الجزء الثانيـ : مفاجأه تخصيص راتب شهري لربات البيوت ...

[مراسيل الوفاآ]

سويت اقتباس لردي الثاني ...اتمنى الخير للكل
ربات البيوت وياهن بشاكير ومسؤوليات بيتهن على البشكاره وطبعا ما اقدر اعمم...واذا على الوظيفه متوفره للي تبى تتوظف اما الا ما تقدر او ريلها هب موافق تيلس في البيت ..وكلا له ظروفه ...ما نقدر انعمم على الكل...
وكل شخص له امنيه وعسى ربي يحقق اماني الكل ويرزق كل شخص اللي يتمناه الله اعلم بقلبي ما فيه لا غيره ولا حسد ربي يحقق امنيتكن...

اعرف اختي انه نيتج طيبه وما سويت
اقتباس لردج عشان اتهمج بالغيره او
الحسد، لكن الكتابه تلعب دور كبير ف
انها تعكس اشيا ممكن تنفهم غلط وبالتالي
الطرف الآخر يحسها اهانه لانه فيها تسليط
ضوء ع فئة وترك فئة، وتفضلتي ف ردج
هذا انه ربات البيوت عندهن بشاكير وهم
اللي يديرون مسؤوليات البيت، طيب والموظفات
ف نظرج اغلبهن منو اللي يجابل عيالهن؟
منو اللي يطبخلهن؟ منو يدير مسؤوليات بيوتهن؟
الخدامه بلا شك ، ف الافضل انه نبتعد عن
قضيه الاهمال ف هالموضوع لأنه مكانه مب مناسب
بل نركز على انه لو انصرف هالراتب ع ربة البيت
كيف لازم تتصرف فيه و ع شو تصرفه كون انها
تحصله بدون ما تطلع من البيت ومن هني بيكون
النقاش هادف

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مراسيل الوفاآ]

ماعرف الكلام كله موجه لأختي ام براق او لكذا وحده
لكن عندي بعض التعليقات ع كلامج اختي احلى بعفويتي

لو الدولة بتعطي لازم ع قوانين و التزامات وتقيمات شهريه .. مو مني درب ..
وثانيا ربة البيت ماعندها قواعد و لوائح ونظم و التزام باتجاه الدولة مثل الموظفه ..
لاني اعطي خدمه ملموسه بوقت معين بمعاير معينه وتتحدد و تقيم من مدير مباشر و لي ايجازات و خصومات ع اساس هالشي نحصل رواتب ..

بس ربة المنزل تقوم نص النهار و الخدامه طابخه و مخلصه ..

لازم في معايير تقيم اداء ربة المنزل ..

انا اعرف ربات منزل وحياتج طول النهار بيت امهاتهم حتى مدارس عيالهم ناقلينها جريب بيت اليده .. عشان تفتك من سالفه اودي وايب .. تروح و تطلع وتستانس واليهال يردون بيت يدتهم و الخدامات ياكلونهم وينظفونهم بعدين حزة ما تخلص تيي تاخذهم ..

في ربات بيوت يقومون جريب الظهر لا تعرف عن طبخ و لا نفخ و لا شي ..
في ربات بيوت السهر لين الفجر ع المسلسلات و الافلام و تناملج لين العصاري ..

هل هذيله يستحقون طبعا لاء .. حرام عليهم البيزة ..

لازم في معيار و تقيم و غير عن القوانين الي لازم تلتزم فيها ربة المنزل عشان تحصل فلوس من الدولة ...


بالنسبة لأول نقطه من كلامج، نعم انا اوافقج الراي انه لازم تكون
هناك معايير عشان يصرفون الراتب لربة البيت، لانه المال لابد انه
يكون مصدره حلال ويصرف ع الحلال والموظفه هي تؤدي عملها
وتستلم الراتب ع اساس الشغل اللي انجزته، اما بالنسبة للنقطه الثانيه
انه ربة البيت تنش الظهر والخدامه طابخه الاكل، هني نرد لكلامنا عن
الموظفه، اغلب الموظفات يردن من الدوام والاكل مجهزتنه الخدامه ومب
بس الموظفات حتى اللي يكملن دراستهن يعني هالشي ما يختصر ع ربة
البيت بل ع طريقة كل وحده كيف معتمده ع الخدامه، واعرف وايدات يداومن
لكن يردن البيت يجابلنه من طبخ وغسيل واهتمام ف الزوج يعني ما شاء الله
عليهن صح مضغوطات لكن يحاولن يوازنن بين الشغل والبيت، ف هني الاهمال
مب بس من ربة البيت بل من كل انثى تترك مسؤولياتها ف بيتها وتبدي الشغل
او ربيعاتها او اهلها او دراستها ع بيتها، اما بخصوص الحلال والحرام ترا مثل
ما ربة البيت ممكن انها تستلم راتب وهي ما تدري عن بيتها اصلا، نفس الشي
الموظفه اللي اتداوم ونيتها تسليه وتضييع وقت! يعني اللي تفكر ف خدمه بلادها
هاي تنحط ع الراس واللي تفكر ف تربية عيالها تربية صالحه عشان ينفعون المجتمع
هاي تنحط ع الراس بعد لكن اللي اتداوم تسليه وتضييع وقت وتتأخر ع المراجعين
وتعطلهم و و و، هل هالانسانه تستحق الراتب؟ طبعا لا!

ثالثا .. ليش عندكم عائل مادام تبون فلوس من الحكومه .. تتعبين ع عيالج هالشي راجع لج ...
نعم نحنا نشتغل بدوافع مختلفه ..

وربات البيوت طالبن بالراتب لدوافع مختلفه، ومثل ما ذكرت
البيوت فيها مشاكل ما يعلم بها غير رب العباد، عل وعسى
اذا تقرر بإعطاءهن راتب تتيسر امورهن . .

بس انتوا رافعين شعار التضحيه من اجل الابناء ومن اجل عيون الزوج من اجل عيون الجيل القادم فليش تبون مقابل مادي ياحبيباتي ؟؟؟؟؟؟؟؟؟

الماده ما ترتبط ف التضحيه، التضحيه تكون ف انه الوحده
درست وتعبت وخذت الشهاده لكنها ضحت بمستقبلها عشان
بيتها وعيالها وطبعا هالشي يختلف تماما اذا الوحده مغصوبه
واتداوم عشان تساعد ريلها ف هني هي تضحي ببيتها عشان
تساعد ريلها، اما اللي ماخذه الوظيفه ع اساس انها تسليه
وتضييع وقت ف هاي ماعرف شو اقول عنها!، لكن اذا دخلن
الموظفات اللي اشتغلن مجبورات بس عشان يساعدن رياييلهن
بيقدرون يوضحون هالنقطه اكثر عني لانهن يعرفن انهن مقصرات
سواء ف العمل اذا كانن يهتمن ف البيت اكثر او مقصرات ف بيوتهن
لانه الشغل ماخذ وقتهن ويتمنن يي الوقت اللي يتركن فيه شغلهن ويرتاحن
ف بيوتهن، بس ممكن يكون السبب انه بعض ربات البيوت ما يقدرن يشتغلن
لانهن مب مكملات دراسه! . .


كفايه الاجر صح .. لان هاي نظرتكم للمراه الموظفه انها تبي الماده ع حساب زوجها وعيالها ... فليش انتو طالبون بالماده عيل ...

وليش ما تكون الموظفه وربة البيت يبون الماده عشان متطلبات الحياه ويساعدون ازواجهم؟

نحن نقدر انه نناقش هالموضوع لو ابتعدنا عن توجيه الاتهامات
وبالتالي سواء ربة بيت او موظفه بيتقبلون كل وجهات النظر كانت
بالتأييد او الرفض، لكن قضية الاهمال هي موجوده عند الاثنين يعني
ف زمننا ربة البيت = الموظفه ف العادات، واقرب مثال هو الاعتماد
ع الخدم، ف بنكون ظالمين اذا ركزنا ع اخطاء ربة البيت وتغاضينا عن
الموظفه والعكس صحيح، والافضل ان بغينا انه نناقش هالموضوع نركز
ع محوره وما نحوله لموضوع منو الاحسن . .


الله يهدي اليميع

[نونة الدلوعة]

هالموضوع جديم وما صار شي عليه ليش تم رفعه !!!!

وبعدين اللي يالسات يتناقشون عن راتب لربة البيت /، البنت طلبت راتب لربة البيت يستقطع من راتب الزوج
ما قالت راتب من الحكوومة

والصراحة البنت مش مجبورة إنها تشتغل
المفروض الريال هو الملزوم فيها وبمصاريفها

من متى على أيام قبل الحريم يشتغلون ويكرفون
وفوق هذا يعتبرون من المقصرات في حق الزوج والأبناء

من متى قاموا الحريم هم اللي يصرفون على البيت وع العيال والريال حاط ريل على ريل ول طايح له في القهاوي

والحينه الريال يوم بيروح بيتزوج بيشرط في عقد الزواج إنها تكون موظفة !!
على أي اساس !!

وصح شي حريم رواتب رياييلهم ممتازة بس يحصلون على مبلغ بسيط ما يسد تكاليف الحياة
وحتى لو الريال بيصرف عليها
بس لازم الحرمة يكون عندها مبلغ تسد فيها حاجتها
مب شرط كل ما تبا شي ، راحت قالتله أبا الشي الفلاني

غريب أمر بعض الرياييل

[بنت خورفكان 3]

انا الحمدلله ريلي يعطيني مصرف واكثر بس انا خاطري بالوظيفه علشان اساعد زوجي مب عليه كل مسؤلية الصرف لان العيال زادوا وبناء البيت وسايق لاني ما اسوق لطلباتي مع العيال
لان زوجي باماره وانا باماره

لكن الشكوى لرب العالمين

[اهلين و سهلين]

حلو لو يكون فيه راتب بسيط للامهات الغير عاملات

[يسرا ام نوف]

يارب ارزق الجميع

[Cobon]

اول شي انا موظفة بس الوحدة تتمنى الخير لكل خواتها


الريااال المتزوج يستلم بدل زوجية 1500 لو ها البدل ينزل في حساب الزوجة مباشرة
لان والله في ريايييل ما يعطون حريمهم و الحمد الله الحين الرواتب اوكي و زينة
و اي حرمة تبغي مبلغ ف ايدها
الله يعين ربات البيوت و يسعدهم و يوفقهم في تربية عيالهم
حتى اللي عندها خدم و حشم بعد تستاهل ها الراتب

[ام عيون.]

بالتوفيييييق

[شما الهاجري]

الله يوفق الجميع

[الياسمين]

يا رب توصل لأمنا الغاليه الشيخه فاطمه

[jameela200]

الله يسهل عليكم .. ويوفقكم يارب

[المغتربة]

مبادرة حلوة و طيبة و شي حلوو للأم ربة البيت

مع ان الدولة مب مقصرة و بعض الازواج يستلمون علاوة الزوجية اتوقع مبلغ 1500 - 2000
و هذا من حق الزوجة بس في منهم يدخلونه ف جيبوهم والحرمة الفقيرة ما تجوف فلس حمر