معرس في الخمسين

**بنت_غير** · 2012-01-08, 12:42

السلام عليكم ،،،

طبعا مبين عن الموضوع انه معرس في الخمسين ... لكن ها المعرس مب لي ...

هو شخص من الاهل قاعد يدور عروس ...وناس خبروه عن وحده عمرها 31 مطلقه بدون اطفال
السلام عليكم ،،،

لانه ها الشخص يبا مطلقه ولكن ما يكون عندها اطفال علشان المشاكل .. لكن انا بغيت استشيركم ..

هو طلب مني اكلمها في الموضوع ... وانا متردده بصراحه ... لانه فارق السن كبير ..لكن هو والله حق رجل مقتدر .. وعنده وحاب يتزوج ويعيش بالحلال مع زوجه ثانيه يتفاهم معاها ... هو متزوج ولكن الزوجه الاولي كبرت وصارت هي علا قولتهم ام العيال...

فشو رايكم.. افاتح البنت ...بالموضوع او اقول له لا..او اني اشوف له وحده ثانيه تناسبه ..

لاني بصراحه شخصيا مش مقتنعه في فرق السن اللي بينه وبينها..

ابااا رايكم ،،خواتي شو رايكم في ها الموقف توافق ولا ...؟؟؟

المزيد من آخر المواضيع من نفس القسم:

**عيمانيه** · 2012-01-08, 12:44

مادري انا من رايي انه ترمسين البنيه يمكن هي تبا الستر و ما تفتكر فالعمر

فالنهايه قولي لها صلي الاستخاره و الشور لها طبعا

**جرح وحداوي** · 2012-01-08, 12:47

شاممممممممم انا من رااي اتوصلينه لاهل البنت وخلااص تطلعيين من الموضووع ..

واذا حبيتي تعطيين لمحة للحرمة عشان يكوون عندها خبر كييف وصلها..

الله يوفقها ويسهللهم ان شااء الله ..

**tmyz** · 2012-01-08, 14:19

صلي استخاره و ان شاء الله تتيسر الامور

**مريم الشحي** · 2012-01-08, 14:23

الغالية لا تحكمين انتي عفاارق السن الي بينهم

اهم شي هي راايها شووو فالموضوع..

يمكن قابلة تكوون زوجة ثانية ولرياال بهالسن

خلي عنج الاعتقادات والتلوم منها

يمكن يكون من نصيبها وانتي ماتدرين

الله يسهل الامور امبينهم ان شاء الله..

**بنت_غير** · 2012-01-08, 15:02

المشاركة الأصلية كتبت بواسطة مريم الشحي

الغالية لا تحكمين انتي عفاارق السن الي بينهم

اهم شي هي راايها شووو فالموضوع..

يمكن قابلة تكوون زوجة ثانية ولرياال بهالسن

خلي عنج الاعتقادات والتلوم منها

يمكن يكون من نصيبها وانتي ماتدرين

الله يسهل الامور امبينهم ان شاء الله..

والله يا اختي الله يعين شي في خاطري يقوول ما يخصج لا تتدخلين

وشي يقول لي انصحيه خليه ياخذ وحده عمرها 39 او 40 مناسبه وايد له ..بس ما ادري ياختي الرياييل اذواق

**bellegirl** · 2012-01-08, 15:08

ربي يوفقج أختي

قال تعالى:*{أَفَرَأَيْتُمُ الْمَاءَ الَّذِي تَشْرَبُونَ أَأَنْتُمْ أَنْزَلْتُمُوهُ مِنَ الْمُزْنِ أَمْ نَحْنُ الْمُنْزِلُونَ}

*[الواقعة: 68-69]

**بنت_غير** · 2012-01-08, 15:11

المشاركة الأصلية كتبت بواسطة bellegirl

ربي يوفقج أختي

قال تعالى:*{أَفَرَأَيْتُمُ الْمَاءَ الَّذِي تَشْرَبُونَ أَأَنْتُمْ أَنْزَلْتُمُوهُ مِنَ الْمُزْنِ أَمْ نَحْنُ الْمُنْزِلُونَ}

*[الواقعة: 68-69]

اميين ويوفقج .. تسملين علا المرور

**صاحبة السمو85** · 2012-01-08, 15:35

وعليكم السلام ورحمة الله وبركاته

ياهلا الغاليه ..بارك الله فيج ..بالنسبه لها اساليها بس يكون سوالج بتلميح ..وفرق السن يمكن يكون بالنسبه لها مب وايـد ..والله يقدم اللي فيه الخير والصلاح للجميع

لا اله الا الله محمد رسول الله ...

استغفرالله الذي لا اله الا هو الحي القيوم واتوب اليه.

&&لا اله الا انت سبحانك اني كنت من الظالمين&&

**شعاع امل** · 2012-01-08, 15:35

والله مااعرف

بس مثل ماقالت وحده من الاخوات يعني يروح هو بنفسه لابو البنت او اخوها يكون احسن

لان هي صح عمرها 31 بس مب كبييييييييرة لدرجة ان ماحد ياخذها يعني

يمكن في واحد على عمرها او اكبر بشوي او بالاربعين يتقدم لها

حتى سبحان الله يمكن يتقدم لها اصغر

في وحده من قريبات صديقة كنت اعرفها زمان اتزوجت شاب بالعشرين وهي تقريبا عمرها 36 سنة وهو كان يدرس طب في جامعة عجمان

بصراحة هو كان متزوج بنت عمرها تقريبا 18 وعنده ولد منها

ويعرف اخو البنت ام 36 سنة وقال اريد اتزوجها لانه متدين وقال يبي يستر عليها

بس يوم عرفوا اهل الزوجة الاولى خلوه يطلق بنتهم

والحين الزوجة الثانية عايشة عنده وخلفت يمكن ولد

**dxbaii** · 2012-01-08, 15:38

ان وفقتي راسين بالحلال لج اجر كبير وفرق السن عادي

**سحابة ود** · 2012-01-08, 15:55

احس الموضوع عااادي كل حد و وجهة نظره ... وحده اعرفها خطبها اخو اربيعتها كان فرق العمر اكثر من 15 سنه وافقت و تزوجته و الحمد لله عايشين بسعاده مع انها امورة و جامعيه يعني يمكن تاخذ اي وااحد في عمرها بس النصيب ... عاااادي كلمي البنت يمكن اتوافق ..لانه يمكن يختار اي وحده و يتزوجها ...
و بعد لو تنصيحينه ام عياله ليش يتزوج عليها اكيييد كبروا العيال خله يجرب ايجددد وياها سفر ابروحهم مثلا طلعات خل ايعيشون حياتهم ... الشباب شباب القلب ...

**نسيم الليل37** · 2012-01-08, 16:31

سوي الي عليج

وهي برآيهـآ .. ~

سبحان الله وبحمده

**VIP WOMEN** · 2012-01-08, 18:54

هو فعلا لو العمر 39 40 بكون مناسب اكثر

انتي سوي اللي عليج ورمسيها

وكل شي بايد الله عزيزتي

**وحييدهـ** · 2012-01-09, 00:53

ما ادري احس لو توصلين لها الكلام وتسألينها وتخليها تستخير وايد احسن

يمكن اهي تبا الستر واهو يبا بهالعمر

يمكن جيه تكونين وفقتي راسين بالحلال

انتي اللي عليج توصلين الكلام للبنت وبس

ربي يوفقج

بس الافضل ان مرته الاولى يكون لها علم بالسالفه

وربي يوفقج

الموضوع: معرس في الخمسين

أدوات الموضوع

عرض