حمياتي اتغيرو عليه فجأة

[قلبي روضة]

شحاالكم
بنات صارلي سنة معرسة وانا عايشه في بيت اهل ريلي
انا وايد احبهم اعتبرهم شرات خواتي وهم.بنات عمتي
بس احين وايد وياي اكثر يوم خذت أخوهم وهم يحبوني وايد
انا اول وحدة تدخل بيتهم اللي صار ان اخو ريلي عرس
وياب حرمته هني وهم كانو يعرفونها من زمان ويحبونها من زمان
احين موول مايسالون عني ولا يقولولي تعالي يلسي ويانا
كله طايحين صوبها مايعبروني موول حتى يوم يطلعون ويا بعض مايخبروني الا قبل الطلعة بشوي انا يومين مايلست وياهم عمتي لاحظت قالت تعالي وجي انا قلتلها ان حمي يالس استحي ايلس وياهم ترا هو إجازة لان معرس وجي
عقب قلت عادي بيلس عسب مايقولون شي
المشكلة يوم اكون يالسة يسولفون وياي أوكي ويعاملوني أوكي
بس احسهم مايحبوني شرات قبل
عقب بعد قاطعتهم وواليوم بكمل رابع يوم ماايلس وياهم ماسالو موول عني
كل يوم أسير بيتكم أمي ساعتين عسب مااحس بالوحدة
انا ماكان يمر يومي بدونهم احبهم واايد وكل يوم فليل أصيح
مااعرف اذا انا غلطانة ولا
مرات اقول روحي لازم أسير لهم يمكن انا مكبرة السوالف
وانا حرمة اخو ريلي واايد احبها لان اعرفها وهيه وايد طيوبة
انا عادي بقاطعهم بس عقب عمتي بتعزل وأخاف يقولون انا اغار
أنتو شو تشوفون ??????

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية