذا تغضب الرحمن لاتزعلون سواء كلامي قوي او لا بس فعلا بعض الردود اللي تنصح صاحبه المشكله تترك بيتها وتسير عند ريلها باسم الكرامه والمشاعر والله تقول لاتتعدلين حق ريلج ولا تعطينه اللي يباه وتهربي منه!!!!!!

الكل عارف ان الزوج اذا طلب زوجته ان شاءالله كانت تخبز لازم تترك كل اللي ف ايدها وتسير له لاتقولون الريال خاين ومايستاهلها ترا اللي تسويه الحرمه بعد يغضب الله وملائكته ...

انا ادري في بنات ينصحون على نياتهم لانه يمكن الحل نجح وياها وتتحرا انه بينجح مع غيرها ترا هذا اكبر غلط انتي وريلج غير وشخصيتكم غير وظروفكم غير والاخت وزوجها غييييير..

حلات النصيحه اللي تكسبين من وراها اجرين اجر النصيحه واجر الدعاء .. والسموحه طولت عليكن بس وين تنصحن انصحن بالحق بالعقل مب العواطف او تاثير المسلسلات ..

والله يوفق اليميع ويصلح حال الناس ونصيحه لكل زوجه استودعي ريلح بحفظ الله واتقي الله وزوجك وعليييييييييييييج بالصبر والدعاء واحتساب الاجر وفكري في الاخره وجنه الفردوس واجر الصبر اللي وعدنا به الله

مشكوره ي ام خالد على التثبيت ويزاج ربي كل خير والجنه انتي وخواتي ف المنتدى يعني فعلا نحن لانملك الحق في اعطاء نصايح مغلطه لانه نحن مب عايشين مع الزوجين ولا نحن دارسين علم النفس .. مثلا ي اختي اللي تنصحين اختج تترك بيتها وزوجها بسبب سخيف او حتى كبير هل انتي اطبقين نفس الحركه او بس هي نصيحه تقولينها للبنات؟؟ وانتي اللي تشجعين اختج تهجر زوجها على فراشها ووتتهرب منه هل تتبعين نفس النصيحه ؟؟

ترا معظم النصايح تهدم بيوت عامره بان اصلاحها جدا بسيط ومايباله شي عليج بالصلاه القران الدعاء والصدقه والاستغفار وامووورج كلها تمام سواء ريلج يخونج او مقصر بحقج لاتسمعين لفلان وعلان لانه محد بيفيدج انا بقولكم والله سالفه ربيعتي كانت تواجهه مشاكل مع ريلها خيانه ووو والخوات اللي نصحتها تترك البيت واللي نصحتها تفضح الريال عند اهله واهلها واللي نصحتها وهني المصيبه نصحتها تسوي حركات عسب الزوج يشك فيها ويشغل تفكيره عن البنات!!!!!! اول نصيحه تركت البيت وفضحت الزوج هني صار فتور في حياتهم والزوج مول مب مرتاح بس عاملها بالطيب وهي ندمانه لانه فضحته معامله اهلها تغير صوب زوجها وصار يكره هالشي ويبعدها عن اهلها وخذت ع النصيحه الثالثه ان تحسس الريال انها تخونه مثل مايخونها والنتيجه والله تدرون شو صار ؟؟ شك صارت ضرابه بدل مايصطلب مثل توقعات اللي نصحتها لا صارت ضرابه فضحها عند اخوانها الشباب اللي ضربوها بان البنت بريئه بس هي زرعت هالشي ف الزوج وخلته يعيش هالاوهام وبالاخير طلقها وخذ عيالها 4 وهي والله من يومين ترمسني تصيح من الخاطر تبغي زوجها وعيالها هذي نتيجه النصايح الغلط وعسب جذي نزلت الموضوع ولاني وايد قريت مواضيع تحث على هدم البيوت والله يوفق اليميع وعلى فكره ترا ربيعتي معاي ف المنتدى وعارفه اني بكتب قصتها لتكون عبره لغيرها

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية