هل يحق للزوجه اطالب زوجها يرجعلها البيزات الي صرفتها على البيت

**اميره UAE** · 2011-12-26, 16:41

هلا خواتي بغيت اسالكم انا ربيعتي زوجه ثانيه و عندها عيال بس ريلها ما يصرف عليها يوم يتضاربون و غير هذا المصروف الي يعطيها ما يكفي فهي تضطر تشتري اغراض للبيت من الكريديت كارد و الحين متوهقه لان الكريديت كارد مافيه بيزات و هذا كله بسبه ريلها ، الحين هي ملت من هالحاله و تبا توكل محامي علشان يجبرون ريلها يرجعلها بيزاتها و غير هذا يصرف عليها مثل الناس بدون ما يذلها ، الي قاهرني ان ريلها انسان غني و عند خير بس المشكله وايد يحب يذل ربيعتي .

سؤالي يحقلها اطالب ببيزاتها و لا لأ لانها متزوجه وعلى ذمته وشكرا

المزيد من آخر المواضيع من نفس القسم:

**al7alma** · 2011-12-26, 16:47

الله اعلم بس اللي اعرفه ان يصير تاخذ من فلوسه بدون علمه لسد احتياجاتها
وهالشي مايعتبر سرقه بعد *

*** ام خماس *** · 2011-12-27, 00:12

هلا الغاليه .. الدليل مهم في القضايااا

والمشكله انهاا هي الي صاارفه البيزات فماا اعتقد ا المحكمه يتحل لهااا هالنقطه

لكن يمكن يحكمون لهاا بمصروف شهري من زوجهاا لو المحامي قدر يثبت ان زوجهاا ما يصرف عليهااا

بس الافضل انهااا تحل المسأله بعيد عن المحاكم بالاول يمكن يلين قلب زوجهاا عليهاا ويرد بيزاتهاا

الله ايسر الامور ويهدي النفوس ياارب

**"زوزو1"** · 2011-12-27, 08:32

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه

**hanoOOody** · 2011-12-27, 08:34

الغلا ما اعتقد تقدر تطالب لانها صرفت برضاها والله اعلم
اما اللي انا اعقتد انها تقدر تطالب به هو مصروف شهري ملزوم هو به
والله يسهل عليها ان شاء الله

**شيخه29** · 2011-12-27, 08:37

لا اله الا الله نصر عبده واعز جنده وهزم الاحزاب وحده

**مبتسمةمتفائلة** · 2011-12-27, 08:38

لو معاها الفواتير اللى تثبت تقدر تقدمهم و تاخذ نفقه شهرية تحددها المحكمة و يا ويلة لو ما اعطاها النفقة او نسي يسوي لها ايداع المحكمة تتطرش له انذار فورا
يعني باختصار تجدر تاخذ حقها بكل سهولة

و هذا جزاة زوج الاثنين

**أم حمدة2008** · 2011-12-28, 01:27

الله المستعان ...

**وينك ؟؟؟** · 2011-12-28, 12:05

ما تقدر اتطالب فيهم لأنها صرفت برضاااااااهاااا

**اميره UAE** · 2011-12-28, 20:46

هلا ربيعتي عندها فواتير تثبت انها دفعت بيزات من بطاقتها مال البنك ، هي دفعت لانها مجبوره شو بتسوي ريلها ما يصرف عليها كيف بتعيش عيالها ؟!!

**وينك ؟؟؟** · 2011-12-29, 10:59

صح بس كانت تروم ترفع قضية عليه وما تصرف مب العكس تصرف بعدين ترفع قضية !!!!!!

**وحييدهـ** · 2011-12-31, 04:00

اتوقع ما تقدر لانه ما جبرها

ربي يوفقها

**احساس-بسمة** · 2012-01-03, 08:58

بسم الله الرحمن الرحيم
انا اشتغل بالمحكمة -وتجيني نوع من هالقضايا-بس من مطلقات
طبعاً لا ما تقدر تطالب بهالشي الا في حالة وحده اذا كانت مطلقة وملزوم ريلها على دفع النفقة ما تقدر غناتي واذا بتصرف على البيت ترا هذا بيتها بس الغلط منها هي ليش عودت ريلها على هالشي -

الموضوع: هل يحق للزوجه اطالب زوجها يرجعلها البيزات الي صرفتها على البيت

أدوات الموضوع

عرض

هل يحق للزوجه اطالب زوجها يرجعلها البيزات الي صرفتها على البيت

المزيد من آخر المواضيع من نفس القسم:

للرفع

المواضيع المتشابهه

تحتجز زوجها في البيت !!!!!!!

كيف تكسببين زوجك وبدون تعب ومشقه <<افكار للزوجه ان فعلتها امتلكت بها قلب زوجها

شو علاقة انفاق الزوجة على البيت و ..... زوجها

هل للزوجه حق بأنها تغاار على زوجها او لا...!!!!

دعاء للزوجه لصلاح زوجها وحل مشاكلهم