كشخة المربربات ! استفسار لخبرات الموضة والستايل

[أوتاد]

بسم الله الرحمن الرحيم

السلام علييييكم ورحمة الله وبركاته

شحاااالكن بنات ^.^ عساكن بخيييير وصحة

اليوم ابا خبيرات الموضة والستااااااايل


اسمحوولي بحشركم بس خلوني افضفض



ابصراااحه يا بناات انا فتاة دبدووبه مربربة اهئ بس الحمدلله مب وايد

الطول مخفف من هول المصيبة خخخخ طولي 165 فما يبين المتن وايد


ومليت من ستايل لبسي وشعري ,,

وواااااايد احتار في لبسي ما اعرف شو يناسبني من قصات وموديلات ؟؟

ما احب الشي اللي يزيد من حجم جسمي ,, وما احب البس شي راص وضيج أو عاري

وفي نفس الوقت فخاطري ألبس شي حلو وكاشخ وستايل ويناسب شكل جسمي

جسمي بشكل الكمثررى او الساعة الرملية

يعني اكثر وزني يتركز فالجزء الاسفل جني جرة ولا مزهرية ولا حب الماي لووول


احس تناسبني قصات تنانير الهاي ويست اللي تبرز خصري ,,

طبعاً أفضل انه اذا بلبس بنطلون ألبس قميص طويل يغطي الاحم احم عن الفضايح خخخ

بس يوم اشوف الضعاف لابسين جنزات و قمصان قصيره اتغااايظ ابا شراااتهممم هههه

أحس ناايس الوحدة تلبس محزء وملزء خخخ,, فعزايم البنات اشوف كلهم لابسين بدلات قصيره ويا تايت شبك ولقنزات هالسوالف

وانا سامته بالمخورة جنه توه راده من العزبة

واذا اتطورت شوي بلبس بنطلون اسود وقميص طويل << يعني أونه في قمة كشختي

دوم جي ستايلي مليييت



ثانيا شعري الممل ~_~

من استويت وانا قصتي قصة السيلانيات هعهعهع ,, فرق ع يمب والقصة طوييييلة

شرات هاي الاخت بس قصتي أطول بعد




شعري طويل ,, وامي مب طايعة أقصه


شو من القصات الحلوة اللي تناسبه بدون ما اقصره ؟
وشو من الالوان الي تناسب البشرة الحنطية الفاتحة المايله للبياض ؟؟

وبالنسبة لقصتي فخاطري اسوي بف لكن ماعرف كيف بالضبط ؟؟
يقولون لازم اقص من شعري عشان ايي ويا القصة ؟

وهل الغرة القصيرة تناسب الويه المدوور؟ ولا بستوي فلبينو
ماعرف كيف اقصااااااا ابا شي يغيررني


ثالث شي وآخر شي
شو المحلات الحلوة اللي تبيع ثياب حلووة حق المربربااات ؟ فدبي وعيمان والشارجه ؟؟

اسمحووولي أدري وايد رمسست .. بس الحين انا في ريعان و زهرة وياسمينة شبابي خخخخ
الي يشوف ستايلي يقول ستايل عيووز

ويزاكم الله خييييير

و صلو عالنبي

المزيد من آخر المواضيع من نفس القسم:

• اجمل موديلات احذية بيتي شتوية انيقة ودافئة
• شنط بتصميمات والوان عصرية لاطلالتك هذا الشتاء
• احدث تصاميم اكسسوارات باللون الذهبي لاناقتك
• اجمل موديلات شنط انيقة لاطلالة مثالية
• باقة مختارة من اروع تصاميم اقراط لاناقتك
• اروع تصاميم اكسسوارات غاية النعومة والاناقة
• موديلات بوت بتصميمات والوان عصرية لاطلالة...
• احدث تصاميم فساتين سهره فخمة وانيقة
• اجمل تنسيقات ملابس شتوية لاطلالة عصرية
• نصائح للبنات القصيرة لاختيار الملابس المناسبة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عجب !!!]

اللهم صلي وسلم على حبيبنا محمد
هههههههههههههه
جتلتيني من الضحك والله أنج عسل
الله يوفقج ويستر عليج ويضعفج مثل ما تبييين......

[USA Online]

بالتوفيق ختي بارك الله لكي

قال رسول الله صلى الله عليه وسلم: من قال أستغفر الله العظيم الذي لا إله إلا هو الحي القيوم وأتوب إليه، غفر له وإن كان فر من الزحف.

[رقة احساس]

مب شرط اذا انتي مربربه ما تقدرين تكشخين
اعرف بنات مربربات وكلهم على بعضهم استايل
عندج مثلا شرات ها الاستايل للقمصان






من هالقصات وغيره تقدرين تنسقين لروحج استايل مع ليقنز ملون او هيلاهوب راقي مع كعب









او تلبسين قميص طويل شوي كم سندباد وعليه جاليه راقي

وشعرج تقدرين تقصينه من فوق عالاقل او تسوين فيه حركه

شرات قصه الفراوله



يعني انتي سوي حق روحج استايل سواء البنت كانت ضعيفه ولا مربربه تقدر تكشخ ^_*

[حــــلاوه]

للرفع

[unique flower]

آن شـآء الله البنـآت يفيدوووؤنـ’ج

[شما المحيربي]

بالتـــــــوفيق حـــــبوبة ^_^

:: للرفع ::

^
^
^

[أوتاد]

مشكووووورييين ويزاكم الله خير

خخخخ عساها الضحكة دوووم اختي عجب

وتسلمييين اختي رقة احساس وااايد افدتيني بالموديلات والقصة

وان شاءالله بحاول أفصل شراتهم

[pixie dust]

هههههه اسميني ضحكت
اسلوبج كتكووووت

اول شي عن الشعرررر ما انصحج تقصين بالنسبه لي اشوف الشعررر راس مال البنت
يعني انا لو شو يستوي ما اقصره ابداااا وكلا ولاااااااا

الناس يتمنون ويدورون الشعر الطويل

بس حلووو لو تلعبين بالقصه يعني هذي لعبي لعبتج فيهااااااااااا


بحطلج صور واشياء انتي جربي وشوفي شو يناسبج


ونصيحه يوم تروحين السوووق لا تقولين هذا ما يناسبني
شلي حد ويااج وخذي كل اللي يعيبج وقايسي فالفتنق رووم وشوفي كيف يطلع عليج
وراوي اللي تثقين فذوقهم يعطونج رايهم بصراااحه قبل ما تشترين


ليقنز ممكن تلبسينه ويا قمصان طويله وبليزر او كارديقن
وحتى مع قمصان شيفون واسعه بعقم طبعا زاررااا ومانجو عندهم هالاستايلات وووووايد











وبعد جمب سوت للتغير جربي ممكن يناسبج
ايي واسع وايي مسكر من تحت




والهاي ويست جينز بعد هالاستايل حلو طبعا اذا مافي كروشه هيهيهي
بعد جربيه يمكن يطلع حلوو عليج






اما القصه
فممكن تسوينها مدرجه على صوب وادرجين شوي من الشعر وياها
او ممكن تنقص على طرف واحد بدون ما ادرجين الشعر






او تخلينها طويله وتلعبين فيها مثلا بف او فرق من النص روماني يعني انتي وشطارتج
ويوتيوب ما يقصر تقدرن تتعلمين منه

[يَمّ]

❀ ❀ ❀

وعليكم السلام ورحمة الله وبركاته

أنا خاطري أعرف شي .. ليش كل الدبيات دمهم عسل ؟
المهم حبيبتي لا تحرمين نفسج من شي ..
لو سرتي أي محل خذيلج أكثر من طقم و جربيهم كلهم ..
يمكن بالصدفة تكتشفين قصة معينة تناسب جسمج وما كنتي حاطتنها ببالج ..

pixie dust والأخت
ما قصرت

وعلى قولة الأخت رقة احساس .. قصي شعرج من فوق ، ما بيأثر على طول الشعر بس بيعطيج شكل يديد ..

وبالنسبة لمحلات تبيع ملابس حق المربربات ما أعرف والله بس شفت محل في ستي عيمان كل المانيكانات اللي برا حجمهم كبير و ملبسينهم ملابس واسعة و جيه يعني حق المتان ..
بس ما أعرف إسمه لأني ما دخلته ..



❀ ❀ ❀

[Decaldo]

افكار حلوه انا نفسج بس بس مشكلتي اقصررر ..
عادي ليقينز مع قمصان شيفون طويله وعليه حزام يطلع وايد حلو ومرتب ..
والقطع المشجره تشجيرات صغيره تعطي تمويه واتصغر الحجم والحين موضه ..

وحركات ميني جلابيه واقد كشخه بس يباله حزام تحت الصدر عشان يطلع مرتب عليج وتحته ليقينز دانتيل او ساده مع كعوبه وايد روعه ..

وكل مره جربي تلبسين شي من اللي كاتبينه لج ..
عادي عادي حبيبتي الحياه حلللوه هههه

[مرامي الإمارات]

كنت برد بس ما قصرن البنات

اكيد كشخي و لبسي و سوي كل اللي تبينه الحين دامج فـ شبابج

يوم بنكبر ما بنسوي شي لوول

[ام مـ2003ـايد]

اااااااااااااب

[daimon_of_uae]

اختي انا للحين شفت 3 محلات في مردف ستي سنتر متخصصات للمربربات واحد اسمه Evans وتحصلين بعد ديبنهامز وفي Ulla وفي محل ثالث ما اذكر شو اسمه هذول اللي اعرفهم ... وبعد روحي القرية العالمية - القرية الكويتية - هم دايما ايبون احجام كبيرة اشتري لج ميني جلابية مثل اللي تلبسهم الهام الفضالة تنفع لتغطية العيوب ... وبعد الحين ترومين تشتري اون لاين تحصلين مواقع شبابية لمربربات ايوصلون لين هنيه

[ṩ7ᾄвҭ , ғᾄʀ7]

ياحلآآآآتهم المربربآآآآآآت /
والله كشيخآت . . عندنآ وحده من الاههل مربرببه بس مب وآيد
بسسس شو كششخـه يوم تلببس ، اطلع كل مفآتنهآ غصصب هههههههه ،!

يآ الله حبووبه / والله المربربآت يعرفون يتكشخون بس يبآلمم وقت وروآقه :P /
بالتووفييييج يآحلوه ^^