أحس عمري متلخبطه

[ابدويه بطبعي]

السلام عليكم ورحمة الله وبركاته
شخباركم؟ عساكم ما تشكون باس !


صدق احس عمري متلخبطه
احتمال عود عرسي يكون شهر 2
واحتمال بسيط يكون في الصيف


احس عمري متلخبطه
مب مجهزه شي ، ولا ولا شي
ومب مستعده كله فيني الصيحه


مب عارفه اعبر عن شعوري
حاسه بفرح ع خوف ع ضيج
مب قادره افهم شو هالشعور

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كرعونه1]

نفس شعوري فتره الي قبل الزواج تحسي نفسج تسرحين وماتاكلين وماعرف شو ،،،،،،؟ بس شو العرس شهر ٢ او ٧ شتان بينهم هذا في الشتاوهذا في الصيف ، اقول سيري اليوم جهزي شكلج باجر بتعرسين وانتي موحاسه  اسولف.

[أحساس عيميه ~]

امممم السلام عليكم

اممم اكييد كل حد بيحس بهالشعوور لقرب العرس ولا اي شي بس انتي ما اتفقتوو على يوم العرس؟ لازم هالشي عسب تكونين مستعده نفسياا وكل شي لحياتج اليديده ومبرووك حبيبتي والله يهنييكم ياارب وعقباال البنوتاات والكل بالزوج الصاالح .. مثل ماقلتلج اتفقووو قبل كل شي عسب ما تنحطين ف مواقف صعبه بالنسبالج ^^

[ابدويه بطبعي]

تعرفن شو اللي صاير

نحن نبا في الصيف > اقصد انا واهلي

هو مستعيل يقول الصيف بعيد

وخلاص خذ البيت وبدا يأثث وكل شي

[قلب طفله*]

اتفقواا على التاااريخ ماماتي و ما علييج الصراحه شهر ٢ واايد حلوو لانه فترة سيل فالمولاات و محللات واايد و بتحسيين عمرج خلصتي بسرعه

اهم شي النفسيه و دوم صلي استخااره لو محتااره بشي


ربِّ انزع من قَلبي

تِلڳ الآشياَء التِي تُؤلمني ~
　
ربِّ اجعَل ليّ سُلمًا بينَ السَماء ۆالآرَض أصعَد بِه إليك كلّما ضَاقت بيّ الآرَض ~
　
ربِّ أنا أمَتُكَ الضعيفة فاجعل ليّ مَلَكًا بجواريّ يُربّت على كتفيّ كلّما
خابت بيّ الظّنۆن ،

اللهم لقد خابَ ظنيّ بهم واحدًا تلو الآخر !
و الظن بكَ لا يخيب يا ربّ العرش العظيم


استغفر الله استغفر الله
استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله
استغفر الله
استغفر الله
استغفر الله
استغفر الله

　
ربِّ امنحني فرحًا كبيرًا يسعنيّ
ربِّ اجعل السماء ليّ وطنًاربِّ اجعل السماء ليّ وطنًا رحبًا
لا يضيق فيه صَدري ~
　
ربّ أنتَ القريب , و الصاحب ..
أنتَ المُجيب , و السَامع ..
ف آرحَم ضَعفي يّ الله
ۆحقق ليّ رآحة فإنيّ بحاجة إليهآ
　
ربِّ عوّضني عن تلكَ الأفراح الواهية
بأفراح تَبقى ..
　
ربِّ انزعهآ من قلبي
تلك الخيبَآت </3 !

[ابدويه بطبعي]

إن شاء الله حبيبتي ، هيه أكيد الامور بتوضح في هالكمن يوم

[تاجرة السعاده]

اول شي مبروووك حبيبتي

الله يسعدج ويتمم عليج بخير

سويلج لسته وقسمي الفلوس على اللسته اللي بتسوينها


وابدي كل يوم روحي مشوار وتشري


المعرس مستعيل .. خلاص لا تحرقون فرحته


ان شالله بتخلصين امورج كلها قبل العرس


بس لا تنسين تعزميناهههههههههههه اسولف

[totoo]

و عليكم السلام و الرحمـة ،،

عادي يالغالية هذا شعور أي عروس .. التوتر و التفكير يتعب أعصابها ،،
انتي استرخي و استهدي بالله ،،
و امسكي ورقة وقلم و اكتبي مخططاتك عليها ،، و شو ناوية تسوي ،،
وابدئي جهزي من الحين ،،
عشان اذا العرس شهر 2 تكوني مستعدة وماتنضغطي آخر الوقت ،،
و ترا الصيف بعيد خخخ اذا هو مستعد حاليا وكل شي جاهز توكلوا على الله و عجلوا الموضوع
ترا الخطبة اذا طولت تصير مملة >< برأيي

والله يتمم لك على خير يارب ويوفقكم ~

[ابدويه بطبعي]

تاجرة السعادة: ههه من عيووني ، ان شاء الله كلكن معزومات

تووتوو: صح الخطبه الطويله ممله ، ومثل ما قلتي لازم أرتب أفكاري

[هزووفه]

الله يتمملج على خير

[عيناويه جادة]

نفس حالتي تقريبا
الريال مستعيل ع العرس بس الحمدلله فالنهايه حددنا العرس بالصيف عسب اتفيج للعرس عقب دراستي ^^
انتي فالبدايه خذي ملف الزهبه انا طرشتلي اياه وحده يزاها الله خير فقسم العرايس طلبته وارسلته لي ع الإيميل
وعقبه خذي الأغراض تحتاجينها من خلاله وزهبي عمرج وحطي ميزانيه لكل شي
وشوي شوي بتلاقين عمرج خلصتي حبيبتي ^^

هالإحساس انا حسيته بعد كله خايفه ومرتبكه واحس السالفه عوووده وبصيح لكن يقولون عقب الزواج تضحكين ع عمرج وتحسين انج بالغتي بخوفج ^^

الله يتمم لج ويتمم لي على خير ويرزق اليميع إن شاءالله

[dnyailwalah]

لازم الغاليه توكلين حد يتاكد من هل المعرس وتعرفين متى بالضبط لان عندج وايد امور دقيقه تحتاجين فيها لحجز مثال الماكييرة والتسريحة .. وفستانج لازم كل شيء بوقته .. من غير انج تبدين وتسوين كورس لجسمج او اشتراك في صالون او مركز يسويلج كل شغلاتج ويهتمون فيج لين العرس

[Cute Vip]

الغالية
يمكن احاسيسج هاي بسبة انج مب مجهزة شي
ابتدي اكتبي احتياجاتج كلها في ورقة
وابتدي فيها من اليوم وعقب كل هالتجهيزات بيقل هالاحساس بنسبة 50%
الحين تحسين انج ضايعة والعرس قرب وانتي ماتعرفين شو تسوين وما في اي شي جاهز
الغالية لا تخلين هالاحاسيس تغلب الاستمتاع في التجهيزات...
فرحة العمر مرة فاستغليها
والله يوفقج غناتي

[عبيرستايل]

بالتوفيق الغلا

[نبض غاليها]

من يتحدد العرس بترتاحين

شعور ظبيعي كلنا عشناه

لا تحاتين

ايام حلوة بتكون