أشعة الصبغة للأنابيب

[reemy2009]

السلام عليكم.....

ياخواتي مشكلتي عندي أكياس بس سبحان الله حملت و يبت بنتين آخر وحده عمرها 2 وسبع شهور... من فترة قررت أحمل لكن ماشي فايدة طبعًا بعلاج مع الدكتورة و سبحان الله كان كل شي أوكيه بس مايصير حمل.... الشهر إلي طاف قررتلي الدكتورة أسوي (أشعة الصبغة للأنابيب و الرحم) عشان قالت لي يمكن عندج إنسداد في الأنابيب ... فأنا حسبالي عادي أشعة و خلاص من السبوع إلي طاف قريت عنها و خفت بصراحة وااااااااااايد ....


المهم سويتها من يومين و الحمدلله خدروني و في ألم ألم لكن الحمدلله عدا على خير وصورو الاشعة... لكن تفاجأت البارحة و أنا وديت الاشعة لدكتورة انها مب أوكيه يعني لازم أعيدها بس في مركز ثاني مب نفس المركز

ولكن إلي خيفانه منه انه مايخدرو قالتلي احطي تحميلة (فولترين) فأنا الحين وايد خيفانة شوي أتشجع و شوي أخاف أعرف بتقولولي أخف عن الولادة لكن كل ما أفكر أحس بطني و ريلي تعوني...


طولت عليكم لكن محتاجه حد يشاركني معاناتي .. فأنا خاطري أعرف هالاشعة تفتح الانسدادات يعني يوم يحطون الصبغة يفتحن أو مجرد أشعة و خلاص انا نسيت اسأل الدكتورة و ابا وحدة أطمني أذا مجرب وكيف التخدير و الوضع اذا في نفس المركز أو غيره ...

في حد منكم طلع عنده انسدادات و حملت و إلا تعالجت و حملت يعني تجاربكم....
يارب ترزق كل محرومة يارب ... وتبارك لها و بعيالها.....آميـــــــــــــــــــــــــــــن يـــــــــــاربـــــــــــــــــــ

المزيد من آخر المواضيع من نفس القسم:

• فيتامينات ومعادن هامة تساعد على الحمل وزيادة...
• أسباب وطرق علاج مشكلة تأخر الحمل
• تحديد نوع الجنين
• اعرفي سبب تأخرك في حدوث الحمل
• اهم الأسباب التي تأخر الإنجاب لدى الإناث...
• افضل طرق علاج تاخر الحمل بالاعشاب
• فحوصات تأخر الإنجاب للزوجين بالتفصيل
• افضل طرق التعامل مع تأخر الحمل
• تنبيهات بعد اجراء عملية الحقن المجهرى
• نسبة هرمون الحمل في توأم بعد عملية الحقن...

[حــــلاوه]

ماعندي فكره

الله يرزقج بالذريه الصالحه يارب

[reemy2009]

وربي محتاجه تجاربكم

[reemy2009]

ياالله 10 زيارات و لكن و لارد

[غياهيب81]

حبيبتي لا تخااافين ..اولا اذا انتي خايفة اطلبي تخدير او بنج موضعي ,مع انه فيه حريم سوها بدون الم كبير يعني نفس الم الدورة ..
وثانيا :بتحل مشكلتج يعني اذا كانت هذي مشكلة تأخر الحمل عندتج.
وثالثا : اهي اشعة كشف وفي نفس الوقت علاج يعني اذا كان عندتج انسداد راح ينفتح بسبب المادة الزيته ..
حبيبتي توكلي على الله ولا تحااتين .

[reemy2009]

طمنتني الله يطمنج... بس متأكدة انه يعالج الانسداد... انتي جربتي؟؟؟

[خــــيوط]

للرفع

[nooon rak]

أنااا جربت أشعة الصبغه فيه ألم بس تستحملينه عاادي ،،
اللي أعرفه جان فيه انسداد هالفحص يشل الانسداد من الأنابيب
الله يوفقج و يرزقج الذريه الصااالحه يارب ،،

[الحياة ألوان~]

عسى خير ان شاء الله

[غنيمة الزع]

الم 5 دقايق والا معاناة و تعب نفسي سنين تحملي و توكلي عالله

[بيبي مون]

روحي مركز كوزمسيرج الامارات عند الدكتورة نوال الخالدي بتعطيج مضاد حيوي قبل وبعد العملية وتحميلة كولفين تحطينها قبل نص ساعة وحبة تاخذينها ليلة العملية وبتحولج علا الدكتورة ميرنا غنوم اخصائية الصبغة عندهم بنفس المركز ايدها خفيفة فوق ما تتخيلين ومدة العملية 10 دقايق والله والله ماراح تحسين بشي ابدا انا سويت عندهم وكنت ميته من الخوف ويالسه اصيح واترجاها انها ما تعورني وهي تضحك علي وفجاة قالتلي قومي خلصنا والله والله ماكنت مصدقة انى خلصت من غير اي الم --

الله يوفقج عزيزتى ولا تنسينا من دعوة حلوة بظهر الغيب

[شوكليت توي]

انا يربتها مرتين وآخر مره قبل اسبوعين ابصراحه تعور

مع انهم ظربوني ابره تخفف الالم وخذت حبوب بعد قبل لا اسير

مع ذلك عورتني بس وكلت امري لله

والحمدلله طلعت سليمه سويها أختي حتى لو تعور على الاقل تطمنين على نفسج

[set elkul]

حبيبتي انا سويت اشعة الصبغة في مستشفى كوزمسيرج مع دكتورة ميرنا ما تعور الم خفيف وايدها خفيفة وسريعة .بس طلع عندي انسدادات في الانبوبين وما فتحت لي الانابيب .ورحت لدكتورة ميرنا قالت لي عندك التصاقات والامل عندك ضعيف جدا تحمليين واجد نفسياتي تعبت .وحولتني لدكتور مايكل فقيه خزو مني 700 درهم للاستشارة والالتراساوند وقال ممكن تعملي منظار او اطفال انابيب بس انا سمعت دكتور مايكل مادي جدا جدا ومعاملتو مو زينة.والحين ادور على رقم ممرخات يقولون يعالجون الالتصاقات في الانابيب.ساعدوني حبيباتي ربنا يرزقكم ويرزقني الزرية الصالحة