المعرس اصغر مني!!!

**حلووووة** · 2011-12-31, 22:23

عطوني رايكم متقدملي واحد اصغر مني باربع سنوات بالضبط

وانا خايفة اوافق وبعد خايفة ارفض واتم فبيت ابوي طول عمري

وهوو عادي عنده ما مهتم بالعمر بس انا احاتي هالنقطة

طبعا بالشكل انا اصغر منه بوايد شكله كبير

شورايكم بموضوع العمر ياثر ولا عادي واللي عندها تجربة تخبرني اتشجع ولا ابطل .....

المزيد من آخر المواضيع من نفس القسم:

**mini_bunny** · 2011-12-31, 22:28

حبيبتي اذا مرتاحه له وافقي
انا بعد مرت اخوي اكبر منه بخمس سنين عادي بعدين احسن اترومين له ^ *
انا ريلي اكبر مني وماكلني اكل كله ا يا حظج

**مجنونة الملكه** · 2011-12-31, 22:31

مرحبا اختي...بكل شرف أرد ع موضوعج..اسأل الله لج التوفيق والسداد لما يحبه رب العباد..

ثانيا انتي مو أول انسانه بهالدنيا يتقدم لها شاب اصغر عنها..وانا اقسم لج بالله ان بنت عمي متزوجه واحد أصغر عنها بخمس سنوات وعايشين ولله الحمد في قمة الراحه والسعاده..والأكثر من ذلك انهم عايشين برا الدوله..فهل تتخيلي ان شاب اصغر من حرمته يتزوج وينجب ثلاثة اطفال ويكون في قمة المسؤليه عنهم...

لا توقفي عند هالنقطه...صلي الاستخاره وهي عماد الاختيار والرضا من الله..وثانيا اوقفي عند اخلاق الشاب ودينه وانسي كماليات الدنيا اللي رح تودينا في داهيه..

بالتوفيـــــــــــــــــــــــــــــــــــــــــــ ق يا قلبي

**دلع 2009** · 2011-12-31, 22:35

انا اشوفها عادي الرسول صلى الله عليه وسلم كان متزوج خديجه اكبر عنه

وبعدين الريال مب بالعمر بالاخلاق والادب وانا اشوفها عادي

واحسن شي اختي استخيري لربج مره ومرتين وثلاث وبعدين توكلي اذا الله مخيرج له تراج بتكونين من نصيبه واذا الله مامخيرج له بيصرفه عنج

والله يوفقج اختي ويسعدج دنيا واخره

**moonuae143** · 2011-12-31, 22:47

السلام عليكم

اختي في البدايه صلي استخاره وشوفي اخلاق الريال وطبايعه .. اذا ارتحتي لهالامور اتوكلي على الله ولا تترددين ..

ولا اتخلين موضوع العمر سبب رفض الزواج .. اعرف وايدات ما شاء الله متزوجات وريااييلهن اصغر عنهم .. لكن الحمدلله متوفقات في حياتهن .. وانا تراني مثلج اللي متقدملي اصغر عني ههههههه والحمدلله على كل حال ..

اتوكلي على الله ومبرووك مقدما وبشرينا ان شاء الله وخلينا نسمع خبر ملجتج قريييييييب ياارب ^^

عسى ربي يوفقج ان شاء الله ويتمم لج على خير

**حفيدة المل** · 2011-12-31, 22:58

توكلي على الله الغاليه ووافقي بعد الاستخاره طبعا^_______^
_

**فديت ماماتي..** · 2011-12-31, 23:54

استخيري حبيبتي

ربي يوفقج

**شيخه بمعانيها** · 2011-12-31, 23:57

اذا مقتنعه فيه وافقي ^^

اعرف وحده اكبر عن ريلها بسنتين .. بس تبين كتكوته جدامه وعندها 2 منه ومرتاحين الحمدلله =)

يعني مايخصه العمر .. بس ع حسب عقليتج ..
مثلا لو ياني واحد اصغر مااظن بوافق

**مبدعة الجمال** · 2012-01-01, 01:21

موووووووووووووفقه حبيبتي

**عائشة الزعابي** · 2012-01-01, 01:30

صلي الاستخاره وتوكلي على الله

**rozee** · 2012-01-01, 02:42

الله المستعان

**المزيونة2002** · 2012-01-01, 03:39

استخيري وجوفي النتجية
وربي يوفقج

**عشتار** · 2012-01-01, 03:47

تريدين نصيحتي وعن تجربه لاتاخذين واحد اصغر منج لعدة اسباب
بأول 5 او 10 سنين الاولى ماراح يبين شي....لكن بعد الحمل والاولاده والتربيه والتعب
راح يبين فرق العمر .... والرجال راح يشوف نفسه عليج بعد فتره لانه يعتبر نفسه مميز عليج
حتى لو كنتي انتي افضل منه باطباعك واخلاقك وتصرفاتك .. وانتي راح تتأذين اكثر منه لانج دائما راح اتحسين بنقص اتجاهه ... انا اخويه متزوج اكبر منه وبعد زواج 15 سنه وعلاقتهم كانت عادي وماحس بفرق العمرالحين كاعد يدور على مره ثانيه ,,,,, يكول عاجبني اتزوج مره اصغر مني ومن هاي القصص الي كل الرجال عندهم نفس الافكار
\وعلى كل حال انتي استخيري عل وعسى يكون متختلف عن الباقين
واللي تكول الرسول عليه الصلاة والسلام تزوج اكبر منه \حبيبتي هذا الرسول ... مش مثل بقية البشر ..منو يلحقه باخلاقه وعدله وانصافه
موفقه يارب
يكول والله

**نسيم الليل37** · 2012-01-01, 03:52

مممم

يعتمد ع تفكيرج حبوبه

ربي يوفقج

**وحييدهـ** · 2012-01-01, 04:24

ربي يوفقج خيتووو

الموضوع: المعرس اصغر مني!!!

أدوات الموضوع

عرض

المعرس اصغر مني!!!

المزيد من آخر المواضيع من نفس القسم:

المواضيع المتشابهه

ام المعرس

أخت المعرس---->و المعرس----> وعروسة راك أرض الأحلام