طلب لتنفيذ الفكرة

**miss 2ta** · 2011-12-22, 06:30

مرحبا حريمات ..

عندي فكرة وابي حد ينفذها او يزيد عليها شوية بهارات ..
لاني توني مربية و مخي مقفل =(

ييه ببالي اسوي استبيان لزوجي "حسستكم بشي"!! خخخخخ

المهم.. اسوي استبيان واعرف انا كيف و بطريقة حلوة وبعيدا عن الزعل والهواش

ومن كل النواحي.. الطبخ والكشخة

والترتيب

و الاهتمام فيه و طاعته و معاملتي له

.....الخ

ومن خلاله سنعمل على تحسين جودتنا لننال رضى بو وزار و فانيله "مع انه من سابع المستحيلاات"

ادري حسستكم انكم بمستشفى بشركة بلقاء تلفزيوني حسوا باللي بتحسونه =)
المهم تقولون لي شرايكم تنفع ولا تفشل ؟؟

بس هاا اذا طبقتيها وريلج قال لج والله ماتعرفين تطبخين ولا ماتعرفين تكشخين مب تقومين تزعلين و تدعين علي

وعلى فكرتي الجهنمية هههه

المزيد من آخر المواضيع من نفس القسم:

**tawam_roo7e** · 2011-12-22, 07:32

هلا اختي ..

شحالج عساج طيبه والحمدالله على سلامتج ويتربى ف عزكم المولود ..

بقولج رايي في فكرتج وانتي على راحتج

انا ما ايدج تسوين هالشي تعرفين ليش لانج تبينين ضعفج له يعني انتي سوي اللي عليج من دون ماتقوليله ها شو رايك فيني وكيف الطبخ وكيف البيت والعيال ..!!

لازم تخلينه هو اييج ويقولج يزاج الله خير وماقصرتي على اللي سويتيه ..بعطيج مثال

لو تقولين لريلج دوم قولي احبج يلا قول..!!!

هو اكيد بيقول لج لكن يوم تي من عنده من دون ماتجبرينه على هالشي يكون شعورها غير صح والا ..!!

هذا راىى وان شاء الله تتقبلينه

**مغرورة الجمال** · 2011-12-22, 07:45

فكرة حلوة..
لما تطبقينهآ و تبين لج نتيجة الاستبيآن انتي في شووه مقصرة ~
في وقتها اكيد لازم تتشغلين ع نقاط الضعف اللي عندج او التقصيييير بمعنى اخف ^^ ..
و المفروض الزوج يجاوب عليها بكل شفافية ..
يعني ينسى ان الاستبيان منج و يجاوب على كل الاسئلة من غير لا يتأثر بوجودج ..
على اساس تحصلين بالنهاية اجوبة صادقة و صريحة بنفس الوقت ..
امم ما عندي اضافة ع الفكرة ان شاء الله البنات يفيدونج =]
ربي يوفقج~

**MOON_AD** · 2011-12-22, 08:19

اعذريني على صراحتي بس ما حبيت الفكره

انتي بهذي طريقة تفتحين عينه على اشياء يمكن يكون مو منتبه الها بس انتي نبهتيه

وبتحسسينه انج في مدرسة لازم يكون كل شي بيرفكت وما في اي تقصير

الحياة مشاركة اخذ وعطا

وصدقيني لو قالج انتي مقصره في هذا شي بتضايقين وااايد وهذا شي طبيعي وبتفتحين على عمرج بيبان انتي في غنى عنها

وصدقيني لو هو يشوف تقصير بيتكلم لو ما تكلم بيلمحلج على الاقل

واالسموحة منج

**حلوة واموره** · 2011-12-22, 10:09

ما حبيت الفكرة

**هزووفه** · 2011-12-22, 13:53

بالتوفيق حبوبه

**بنت الشوامس 2** · 2011-12-22, 13:57

خخخ حلوه الفكره بس يلي هب معرسااات شو حل ويااهن هع

**سما بغداد** · 2011-12-22, 14:09

ما انصحج حبوبة

**أم الشيخ سعيد** · 2011-12-22, 14:55

انا رايي من راي الخوات لا تفتحين عينه ههههههه

من تعاملج وياه بتعرفين الجواااااااااااااب بدون ما تسوين استبيان

**اخر قر!ري** · 2011-12-22, 15:13

بالتوفيييج

**بقعة ضوء** · 2011-12-22, 15:23

انا رأي من رأي البنات عشان لاتندمين انسيها الفكرة

**tresor** · 2011-12-22, 15:44

هم جذا ومتخبليين بعد تسوين استبيان كل العلييييييل بيطلعها لج ^^

ما انصحج

**miss 2ta** · 2011-12-22, 19:55

اشكر مروركم ونصايحكم خواتي ..

**الوردة الجورية** · 2011-12-22, 22:23

الزوجة الذكية هي اللي تحسس زوجها انها بيرفكت في كل شي حتى لو في الواقع مقصرة
مش كفاية الحمل والولادة والسهر والطبخ والنفخ ولازم بعد نكون متعدلات طول الوقت ولابسات!!!! هو الريال شو شغلته في الحياه؟؟؟؟؟؟!!!! يروح الدوام؟؟؟ اذا يداوم بعد
الحرمة تسوي كل شي المفروض الريال هو اللي يسأل زوجته قاصرنج شي؟؟؟ قصرت معاج في شي؟؟؟
صح كلامي والا غلطانة؟؟؟!!!

**راحت أيامك** · 2011-12-22, 23:35

الله يوفقج

وخبرينا بالنتيجة ^_^

الموضوع: طلب لتنفيذ الفكرة

أدوات الموضوع

عرض

العرض المتطور

طلب لتنفيذ الفكرة

المزيد من آخر المواضيع من نفس القسم:

المواضيع المتشابهه

كيف تختار الفكرة المبتكرة

شو رايكم في الفكرة

محل لتنفيذ العبايا

شو رايكن في هذي الفكرة؟............................