خطيبي !

**خلود الشوق** · 2011-12-19, 19:43

مرحبا اخواتي العزيزيات

خطيبي وايد أحيانا يوم يتكلم بالعربي الفحصى خخخخ

استغرب مرات اتحسبه يستهبل هو جي دو طلع

هو دارس قانون ومابقاله شي ع التخرج

هل راح يتغير ولادم بيتم جي

ومن ناحيه أخرى هو مايحب يسولف وكله ساكت ولو بيتكلم بيتكلم عن دراسته في الجامعة او عن سيارات احيانا واحيانا لو يغير سالفه يتكلم عن الحياة وشو فايده نحن عاشين ويسأل اسئله غريبة يقول شو سبب الحياة والبشرية خخخخ وشو بعد الموت اونه يحب يتعمق في اسباب الحياة والكون ع قولته حد يكلم خطيبته جي احسه يبى يعرف ردي جي ويوم اسولف انا عن سوالي احسه يمل بسرعه ويبى يصك ويعترف انه مايصلي من مده طويلة بس يبى يغير هالشي فيه ويلتزم بصلاته واستغفر الله يعني

ويقول انه ما يحب يدش سينما غير اخر عرض ساعه بالليل12 وانا اقوله دخل عرض اللي قبل يقول وقالي اليوم كاش لا تفرضين اي شي عليه

احسه احيانا انسان مب سوي مع انه بيتخرج من الجامعة وع قولته بتقدير جيد جدا وبعدين وهو يعترف انه مزاجي خخخخخ

ويقول انا مارتاح مع الناس السطحيين حسيت انه كان يقصدني! وعسب جي يبى يعرف ردودي باسئلته الغريبة العجيبة

!!!

المزيد من آخر المواضيع من نفس القسم:

**bellegirl** · 2011-12-19, 19:51

لا حول ولا قوة إلا بالله

غاليتي

شكله خطيبج من النوع الفيلسوف

بس شي عادي انتم بس مخطوبين أختي فلا تتريين منه كلام حب وغزل ^^!!

وأحس بعده الوقت عسب تحكمين عليه

أمــا بخصوص صلاته فالصلاة عماد الدين

ما أعرف شو أقولج بهذا الخصوص لكن الصلاة عمــــــــــــــــــــــــــــــــــاد الدين

ووكلنا نعرف حديث إذا جاءكم من ترضون دينه وخلقه فزوجوه

الدين اساس أختي وانتي طبعا هذي حياتج وهذي قراراتج

و ربي يوفقج أختي

۩ ۩۩ ۩۩ ۩۩
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
۩ ۩۩ ۩۩ ۩۩ ۩۩ ۩۩ ۩۩ ۩۩

**شعاع امل** · 2011-12-19, 19:53

اممممم

اتصور انه مب سيئ ولكن محتاج حد يساعده يعني موضوع الصلاة لازم له سبب

وبعد موضوع تساؤلاته غريبة يعني شكله في شي ناقص في فكره ومحتاج يلاقيه

يعني هو يفكر بالحياة بالدنيا كيف وليش يعني من النوع المحلل

يعني ممكن اشبه حالته بالمراهق

**خلود الشوق** · 2011-12-19, 20:02

مشكورات اخواتي

ويقول لا تلبسين شي ع راسج لو سافرنا شهر العسل او اي مكان !!! يقول هاي رغبتي والحجاب مب رمز على أدب المرأة ؟

مع انه يسمع اناشيد ويقول يحب يقرى الكتب الدينية والادبية والتاريخية !!!!

وع فكرة هو وايد شكااااك ويفسر الامور دايما على هواه !!! ويقول لازم كل منا يتم له حيز من الخصوصية بس ع قولته يعني انه الريال يحق له ببعض المغازلة ؟

أتوقع فيه مشكله صح !

**شعاع امل** · 2011-12-19, 20:10

المشاركة الأصلية كتبت بواسطة خلود الشوق

مشكورات اخواتي

ويقول لا تلبسين شي ع راسج لو سافرنا شهر العسل او اي مكان !!! يقول هاي رغبتي والحجاب مب رمز على أدب المرأة ؟

مع انه يسمع اناشيد ويقول يحب يقرى الكتب الدينية والادبية والتاريخية !!!!

وع فكرة هو وايد شكااااك ويفسر الامور دايما على هواه !!! ويقول لازم كل منا يتم له حيز من الخصوصية بس ع قولته يعني انه الريال يحق له ببعض المغازلة ؟

أتوقع فيه مشكله صح !

لا موضوع المغازلة وموضوع الحجاب هذا خط احمر مفروض

واتصور هذا مخرب عليه الصلاة

هو يفكر شكله بهالامور

صح يمكن يحب تخصصه بس شكله بعد له افكارة وخصوصياته

**هوى الروح** · 2011-12-19, 20:05

كيف يدرس قانون و ما يصلي ؟؟

اذا يا وقت صلاه و انتي تكلمينه قولي اخاف اموت و انا ما صليت بقوم اصلي و سكري عنه

بيحس بعمره ^^

و يفكر بالحياه و هو ما عارف انه الحياه لعبادة ربه قبل كل شي

و شكله لعوب >< كيف ما سالتو عنه قبل ؟؟

انصحي و اذا زعل قولي ادور ع مصلحتك قبل مصلحتي

الله يعينج ^^

**هوى الروح** · 2011-12-19, 20:07

اسمحيلي اقولج

انج وايد تالفين ها مب كلام واحد يقرا دين و هالسوالف و ما يصلي

لا طاعه في معصيه

انفصلي احسن

او انج اكيد تخرطين ع البنات

ههههههههههههههههههه

**fifi_girl** · 2011-12-19, 21:07

المشاركة الأصلية كتبت بواسطة هوى الروح

اسمحيلي اقولج

انج وايد تالفين ها مب كلام واحد يقرا دين و هالسوالف و ما يصلي

لا طاعه في معصيه

انفصلي احسن

او انج اكيد تخرطين ع البنات

ههههههههههههههههههه

أرتقي بأسلووبج حبوبة !

**Glamorous.L** · 2011-12-19, 20:09

بالنسبه للصلااه مثل ما قالت بيل قيرل، الصلاه عماد الدين

بالنسبه للاسئله اتوقع انه وصل ثقافه معينه يريد حد يناقشه و يتحدى تفكيره

فاظن انه يجس نبضج يجوف شكثر ثقافتج

مرت عليه هالحاله من قبل فوحده من ربعي خخخخخخخ

تسأل و تنبش و فلسفه و تتريا الوحي ينزل علينا بس عشان تروي عطشها فالتفكير

امممممم هالنوع يكون صعب الواحد يرضيه من ناحية المقارنه بين مستوى التفكير و الميول

اقول هالشي لان ربيعتيه خضت واحد تعليمه بسيط و هيه نفسها الي كانت تفكر و تتفلسف

عانت معاه و فاسلوبه و تفكيره طبعن لان تفكيرها فصوب و تفكيره فصوب ثاني

دامج فالخطوبه حاولي تجوفين شو الاشياء الي يقتنع فيها و لكن حاولي انج ما تعطيه الفرصه يهمشج

**خلود الشوق** · 2011-12-19, 20:09

مشكورة اختي بس هو يدرس قانون مب شريعة ..!!! ع قولته شوي من واد الشريعة بس !

ويقول دايما يدخل في نقاشات مع بعض طلاب الشريعة !! يقول انا ما بجامل بهالبشي صلاه حق ربي وليش اقص عليج قالها بالحر واحد انا ماصلي صارلي فتره طويلة وكل ما قول ببدا ويقول صارله يأجل الموضوع من اول سنة جامعة له ويقولها بكل برود !! بس احس انه شكله يتعذب داخليا وهالشي اللي مخلني اتعاطف معاه !

مشكور يا اختي هوى الروح يعني انا شو بستفيد من الخرط والله بربح جايزة !!!ّ بس انا مستغربه من اللي يصير وكلامه غير منطقي الله يسامحج بس ! ومستغربه منج من هالرد !
هو يقول انه ما يصلي وبنغس الوقت يقول انه يحب يقرى كتب دينية تاريخيه و ماذكر بعد والله مالومج ادري الموضوع محير وانا محتاره اكثر والله مستعان انا بس حبيت اخذ ردود واخذ رايكم مب أأأأكثر

**سفيرة دبـي** · 2011-12-19, 20:11

بعيد انه خطيبج و ما يجوز انج ترمسينه الين تملجون و تكونين على ذمته ( والله اعلم)

عالعموم
زين انه يسولف لج عن هالامور و ما تتطرق لامور جانبيه تسيئ لج ك بنت و تضايقج

و عن الصلاه ف قراره نفسه عارف انه هالشي ما يجوز و عارف الايات و الاحاديث الي تدل

ع هالشي لدراسته

بس حفزيه معاج صلو يميع يعني نفس الوقت و بيتعود و شي طيب منه انه

خبرج و ما خش عنج .. ولا بدأ ف اسرار

و ان انتي سطحيه ف عينه تفلسفي فوق راسه و بيحس شويه

لكن نصيحه عزيزتي لتجنب الحرام رمسي بعد الملجه و ريي يصلح باله و يهديكم و يهدينا جميع ..
*

**أم حمدة2008** · 2011-12-19, 20:12

ناقص الدين أبدا لا تفكرين تتزوجينه بتتعبين وياه وخاصه إنه يقولج ما يصلي !! ولا تفرضين رايج علي ! الحياة الزوجية مشاركة وتعاون وتفاهم ...

**خلود الشوق** · 2011-12-19, 20:18

مشكورات اخواتي ع الردود

بس رد الاخت صدمتني قبل شوي لكن انا مالومها ^

انا فقط حبيت اعرف هاي الشخصية سويه أو لا ؟؟؟ حبيت اخذ ارائكم لا اكثر

هالامور مصيرية لانها

اشكركن مره ثانية !

**هوى الروح** · 2011-12-19, 20:21

حبيبتي لاااا طاعه في معصيه الله

حتى لو امج و ابوج قالولج افصخي الحجاب ما تفصخين

**خلود الشوق** · 2011-12-19, 20:28

شكرا اختي انا عارفه هالشي اكيد ! ومستحيل لا طاعة لمخلوق في معصية الخالق !

الموضوع: خطيبي !

أدوات الموضوع

عرض

العرض المتطور

خطيبي !

المزيد من آخر المواضيع من نفس القسم:

المواضيع المتشابهه

خطيبي ....

خطيبي ..

انا و خطيبي

خطيبي خطيبي خطيبي ؟؟