طمنوني

**ايام حلوة** · 2011-12-29, 12:54

السلام عليكم خواتي شحالكم امس سرت العيادة عشان الدورة كملت تسع ايام ويوم جيكت طلع ع مبيض واحد كيس ماي قياسه اربعه سانتي قالتلي عادي لاتحاتين فوق الخمسه يكون في خوف وقالتلي اتريي الين الدورة الثانيه وبشوف وعطتني حبوب توقف الدورة بس انا تميت احاتي طمنوني الله يطمنكم وانا ناويه احمل دعواتكم لي

المزيد من آخر المواضيع من نفس القسم:

**صدى الغربه** · 2011-12-29, 13:13

لاتحاتين اختي . هالادويه اللي عطاتج اياها بتنزل الكيس ان شاءالله ..

بس المشكله مثل ماقالت لج لما ايكون حجمه كبير

كان عندي كيس دم .. وطبعا هو اخطر عن الماي .. وكان حجمه وايد كبير .. لكن الحمدالله لو اني اكتشفت هالشي متأخره .. لكن الحمدالله خوزته قبل لا ايطوف الوقت ..بالمنظار..

وربي ايعافيج ويرزقج بالذريه الصالحه ..

اللهم امين

**دانه م** · 2011-12-29, 15:55

كيس الماي يروح بالادوية انا طلعلي كيس دم وشالوا المبيض لان حجمه عود اهم شي دوم شيكي لا تطنشين الموضوع الله يشفيج

**امووووره** · 2011-12-29, 17:03

أختي عليج بالقسط الهندي وراح ينزله في شهر وربي يعافيج

**أحبه الغالي** · 2011-12-29, 17:16

لاتحاتين ان شاء الله مع الادويه يروح وغالبا على دوره الشهر الياي يكون نزل

**شموخ111** · 2011-12-30, 09:37

اطمني حبوبه دامه اقل عن ال 5 سانتي
لااااا تحاتين ابدا
انا كنت نفسج والحمد لله مع الدوا اللي عطتني اياه الدكتوره نزل ومافيه اي شي

**بلا موونه** · 2011-12-30, 14:29

لاتخافين الله يشفيج ان شاء الله بس اعرف وحده كان عندها كيس واااايد كبير وقالولها لالالالالالالازم عمليه وسوت الله يعزكم تحاميل الملح وراحت لوحده تمسحها وافتكت الحمد لله وراحت قالولها شو سويتي؟؟؟؟؟؟؟

**ايام حلوة** · 2011-12-30, 16:18

والله احاتي دعواتكم لي خواتي

**ليندااااا** · 2011-12-31, 20:09

لللللرفع

**ايام حلوة** · 2012-01-01, 11:49

خواتي اليوم ثالث يوم من خذت الحبوب البارحة وقفت اليوم ردت والله احاتي طمنوني أخاف الكيس يكبر ولاشي تنصحوني شو احسن دكتورة وبسيرلها

**عشتار** · 2012-01-02, 10:31

الله يشفيج ويعافيج يارب

**أمورة** · 2012-01-02, 13:28

الغاليه ماعندي فكره

بس الله يطمن قلبج و ان شاء الله ما عليج شر

**ام محمد81** · 2012-01-02, 13:38

الله يعافيك و يشفيك ويطمن قلبك
خلي ايمانك قوي و ادعي رب الناس ان يذهب الباس

الموضوع: طمنوني

أدوات الموضوع

عرض

طمنوني

المزيد من آخر المواضيع من نفس القسم:

المواضيع المتشابهه

طمنوني

طمنوني

طمنوني

طمنوني

طمنوني