شوفه الشرعيه

**شيخة المزآين** · 2011-12-13, 19:57

اتريا اراءكم عن الموضوع الى منزلته بعنوان مال (الزواج)ض

آتريا اراءكم عن هالكلام.....

الريال الى ياي خطب من عندنا اتصل على الوالد وخبروه انه لازم ييي ويشوف البنت شوفه شرعيه ويقول بييب عائلتي واخواني وحريمهم واهما قبل زارونا ولدته واختها وشافوا البنت يعني المفروض اهوا ييي لوحده يبي يشوف البنت بدون لوويه اهله ,, فهل تشوفوا من المنطق بروحه ولا لازم مع اهله العائله كلها وابويه اتصل فيه انو لازم ييي لوحده ورفض عائلته عسب يشوف البنت بحضور الوالد بدون حضور عائلته يعني اهوا لوحده وقال للولد تييب اهلك يوم الملجه ... تشوفون هالكلام صح ولا غلط ... واتصلت امه على امايه وقالتلها احنا لازم نيي مع ولدنا قالت امايه الله يحيكم وعقبها قالت والده المعرس انا عندي شرط حق بنتتج انو تكون وحده تشيل خدمه البيت بالكامل بالغسيل والتنظيف يعني امور البيت كلها.... يعني انتو تشوفوا من كلامها على شرطها يزعل ولا لا ؟؟؟ لأن امايه زعلت على كلامها من المفروض ماتنطق هالكلام المفروض تاخذها زوجه حق ولدها مب خدامه ,,

ويوم الشوفه الشرعيه هل لازم يكونوا الاهل وياه ولابروحه ؟؟؟

وسامحوني اتريا ردودكم الطيبه.....

يعني اهما طيبييين بس من اسلوبهم من الحينه مافيه خوف على بعدين في المستقبل؟؟؟؟

المزيد من آخر المواضيع من نفس القسم:

**صاحبة السمو85** · 2011-12-13, 20:04

وعليكم السلام ورحمة الله وبركاته

هلا فيج غاليتي ..بالنسبه للموضوع ..بوجهة نظري مب لازم كل اهله يووون يشووفوونها بس المعرس كفاية يي هو وابوووه وامه ..للنظره الشرعيه ..يشووفها وعقب يصير خير ..

بخصووص الام اللي تقول تشيل شغل البيت وهااالاموور مبين عليها والله اعلم ماتحب شي اسمه شغاله وكــل امور البيت بتكون عليها والله يعيينها .. بسسسس محد يقول جيه من اولها >< وبعدين واعليه مايكون كل شي عليها .

في النهايه الله يقدم اللي فيه الخير يارب

**bellegirl** · 2011-12-13, 20:47

يمكن يي هو وأمه وخواته وأبوه

بس مب عماته وخالاته وجي

يعني ييب الاسرة مب الأهل بكبرهم ^^

**ام عبدالله888** · 2011-12-13, 20:54

الكتاب باين من عنوانه تبها اتنظف واتغسل وتطبخ للبيت كامل
يعني اكيد البيت فيه بنات واولاد
واتكون هي الخدامه الهم

**روز احمر** · 2011-12-13, 21:13

الغااليه .. خلييها اصلي الاستخااره و صدقيني الخيره في ما اختااره الله ... و ان شاء الله اذا ربج يعلم ان خير الها صدقيني بتتيسر الامووور بدوون ما تحس و اذا شر الها .. صدقيني .. بيتكنسل و بيتفركش الموضوع بكبرهـ ..

و الله يووفقها ان شاء الله يا ربي و يتمملها على خير اذا كاان خير الها ..

و عقبااال ان شاء الله كل بنوووووته عزااااابيه عااااجلا و ليس اجلااا يا ربي

**عالية الغالية** · 2011-12-13, 21:48

يكفي الولد وامه واخته بسسسسسسسسسسسسسس

واذا ارتاحوا لبعض تشرف العايلة كلها

وبالنسبة لشغل البيت

حاولوا تسالون عن الام اكثر وطبعها هل عندها حدامه والا لا

وبعدين البنت في بيت ابوها ما تشتغل وين يبونها تشل شغل البيت كامل

اعرف بنات كرفن كرف اليهد في بيوت اهليهن ومنعرسن ولا وحدة تشل كوب الماي من جدامها وكل الشغل ع البشكارة

واذا انتي ما تعرفين لشغل البيت قولي لهم ما اعرف عشان ما يعتمدون عليج

انتي بتسوين شغلج وشغل ريلج وبسسسسسسسس من غسيل وطبخ وتنظيف وكوي

لكن ما بترومين تخدمين العايلة كلها

حتى لو رضيتي الحين واقع الحياة بيكيون صعب

يعني كل حياتج بتكون في شغل البيت

يعني من تنشين من الصب لازم ريوق وتنظيف وغسيل

ما بتلحقين تلاتاحين الا ولازم تجهزين للغدا

وعقبه غسيل المواعين

للعصر منهد حيلج

ع المغرب بيبتدي الكرف للعشا

يعني بتسيرين ع فراشج مالج بارض للريال والا عندج وقت للطلعة والترفيه

لانهم معتمدين عليج في كلشي

خل امج تقول لهم بنتي بتسوي شغلها وشغل ريلها وبتساعد في بعض الامور في البيت لكنما تعرف للبيت كامل

واستخيري قبل لاتشوفينه وعقب ما تشوفينه

والله يجدم لج اللي فيه الخير

**أم حمدة2008** · 2011-12-13, 22:08

وليييييييييييش العيلة كلهاااااااا !!! بس أمه أو إخته وحدة بس

وإن الله كتب وخذيتيه طنشي خدمة البيت وإهتمي في زوجج وكوني قويه وقوليلهم هاتووووووووو لكم خدامه وما عليج منهم ....

**قلبي صامت** · 2011-12-13, 22:47

الي الله كاتبنه بيستوي
اذا كان من نصيبها و لا

**شما المحيربي** · 2011-12-13, 22:51

ما فيها شي ايون وايكونون وياج حياتي بالعكس بيهدون الجو اشوية

بالتوفيق أختي الغالية
^____^

الموضوع: شوفه الشرعيه

أدوات الموضوع

عرض

شوفه الشرعيه

المزيد من آخر المواضيع من نفس القسم:

المواضيع المتشابهه

شوفه شرعيه والا صوره فوتوغرافيه @_@

غصة الي شوفه بالمدارس

تولــــهنا على شوفه ^^ .. اتمنى تعطوني رايكــــم