ربط المعدة

**Domo3** · 2011-12-14, 14:16

السلام عليكم

خواتي انا سويت ربط معدة كلمت سنه و 5 شهور و نزلت تقريبا 10 كيلو .. احس اني مب مستفيده منها و لازم كل مره اضوقها بس انا مااروح عند الدكتور لانه اخر مره لعوزني و مااريد ارجع له ... المهم انا اريد اشلها بضمان ( ثقه) اذا يستوي لانه العمليه سويتها على حسابي الخاص ؟ اذا ممكن حد يفيدني بالموضوع بكون له شاكره

المزيد من آخر المواضيع من نفس القسم:

**علوه** · 2011-12-15, 15:23

حبيبتي العمليات مهما كان نوعها ما راح تنفعج الا اذا انتي ساعدتي العمليه انها تساعدج تضعفين زياده
لالالالالازم رجيم لازن تخفين وتحافظين على نوعيات الاكل ولازم رياضه لانه بعد فتره جسمج بيتعود على العمليه وما راح تكون فعاله
معظم الوزن ينزل خلال اول ست شهور وعقبها لازم انتي تشتغلين لازم تهتمين لنعوية الاكل ماشي اكل دسم ومتروس شكر ودهون تاكلين كميات بسيطه بين فترة وفترة ما تشربين ماي بعد الاكل عن لا تكبر المعده المربوطة او المقصوصة حاولي كثر ما تقدرين تخلين حجمها اصغر ما يكون عشان تشبعين بسرعه
حاليا لازم تناقشين مع الجراح شو بيسوي هل بيضيقها لج مرة ثانية وبتبدين مع اخصائية التغذية لاني الي اعرفه انه كل شهر او شهرين لازم يرفعون الحلقة ويضيجون المعده لانه المعده تكبر وتتمدد لو ما نفعتج خلاص يشيل الحلقه ويسوي لج قص معده او تحويل مجري على حسب وزنج وكتله الجسم الي عندج

بالنسبه لثقه سيري مستشفى حكومة اما خليفة ببوظبي او توام في العين يسوون هالعمليات واكيد يعرفون لها ناقشي معاهم وشوفي شو رايه استخيري حبيبتي قبل اي شي وان شاءالله موفقه ^_^
مستشفى النور واي مستشفى خاص ما يقبل ثقه في عمليات مثل هاي تعتبر تجميليه وتدفعينها من حسابج الخاص

**أم عبـد الرحمن** · 2011-12-15, 17:06

موفقه اختي
للرفع

**وردة ساطعه** · 2011-12-15, 17:23

ما عندي فكره
بس بانصحك اختي انك تعطي لنفسك كمان فرصه وما تشليها انت بس صارلك سنه وشويه
ما تستعجلي واتعبي على حالك صح التضيق كل شويه يلعوز
بس اهون من ما تشليها وتعملي رجيم عادي
الرجيم كله متعب
لازم تتعبي عشان توصلي للوزن إللي تبيه
والله يوفقك وييسرلج امرج

**Hard2Ctrl** · 2011-12-20, 12:22

السلام عليكم ..

حبيبتي انا مسويه عمليه الباند و وزني ١٣٣ و لين احين في خلال سنه نزلت مال ٣٠ كيلو ..

و انا اشوفها اشويه على سنه ويا الباند بس في نفس الوقت لو ما كنت مسويه الباند احتمال احين بدال ما اكون ضعفت كنت استويت الدبل لان طول حياتي و انا دايت و تعبت ما كان لي شده ارد اجرب لاني نفسيا تعبت ...

يلست اقرا عن العمليه سبع شهور قبل لا اسويها ..!!

فهمت هي كيف تشتغل معنه الدكتور قالي على وزنج انصحج بالقص و اصريت عالباند قالي اذا مصره عالباند مجرد مساعد و الباقي عليج قلت لو شي بيساعدني لو بنسبه ١٪ برايه بس في شي ..

و فعلا لازم في التزام .. مثله مثل اي عمليه .. يعني اللي تسوي تحوير و اتم تاكل ايسكريم تتوقعين تضعف هي بتضعف ههههههه بس طبعا فاهمه قصدي ..

الموضوع يباله اراده و الباند من شخض لين الثاني تفرق يعني في ناس ما تبدا تشتغل عندهم حاله الشبع الا من الفل الرابع يعني ما بين الرابع و السادس انا تميت على هالحاله لين ما وصلت ال ٤ سي سي ..

و باقلي بعد قريب ال ٤٠ كيلو و الحمدلله في حملي ما متنت و لا كيلو و مستمره الله يرحم في حملي الاول لين السادس جدني متانانه ٢٠ كيلو مشاءالله طبعا خخخخخ .. و عقب ما اربي بكمل و بتريض لاني قمت اركز عالرياضه بشكل فعلي و التزم فيها التتزام كامل قبل لا احمل بكمن شهر ..

يتني ايام ندمت و قلت يليتني سويت القص جان احين فالتارقت ويت .. بس يوم ارد افكر فيها اقول الحمدلله عالاقل مب لازم ابر و ما ابر و اني مرتاحه و بس مجرد ما التزم .. كلي اشيا تشتهينها بيت فتره و فتره بس مب طول الوقت ..

انصحج دشي موقع لاب باند . كوم شوفي يومياتهم و صورهم بتستفيدين وايد و بتتشجعين ^.^ انتي تبين تشلينها لانج ما فهميتها عدل و غيرج يباها باي طريقه بس ظروفهم ما تسمحلهم ..

ردي افهمي الباند و فكري و لا تستعيلين..

بالتوفيق ..

**dlolla** · 2011-12-20, 18:35

الله ينحفكم ع خير

**Domo3** · 2011-12-20, 19:53

تسلمون على الردود ^^

**مونتاج** · 2011-12-21, 08:31

اعطي نفسج فرصه اطول و ان شاء الله بتستفيدين

الموضوع: ربط المعدة

أدوات الموضوع

عرض