معرس في الخمسين

**بنت_غير** · 2012-01-08, 12:28

السلام عليكم ،،،

طبعا مبين عن الموضوع انه معرس في الخمسين ... لكن ها المعرس مب لي ...

هو شخص من الاهل قاعد يدور عروس ...وناس خبروه عن وحده عمرها 31 مطلقه بدون اطفال

لانه ها الشخص يبا مطلقه ولكن ما يكون عندها اطفال علشان المشاكل .. لكن انا بغيت استشيركم ..

هو طلب مني اكلمها في الموضوع ... وانا متردده بصراحه ... يعني انا عمري 33 ولو ياني واحد عمره 51 ما بقبل فيه...

لكن هو والله حق رجل مقتدر .. وعنده وحاب يتزوج ويعيش بالحلال مع زوجه ثانيه يتفاهم معاها ... هو متزوج ولكن الزوجه الثانيه تدرون صارت قديمه ...

فشو رايكم.. افاتح البنت ...بالموضوع او اقول له لا..او اني اشوف له وحده ثانيه تناسبه ..

لاني بصراحه شخصيا مش مقتنعه في فرق السن اللي بينه وبينها..

ابااا رايكم ،،خواتي لو وحده منكم في ها الموقف توافق ولا ...؟؟؟

المزيد من آخر المواضيع من نفس القسم:

**الكـــــاذي** · 2012-01-08, 12:38

كيف يعني زوجته صارت جديمه،،، ؟؟؟؟

**night dreem** · 2012-01-08, 13:27

استغفرك ربي و اتوب اليك

**مالتيزرس** · 2012-01-08, 14:13

انتي رسول وما عليج الا البلاغ ، أنا من رايي أحس الفرق وااايد كبير واذا عمرها ٣١ بعدها ما فيها كبر ، أحسه في قد أبوها عمره ٥١،وبعدين اختي شكايل زوجته صارت جديمه ؟؟؟ ، تراها بعد هيه أم لعياله ، والسموحة منج.

**برق لمع** · 2012-01-08, 14:15

فاتحيها يمكن هي عادي عندها وان قالت لا فانتي مجرد وسيط وما عليج اي ملام

**أحلى تووت** · 2012-01-08, 14:16

شو يعني زوجته صارت قديمه مافهمت هالنقطه ؟ لكن انتي عليج تخبرينها وبس
شي ناس فالخمسين والستين بس فيهم لياقه ومايبين عليهم الله يوفق الجميع

**بنت_غير** · 2012-01-08, 14:50

المشاركة الأصلية كتبت بواسطة أحلى تووت

شو يعني زوجته صارت قديمه مافهمت هالنقطه ؟ لكن انتي عليج تخبرينها وبس
شي ناس فالخمسين والستين بس فيهم لياقه ومايبين عليهم الله يوفق الجميع

انا يوم قلت جديمه ها الكلمه من لسانه.. طلعت يعني هي ام العيال وهي لها كل شي .. ولكن هو ريال وانتو تعرفوون انه اصابعكم مب سوا ... وفيه رجال يبووون الحلال ولكن يبون يعيشون حياتهم .. ودايمن الريال سبحان الله خاصه اذا كان محافظ علا صحته ما يبين عليه العمر...

ولكن انا خوفي اذا عرفت بعد الزوجه الاولي ..شو بيكون موقفي وخاصه انهم من اهلي .. احس اني بتورط

وهو بصراحه ما يعيبه شي .. صحه الحمد لله وكل شي وفلوس ,, ولكن انا اخاف من سوالف الزواج اخاف باجر البنت ولا هو الريال يدعي عليه ..ههههه ما فيه

والله سالفه تورطت فيها وما عرف كيف اتخلص منها..وهاي صدق امانه

**احب هالفن** · 2012-01-10, 19:15

المشاركة الأصلية كتبت بواسطة بنت_غير

انا يوم قلت جديمه ها الكلمه من لسانه.. طلعت يعني هي ام العيال وهي لها كل شي .. ولكن هو ريال وانتو تعرفوون انه اصابعكم مب سوا ... وفيه رجال يبووون الحلال ولكن يبون يعيشون حياتهم .. ودايمن الريال سبحان الله خاصه اذا كان محافظ علا صحته ما يبين عليه العمر...

ولكن انا خوفي اذا عرفت بعد الزوجه الاولي ..شو بيكون موقفي وخاصه انهم من اهلي .. احس اني بتورط

وهو بصراحه ما يعيبه شي .. صحه الحمد لله وكل شي وفلوس ,, ولكن انا اخاف من سوالف الزواج اخاف باجر البنت ولا هو الريال يدعي عليه ..ههههه ما فيه

والله سالفه تورطت فيها وما عرف كيف اتخلص منها..وهاي صدق امانه

يارب يا سميع الدعاء اتكون في هالوقت وهالساعة ساعة استجابة وتجيب لي دعائي اللى من صميم فوؤادي ترزق العضوة بنت غير بزوج بعد عمر مديد يطلب من غيرها الزواج وبنفس الطريقة ويسخرلها حد من اهلها من وراها يدور له على زوجة جديدة بحجة انها اصبحت قديمة بعد ماصار بينهم عيال يارب ياسميع الدعاء ...كما تدين تدان يااختى اتقي الله اتقولين الشرع حلل وماحلل ولاتقارنون ريايييل اول بريايييل الحين ولا حريم اول بحريم الحين ..حبيتي انتى بتهدمين اسرة بحالها فاحسنلج ابتعدي عن هالاشيا ولا اتكوني امعة له نصيحة منى ... حطي نفسج مكانها!! يوم سمعتى دعائي بامانة شو صارلج ؟؟؟؟ الحريم الحين مايرضن عادي تطلب الطلاق وبيكون طلاقها بذمتج ولا مابتتوففقين لا دنيا ولا اخرة اعرف عوايل نفس القصة استوت لهم والحرمة اللى تدور قالت مقتدر ومقتدر بس عظت ايدها ندم انا نصحتج وانتى على كيفج

**دهن العووووود** · 2012-01-13, 00:22

المشاركة الأصلية كتبت بواسطة احب هالفن

يارب يا سميع الدعاء اتكون في هالوقت وهالساعة ساعة استجابة وتجيب لي دعائي اللى من صميم فوؤادي ترزق العضوة بنت غير بزوج بعد عمر مديد يطلب من غيرها الزواج وبنفس الطريقة ويسخرلها حد من اهلها من وراها يدور له على زوجة جديدة بحجة انها اصبحت قديمة بعد ماصار بينهم عيال يارب ياسميع الدعاء ...كما تدين تدان يااختى اتقي الله اتقولين الشرع حلل وماحلل ولاتقارنون ريايييل اول بريايييل الحين ولا حريم اول بحريم الحين ..حبيتي انتى بتهدمين اسرة بحالها فاحسنلج ابتعدي عن هالاشيا ولا اتكوني امعة له نصيحة منى ... حطي نفسج مكانها!! يوم سمعتى دعائي بامانة شو صارلج ؟؟؟؟ الحريم الحين مايرضن عادي تطلب الطلاق وبيكون طلاقها بذمتج ولا مابتتوففقين لا دنيا ولا اخرة اعرف عوايل نفس القصة استوت لهم والحرمة اللى تدور قالت مقتدر ومقتدر بس عظت ايدها ندم انا نصحتج وانتى على كيفج

عورت قلبي كلمة جديمه

**NoOone** · 2012-01-08, 17:29

يعني تعرفين انه زوجته الاولى ما تعرف وعادي عندج!!!

الدنيا دوارة

**كرعونه1** · 2012-01-08, 21:06

واحد مايستحي على نفسه ، اسمحيلي على الكلام بس انتي كيف ترضين يقولج حرمته صارت
قديمه شو هي موتر خلص موديله ، انتي حطي نفسج مكانها عادي عندج ريلج عقب العيال
وعشرة العمر يقول عنج قديمه واحد ماعنده دم ، رفع ضغطي

**مرآآيم** · 2012-01-09, 02:06

على قولة خوآتنآ المصريين

امشي في جنآزة ولآ تمشي في جوآزة ^^

بآجر لو عرس ومآ عيبته بيقط اللوم عليج ، وحرمته اليديدة لو مآ ارتآحت بتقط اللوم عليج
وغير عن جيه حرمته الأولى بتقط اللوم عليج

لآ تخربين حيآة أسرة
لو الحرمة الأولى فيهآ عيب شرعي جآن بنقول من حقه
بس إنهآ جديمة ؟؟؟
هالشي مآ يرضى عليه رب العآلمين

وخري عن هالسآلفة وخل هو يدبر أموره

**فاطمه 22** · 2012-01-09, 02:10

مادام السالفه فيها عوار راس ابعد عن الشر وغنيله قوليله خل حد غيرى يكلمها ونصيحتى انها ما توافق والله لو بنوافق على الشواب كان من زمان معرسين ههههههههههههههههه

**مالتيزرس** · 2012-01-09, 07:11

نصيحة مني ابعدي عمرج عن الموضوع ، وبعدي عمرج عن الحنة والطحنة ، وعقب يتمون يدعون عليج طول حياتهم . روح بعيد وتعال سالم ،

**hanoOOody** · 2012-01-09, 11:54

الافضل انج ما تدخلين نفسج في الموضوع
خص هالامور احس صعبه
باجر لو استوى شي لا سمح الله بيردون عليج
وهو مب صغير بعد عشان يتشرط هالكثر

الموضوع: معرس في الخمسين

أدوات الموضوع

عرض

العرض المتطور